PINAINTALANG 22:9 - Tanou Moonsoi Timugon9 kaa' indagu io raki', “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am koson ra pabukat-pabukat muno ioginio nabi-nabi no, am ngaangai' ondo' gumagaya' ra bala' tinulisan ra kitab ragitio.” အခန်းကိုကြည့်ပါ။ |
Gitio noyo ondo' pinaintalang ri Jisus ra baal ondo' masauk no. Ioginio, tinaakan ri Aki Kapuuno' ralalom inggalan ri Jisus koson mampakito ra ulun pinili' Nano ra atan ondo' saukon Nano kalo boo mabuoi tumalimpuun. Nambala' i Kristus ra baal ragitio ra ulipon Nali i Juanis, pinabala' galing ra sangulun malaikat ondo' sinusub Nano,
Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.
Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.