PINAINTALANG 22:17 - Tanou Moonsoi Timugon

¹⁷ Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.

PINAINTALANG 22:17 ပူးပေါင်းရင်းမြစ်များ

MAZMUR 34:8

Malaikat ru Tuhan mantamung ra ulun ondo' mangurumat Riso, am mamayag risilo intor ra makalalaa'.

JISAYA 12:3

Ati poyo kulaan ra timug makabansuk ra ulun pinaason, ginio niayuk ra ulun ri Aki Kapuuno' maansukan sabap binayag ri Aki Kapuuno'.”

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JISAYA 2:5

Alii ra papag ri Jakub, ugar takau ralalom sinda ru Tuhan!

JIRIMIA 50:5

Mangkuot ilo ra ralan mongoi ra Sion, am sumuku' ra giu' no. Mambaal ilo ra rondo' nabantuan mantilayun Raki', am kalo lumungkang raginio saboi ra sabubuoi no.

YEHEZKIEL 47:1

Nagibit ungkuyon no raki' sumaguli' ra kulobon subalan ra Baloi ru Tuhan. Nakito ku timug tumilis intor ra ragana' ru kulobon mongoi ra tampilon sirangon, koson ra Baloi ru Tuhan niayuk tumingkuang ra tampilon ra sirangon. Timug no tumilis intor ra ragana' ru guang ru kulobon Baloi ru Tuhan ra tampilon rabugus, mansail ra kiing ru rabugus ru altar.

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

JUANIS 1:37

Korongog ru ruo ngaulun maamaya' ri Juanis ragu nali, ugar boo ilo ruo baya' ri Jisus.

JUANIS 4:10

Taam i Jisus, “Amon ru nakapandai kou ra taak ri Aki Kapuuno' am osoi makitaak rirun ra inumon, maaru' makitaak kou po Riso am mangani' Io rirun ra timug ondo' mampakaayag.”

JUANIS 4:11

Indagu ruandu' i Riso, “Tuan, tulubong ti malandom kaga' am kolondo' susuuk Muno. Ati kaalapan Muno ra timug mampakaayag no?

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

JUANIS 4:29

“Ibok, ongoi takau ilai' sangulun ungkuyon ondo' nambala' raki' ra ngaangai' ondo' binaal kuli. Io no kinua' Mamamayag ondo' sinusub ri Aki Kapuuno' i?”

JUANIS 7:37

Paat ra orou kaampusan ru pangiantakan i, ioginio orou maatang toojo, bigor i Jisus am indagu ra mosongou, “Osoi ayuk paason, polosoo' io no matong Raki' am manginum.

ROMA 3:24

Ralalom asi' ri Aki Kapuuno' ondo' tinaakan ayuk, ulun mobonsoi saguli' Riso: ioginio, ralalom inggalan ri Kristus Jisus ondo' mampalabus risilo.

1 KORINTUS 2:12

Itakau kalo nokoowot ra kapintaran ru tana' ti, kaa' ondo' ayuk noowot takau, io no Ambiluo ri Aki Kapuuno'. Maa' raginio makarati' takau ra ngaangai' ondo' pataakon ritakau ri Aki Kapuuno'.

PINAINTALANG 14:13

Korongog ku boo bolos intor ra limbowon mindagu, “Tulisi' noyo gitio: Pakaansuk noyo ilo ondo' intor raino matoi sabap ra mampaugar ra kandoi ru Tuhan.” Taam Ambiluo ri Aki Kapuuno', “Motopot. Ilo ti patanguson intor ra kaimbalaan, am aniin ilo ra ampos sabap ra kandoi nilono ra Tuhan.”

PINAINTALANG 2:7

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! Osoi ayuk mangala ra kuasa' ru kalaatan paakanon Ku io ra kawa' intor ra puun ru mampakaayag ondo' tumuu' ra Pirdaus.”

PINAINTALANG 21:2

Kakito ku niayuk Bandar Matulai no, ioginio bandar Jirusalim bagu, tumuun intor ra suruga' intor ri Aki Kapuuno'. Bandar no pinatampos noyo koson ra ruandu' uoton nakatampos noyo mongoi uma' ra ralaki nano.

PINAINTALANG 21:6

Indagu Io, “Nopongo noyo. Aku noyo talimpuun am pupus; Aku noyo kasaa' am pangayaan. Osoi ayuk pinaason, aniin Ku io ra inumon ra kalo kilagain intor ra taur ru timug mampakaayag.

PINAINTALANG 21:9

Rondo' intor ra katulu' malaikat no ondo' nampaguut ra tulu' sangkir makasuang ra tulu' kapaganan malaat ra pupus no, ratong raki' am indagu, “Ibok. Tuluin tokou ra ruandu' uoton no, ioginio andu' ru Anak Domba.”

PINAINTALANG 22:1

Malaikat no niayuk nanulu' raki' ra sungoi ondo' mampakaayag. Sungoi no manguliat koson ra kristal am mugar intor ra takhta ri Aki Kapuuno' am Anak Domba no ra tatanga' ralan ru bandar no. Sapapa'-mansapapa' ra kiing ru sungoi no, mokoondo' puun ru mampakaayag ondo' mangkawa' inggopor am ruo sambilor, ioginio igondo' sambulan. Raun nano alapon pamabas ra bansa'-bansa'.

PINAINTALANG 22:16

“Aku, i Jisus, nakapanusub Aku no ra malaikat Kuno mongoi pampabala' ramuyun ra baal ragitio ra pasimpungan ulun Kristian no. Aku ti papag ru raja' Daut; Aku no butitin sirangon ondo' mapaang no.”

PINAINTALANG 7:17

Sabap ra Anak Domba ondo' soroi ra tatanga' ru takhta no magalung risilo am maningganai risilo mongoi ra taur ru timug ondo' mampakaayag. Am i Aki Kapuuno' mamiir ra lomou ru tangi' intor ra mato nilai no.”