PINAINTALANG 3:14 - Tanou Moonsoi Timugon

¹⁴ “Tulisi' koson ragitio ra malaikat ru pasimpungan ulun Kristian ra bandar Laodikia: “Gitio noyo bilin intor Riso ondo' sabiton ra Amin, ioginio sasi' ondo' malansanan am motopot, Io no puun ru ngaangai' ondo' sinauk ri Aki Kapuuno'.

PINAINTALANG 3:14 ပူးပေါင်းရင်းမြစ်များ

KOLOSI 1:15

I Jisus Kristus no mogondo' ri Aki Kapuuno' ondo' kalo maalap kakito. Io ti anak langkuir Nano ondo' maatang toojo intor ra ngaangai' ru sinauk Nano.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

KOLOSI 1:18

Io no maningganai ra inan, ioginio pasimpungan ulun Kristian, am Io poyo puun ru kaayagan bagu nilono. Io po Anak Langkuir ri Aki Kapuuno' ondo' binayag saguli' intor ra kapatayan, koson nampasauk Riso ra maatang intor ra ngaangai'.

2 KORINTUS 1:20

Sabap Riso, i Aki Kapuuno' mindagu ra “Iou” ra moonong ondo' binantu' Nali. Ginio ra itakau mindagu ra “Amin”, sabap ri Jisus Kristus, maa' raginio urumaton takau i Aki Kapuuno'.

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.

PINAINTALANG 22:13

Aku noyo talimpuun am pupus; Aku noyo kasaa' am pangayaan.”

PINAINTALANG 19:11

Kakito ku boo suruga' no naukab am mokoondo' sanginan kuda mapulak. Ondo' nangura' no ininggalanan i Mampagagaya' am i Motopot. Matimpok Io ra mangukum am mangayou ra bokon.

JIRIMIA 42:5

Ilo pana mindagu boo raki', “Polosoon noyo Tuhan masauk ra sasi' ondo' mabanis guang am motopot ramon amon ru kalo gumagaya' akai ra susuban ondo' tinaakan ru Tuhan, i Aki Kapuuno' takau rirun koson ramon.

JISAYA 65:16

Osoi-osoi ondo' mayan ra pagun raginio, am ondo' makibarakat makitaak ra barakat ri Aki Kapuuno' ondo' mampagagaya'. Osoi-osoi magibot, magibot ilo ralalom ru inggalan ri Aki Kapuuno' ondo' mampagagaya'. Sabap no kaimbalaan ra galing i natatak am linilianan.”

AMSAL 8:22

Aku pinagulu sauko' ru Tuhan, aku noyo ampos ru kandoi Nano ondo' pinagulu bulintok ra galing i poyo.

PINAINTALANG 22:6

Indagu boo malaikat no raki', “Ragu ragitio motopot am malansanan. I Aki Kapuuno', Tuhan ondo' mansail ra Ambiluo Nano manguasa' ra nabi-nabi, nanusub ra malaikat no mampakito ra ulipon-ulipon Nano atan maaru' masauk ra maagu no.”

PINAINTALANG 21:6

Indagu Io, “Nopongo noyo. Aku noyo talimpuun am pupus; Aku noyo kasaa' am pangayaan. Osoi ayuk pinaason, aniin Ku io ra inumon ra kalo kilagain intor ra taur ru timug mampakaayag.

PINAINTALANG 1:11

Kono, “Tulisi' noyo ondo' makito muno, am paatari' surat no ra tulu' pasimpungan ulun Kristian giu' ra bandar Ipisus, bandar Simirna, bandar Pirgamum, bandar Tiatira, bandar Sardis, bandar Piladilpia am bandar Laodikia.”

PINAINTALANG 2:1

“Tulisi' koson ragitio ra malaikat ru pasimpungan ulun Kristian ra bandar Ipisus: Gitio noyo bilin intor Riso ondo' mampaguut ra tulu' butitin ra kalindu' pamiris Nano, ondo' mugar ra tatanga' ru tulu' tampakan ra lampung mas.

KOLOSI 4:16

Mopongo surat ti mabasa' min, painjulo' min poyo ra pasimpungan ulun Kristian giu' ra Laodikia, maa' raginio mabasa' nilo niayuk. Mogondo' ra surat kuli ra bokon i ondo' painjulon boo ramuyun ru ulun Laodikia, basaa' min.

KOLOSI 2:1

Masaga' aku mambala' ramuyun ra mapirot aku nangandoi koson mampaikang ra pangintapatan min am poyo ra ulun giu' ra Laodikia am niayuk ngaangai' ulun ra bokon ondo' kalo poyo igondo' pakatuum raki'.

JISAYA 55:4

Sotopot no, sinauk Ku io ra tingganai am panglima, sasi' intor ra kuasa' Kuno ra bansa'-bansa'.

KASAUKAN 49:3

“I Rubin, anak katuaan kuno, okou noyo ikang kuno, anak ungkuyon ra kasaa' ru kinabaani kuno, ondo' mapanggol kaga' am maikang kaga', intor ra ngaangai' anak ungkuyon kuno.

SAGULION 21:17

Musiti' io mantayar ra rapu' induo ruli' ra anak katuaan nano, kabalu' pana anak raginio sala' ka anak ru andu' tagamin nano. Musiti' sangulun ama' mangiou ra anak katuaan nano, am mangani' riso ra tayar ru rapu' ondo' masauk ra tungkuson nano sumugut ra aturan.”

AMSAL 14:5

Sasi' ra mabanis guang masalok mindagu ra motopot, kaa' sasi' ra kalo mabanis guang masalok magabau.

JUANIS 1:3

Mansail Riso ngaangai' inangun ri Aki Kapuuno', am kolondo' rondo' pana nasauk ru kalio Io.

JUANIS 8:14

Taam i Jisus risilo, “Kabalu' pana mampaintutun Aku ra baal Kuno galama', ginio motopot, sabap ra nakapandai Aku ra intor Kuno am angayan Kuno, kaa' akau kalo makapandai ra intor kapoam angayan Kuno.