PINAINTALANG 3:1 - Tanou Moonsoi Timugon

¹ “Tulisi' koson ragitio ra malaikat ru pasimpungan ulun Kristian ra bandar Sardis: “Gitio noyo bilin intor Riso ondo' mokoondo' tulu' Ambiluo intor ri Aki Kapuuno' am mampaguut ra tulu' butitin no. Makapandai Aku atan baalon mino. Akau ti maayag rokoon kaa' sotopot no minatoi kau!

PINAINTALANG 3:1 ပူးပေါင်းရင်းမြစ်များ

LUKAS 15:24

Sabap ra anak kuno koson ra minatoi kaa' naayag io po saguli'; timinanggau io, kaa' raino siminaguli'.’ Bunsag i pana pinatalimpuun.

LUKAS 15:32

Kaa' musiti' takau munsag am pakaansuk, sabap ra boborok muno koson ra minatoi kaa' naayag io po saguli'; timinanggau io, kaa' raino siminaguli'.’ ”

JUANIS 1:16

Sabap ra togom Nano ra maayo no, kalo lumonggo' Io mambarakat ritakau.

JUANIS 1:33

Ragili, kalo nakatutun aku osoi Io ti. Kaa' i Aki Kapuuno' ondo' nanusub raki' mampariu' ra timug no minindagu raki', kono, ‘Makito mu Ambiluo ri Aki Kapuuno' tumuun ra sangulun am sumoroi riso. Ulun raginio noyo ondo' mampariu' ramuyun ra Ambiluo ri Aki Kapuuno'.’

JUANIS 20:22

Sampuyo' No boo ilo am indagu, “Apuo' noyo Ambiluo ri Aki Kapuuno'.

JUANIS 3:34

Io ondo' sinusub ri Aki Kapuuno' mampasaboi ra ragu Nano, sabap ra kalo palasin i Aki Kapuuno' mangani' Riso ra Ambiluo Nano.

RINALATAN 2:33

Kinayang Io mongoi ra intok makakuasa' ra tampilon pamiris ri Aki Kapuuno' am niayuk nakaapu ra Ambiluo ri Aki Kapuuno' ondo' binantu' ri Ama'. Ondo' makito am morongog min raino ti am Ambiluo no ondo' pinataak ri Jisus ramon.

IPISUS 2:1

Ra galing i ra pagilangan ri Aki Kapuuno' koson ayuk ra minatoi kano sabap ra anggal am tula mini.

IPISUS 2:5

saboi sabap ri Kristus itakau inanian ra kaayagan bagu. Ragili itakau koson ra minatoi ayuk ra pagilangan Nano sabap ra anggal am tula takau, kaa' raino sabap ra asi' ri Aki Kapuuno' binayag takau noyo.

KOLOSI 2:13

Gili, akau ondo' sala' ka ulun ru Jaudi, koson ayuk ra minatoi kau sabap ra kinibit ru tula min am sabap ra kalo nakaulig kau ra Ukum ri Musa. Kaa' akau binayag Nano saguli' mabaya' ri Kristus ra Io nangampun ra tula takau.

1 TIMOTIUS 5:6

Kaa' napuor ondo' maringkumaa' ayuk ra kalangkayaan, io ti karaan koson ra pangintapatan nano minatoi noyo, kabalu' pana naayag io.

JAKUBUS 2:26

Ginio nai ra koson ra ulun mairuan ra painawo matoi ayuk, koson niayuk ra ulun ondo' mangintopot kaa' kalo mambaal ra moonsoi, io ti koson minatoi noyo, ioginio pangintapatan nano kolondo' onong.

1 PITRUS 1:11

Nangimumuyan nilo ra ati kulaan am sanggilan ginio masauk, sumugut ra bolos ru Ambiluo ri Kristus ralalom ru guang nilo. Io no nambala' risilo intor ra kaimbalaan ondo' inaru' matuum ri Kristus am poyo intor ra katulayan ra tauli no.

JUDAS 1:12

Paat ra pagakanan min ra Kristian, moroot ilo am mampakaatang ra kasagaan galama' ayuk. Ilo ti koson ra gaun ondo' siabin ayuk ru bagiu', kaa' kalo niayuk mamparasam. Mogondo' ilo niayuk ra puun tataun ondo' kalo mangkawa' paat ra pangkawaan nano. Koson ilo ra puun tataun ondo' binubul noyo ra bakat nano pana – minatoi boo toojo.

