PINAINTALANG 3:15 - Tanou Moonsoi Timugon

¹⁵ Makapandai Aku noyo atan ondo' binaal mino. Makapandai Aku ra kalo masalui kapoam malasu' kau. Mumpara' boo bobonsoi no amon ru masalui kapoam malasu' kau!

PINAINTALANG 3:15 ပူးပေါင်းရင်းမြစ်များ

ROMA 12:11

Pirot kano pangandoi am pai' katiar. Mabaya' ra kaikangan ru Ambiluo ri Aki Kapuuno', pangandoi kano ra Tuhan ra totopot ru guang min.

MATIUS 6:24

“Kolondo' sangulun pana ulipon makapangandoi ra ruo tuan: sangulun kasisangin no am sangulun tagamin no; kapoam gumagaya' io ra sangulun am magasab ra bokon no. Koson niayuk ramuyun ra kalo makapangandoi ri Aki Kapuuno' magampan ra kalangkayaan.

1 RAJA'-RAJA' 18:21

Tingkuang i Ilia ra ulun-ulun no am indagu, “Saboi sanggilan kia magulayun karuoon min guang? Amon ru Tuhan no i Aki Kapuuno', sambaa' noyo Tuhan; kaa' amon ru Baal no i Aki Kapuuno', sambaa' noyo Baal!” Kaa' ulun-ulun no kalo naguta'.

PINAINTALANG 2:4

Kaa' gitio kalo kaansayan Kuno ramuyun; raino kalo boo nai motogom kau Raki' koson ra talimpuun i.

MATIUS 24:12

Kalaatan lumanja' suang saboi ulun kalo motogom ra rondo' am bokon.

AMSAL 23:26

Alii ra anak kuno, imansai' toojo am bayaa' bayag kuno.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

PILIPI 1:9

Gitio noyo pakiasian kuno ri Aki Kapuuno' ra gama' ru mulu' poyo togom mino ri Aki Kapuuno', mogondo' niayuk ra mulu' poyo kapandayan min ra katapatan am kaintutunan no.

2 KORINTUS 12:20

Maimamang aku ra paat ra mongoi aku ramuyun, ilain ku sala' kau boo intor ra atan ondo' lansanin kuli, am aku pana sala' boo intor ra atan ondo' lansanin min. Maimamang aku ra akau mansasangor, magugusolon, mansisang, matayar-tayar, magagasab, mangilaat ra ulun, malilimbau am kumuliangi-angi kau.

MATIUS 10:37

“Osoi ayuk motogom poyo ra ama' am ina' nano ka Aku kalo sama' io masauk ra maamaya' Kuno. Koson niayuk ra osoi ayuk motogom poyo ra anak ungkuyon kapoam anak ruandu' nano ka Aku kalo sama' io masauk ra maamaya' Kuno.

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

PINAINTALANG 3:1

“Tulisi' koson ragitio ra malaikat ru pasimpungan ulun Kristian ra bandar Sardis: “Gitio noyo bilin intor Riso ondo' mokoondo' tulu' Ambiluo intor ri Aki Kapuuno' am mampaguut ra tulu' butitin no. Makapandai Aku atan baalon mino. Akau ti maayag rokoon kaa' sotopot no minatoi kau!

PINAINTALANG 2:2

Nakapandai Aku atan noyo binaal mino; nakapandai Aku ra mumpara' boo pirot min mangandoi am ati koson ra akau tumaan paat imboloon. Nakapandai Aku ra kalo mangapu kau ra ulun malaat. Am kininaman min noyo ilo ondo' migiangku ra rasul saboi napandayan min ilo ti ra maabau-abau.

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

GOSIA 10:2

Guang nilo natikop ra ruung am raino ilo musiti' maimbolo' kinibit ru tula nilo. Lunsayon ri Aki Kapuuno' altar-altar nilo am mampagaba' ra batu-batu sambaan nilo.

1 KORINTUS 16:22

Osoi ayuk kalo motogom ri Tuhan Jisus, ukumin io ri Aki Kapuuno'! Maranata, arati' no ‘O Tuhan mai, ratong no!’

GOSIA 7:8

Indagu Tuhan, “Ulun ru Israil koson ra ruti' naintanga' naansak. Lumansan ilo ra bansa'-bansa' ra libung nilo.

PINAINTALANG 3:16

Kaa' akau ti momomonor, malasu' kalo, masalui kalo, luaan takamin intor ra kabang Kuno.