PINAINTALANG 1:11

Kono, “Tulisi' noyo ondo' makito muno, am paatari' surat no ra tulu' pasimpungan ulun Kristian giu' ra bandar Ipisus, bandar Simirna, bandar Pirgamum, bandar Tiatira, bandar Sardis, bandar Piladilpia am bandar Laodikia.”

PINAINTALANG 1:16

Kalindu' pamiris Nano nampaguut ra tulu' butitin am intor ra kabang Nano miningkual rondo' ilang ruo larom. Bulos Nano makasinda koson ra pangit ru mato ru orou.

PINAINTALANG 1:20

Gitio noyo arati' ru tulu' butitin ondo' makito muno ra kalindu' pamiris Kutu, am intor ra tulu' tampakan ra lampung binaal intor ra mas no: Tulu' butitin raginio iono malaikat ru tulu' pasimpungan ulun Kristian no, am tulu' tampakan ra lampung no ioginio tulu' pasimpungan ulun Kristian.”

PINAINTALANG 1:4

Intor raki', i Juanis, posoboyon ra tulu' pasimpungan ulun Kristian giu' ra pagun ru Asia! Gama' ru aniin kau ra barakat am pabansayan ri Aki Kapuuno', ondo' soroi raino, galing i am pupus no pana. Am intor ra tulu' ambiluo ondo' soroi ra saang ru takhta Nano.

PINAINTALANG 2:13

Makapandai Aku ati inayanan mino. Ioginio giu' ra panguasaan ru Tingganai ru riwato no. Nangintopot kau toojo Raki' am kalo inali' min Aku kabalu' pana i Antipas, sasi' Kuno ondo' malansanan, pinatoi ra saang min, giu' ra nanguasaan ru Tingganai ru riwato i.

PINAINTALANG 2:19

Nakapandai Aku ra atan binaal mino, togom mino, gagaya' mino, kandoi mino am kaaratan mino ra akau imboloon. Nakapandai Aku ra raino kandoi mino moonsoi poyo ka ragili.

PINAINTALANG 2:2

Nakapandai Aku atan noyo binaal mino; nakapandai Aku ra mumpara' boo pirot min mangandoi am ati koson ra akau tumaan paat imboloon. Nakapandai Aku ra kalo mangapu kau ra ulun malaat. Am kininaman min noyo ilo ondo' migiangku ra rasul saboi napandayan min ilo ti ra maabau-abau.

PINAINTALANG 2:9

Nakapandai Aku ra kapaganan mino; nakapandai Aku ra musikin kau, kaa' sotopot no langkaya' kau ra pangintapatan! Nakapandai Aku ra inuwan kau ru ulun migiangku ra ulun ru Jaudi, ondo' sotopot no sala' ka Jaudi; ilo ti maamaya' ru Tingganai ru riwato!

PINAINTALANG 3:15

Makapandai Aku noyo atan ondo' binaal mino. Makapandai Aku ra kalo masalui kapoam malasu' kau. Mumpara' boo bobonsoi no amon ru masalui kapoam malasu' kau!

PINAINTALANG 3:2

Ginio boo ra karat no am kaikango' saguli' ondo' soroi poyo ramuyun ra kalo poyo matoi toojo. Sabap ra napandayan Ku atan binaal mino kalo poyo matanda' ra pagilangan ri Aki Kapuuno' Kuno.

PINAINTALANG 3:8

Makapandai Aku atan baalon mino. Makapandai aku ra ikang mino kalo kukula', kaa' minaya' kau ra pangilaan Kuno am gumagaya' kau Raki'. Nangukab Aku ra umpasan min am angabin ru osoi ayuk pana kalo maangaban.

PINAINTALANG 4:5

Intor ra takhta no makabinusasal ru ganit am mokobolos ra tingkalur am timpalak mapuor. Am giu' ra saang no mokoondo' tulu' titiu simininda. Ginio noyo tulu' Ambiluo ri Aki Kapuuno' no.

PINAINTALANG 5:6

Kakito ku boo sanginan Anak Domba minigor ra tatanga' ru takhta no ondo' liniputan ru apat ilo ondo' maayag am ngaangai' ru tingganai no. Makito ku io ti koson pinatoi. Mokoondo' Io tulu' sangau am tulu' mato, ioginio tulu' Ambiluo ri Aki Kapuuno' ondo' sinusub mongoi ra tikop-tikop ru tana' ti.