PINAINTALANG 22:16 - Tanou Moonsoi Timugon

¹⁶ “Aku, i Jisus, nakapanusub Aku no ra malaikat Kuno mongoi pampabala' ramuyun ra baal ragitio ra pasimpungan ulun Kristian no. Aku ti papag ru raja' Daut; Aku no butitin sirangon ondo' mapaang no.”

PINAINTALANG 22:16 ပူးပေါင်းရင်းမြစ်များ

JISAYA 11:1

Papag ri Raja' Daut koson ra puun ondo' tinagar. Kaa' koson ra talantar bagu tumuu' ra tuor ru puun tataun, koson niayuk ra sangulun raja' bagu ondo' sumalula' intor ra papag ri Raja' Daut.

JISAYA 14:12

Alii ra raja' ru Babilonia, butitin ru susuab ondo' moonsoi kaga', naratu' kono intor ra limbowon! Galing i nangala kou ra bansa'-bansa', kaa' ragino okou pinatiran ra tana'.

JAKARIA 6:12

Balai' io ra Aku, Tuhan Ondo' Maayo Kaga' Kuasa' mindagu, ‘Ulun ondo' sabiton ri Talantar nakasugut giu' ra intok sinarayan nano, am mambaal io saguli' ra Baloi ru Tuhan.

UNTABAN 24:17

Nakakito aku ra orou matong, nakakito aku ra bansa' ru Israil. Intor ra bansa' no, matong sangulun raja', raja' no koson ra butitin mapaang kaga', ondo' sumalula' intor ra Israil. Mamuso io ra tingganai-tingganai ru Moab, am mamuso ra ngaangai' ulun ru Sit.

MATIUS 1:1

Gitio noyo suang ru papag ri Jisus Kristus. I Jisus no papag ru raja' Daut, am i Daut papag ri Abragam. Intor ri Abragam suku' ri Daut gitio noyo inggalan ru kinamatuaan ri Jisus:

MATIUS 2:2

am pangkuot ilo, “Ati naganakan ra lalagang ondo' masauk ra raja' ru ulun ru Jaudi? Nakito mai butitin Nano siminirang giu' ra intok mai tampilon ra sirangon am nakasuku' akai ragiti mongoi samba Riso.”

MATIUS 22:42

“Atan kia pampaguangan min ra Mamamayag ondo' sinusub ri Aki Kapuuno'? Papag ru osoi kia Io ti?” Taam ilo, “Papag ru raja' Daut!”

MATIUS 22:45

Amon ru i Daut mampiau Riso ‘Tuhan’, ati koson Mamamayag ondo' sinusub ri Aki Kapuuno' masauk ra papag ri Daut?”

LUKAS 1:78

Tuhan takano mataau am makaasi' kaga' am matong Io mamayag ritakau. Koson niayuk ra mato ru orou sumirang paat ra susuab,

LUKAS 20:44

Amon ru sabiton Io ri Daut ra ‘Tuhan’, ati kulaan Mamamayag ondo' sinusub ri Aki Kapuuno' masauk ra papag ri Daut?”

ROMA 15:12

Kon poyo ru Nabi Jisaya, “Matong sangulun intor ra papag ru Isai; mamarinta Io ra bansa'-bansa', am lumansan ilo Riso.”

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

2 PITRUS 1:19

Ginio boo ra mangintopot akai no toojo ra bala' ondo' pinasaboi ru nabi-nabi ragili. Ginio ra moonsoi ru karaan min toojo bala' ti, ondo' koson ra pilasut suminda ra intok molondom. Am karaan ginio suku' ratangan saguli' Nano, ondo' koson ra butitin ru sirangon paat ra matawang – Io mampaulig toojo ramuyun ri Aki Kapuuno'.

PINAINTALANG 1:1

Gitio noyo ondo' pinaintalang ri Jisus ra baal ondo' masauk no. Ioginio, tinaakan ri Aki Kapuuno' ralalom inggalan ri Jisus koson mampakito ra ulun pinili' Nano ra atan ondo' saukon Nano kalo boo mabuoi tumalimpuun. Nambala' i Kristus ra baal ragitio ra ulipon Nali i Juanis, pinabala' galing ra sangulun malaikat ondo' sinusub Nano,

PINAINTALANG 1:11

Kono, “Tulisi' noyo ondo' makito muno, am paatari' surat no ra tulu' pasimpungan ulun Kristian giu' ra bandar Ipisus, bandar Simirna, bandar Pirgamum, bandar Tiatira, bandar Sardis, bandar Piladilpia am bandar Laodikia.”

PINAINTALANG 1:4

Intor raki', i Juanis, posoboyon ra tulu' pasimpungan ulun Kristian giu' ra pagun ru Asia! Gama' ru aniin kau ra barakat am pabansayan ri Aki Kapuuno', ondo' soroi raino, galing i am pupus no pana. Am intor ra tulu' ambiluo ondo' soroi ra saang ru takhta Nano.

PINAINTALANG 2:11

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi ayuk mangala ra kuasa' ru kalaatan kalo makaliman ra kapatayan karuo.”

PINAINTALANG 2:17

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi mangala ra kuasa' ru kalaatan, aniin Ku io ra ruti' ondo' nakasibuni no – ondo' sabiton ra manna. Mangani' Aku niayuk riso ra rondo' batu mapulak ondo' tinulisan ra inggalan nakabagu ondo' kalo mauligan ru ulun bokon kaa' ulun mangapu no ayuk.”

PINAINTALANG 2:7

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! Osoi ayuk mangala ra kuasa' ru kalaatan paakanon Ku io ra kawa' intor ra puun ru mampakaayag ondo' tumuu' ra Pirdaus.”

PINAINTALANG 22:1

Malaikat no niayuk nanulu' raki' ra sungoi ondo' mampakaayag. Sungoi no manguliat koson ra kristal am mugar intor ra takhta ri Aki Kapuuno' am Anak Domba no ra tatanga' ralan ru bandar no. Sapapa'-mansapapa' ra kiing ru sungoi no, mokoondo' puun ru mampakaayag ondo' mangkawa' inggopor am ruo sambilor, ioginio igondo' sambulan. Raun nano alapon pamabas ra bansa'-bansa'.

PINAINTALANG 22:11

Maaru' ulun malaat marayus mambaal ra malaat; am maaru' makauyuyu' marayus mampakauyu'. Maaru' ulun motopot marayus mambaal ra motopot; am maaru' ulun mapasau marayus maayag ra mapasau.”

PINAINTALANG 22:20

Io ondo' mampasaboi ra ngaangai' kaintutunan ti mindagu, “Motopot, kalo boo mabuoi am matong Aku.” Amin! Ratong no, Tuhan Jisus!

PINAINTALANG 22:6

Indagu boo malaikat no raki', “Ragu ragitio motopot am malansanan. I Aki Kapuuno', Tuhan ondo' mansail ra Ambiluo Nano manguasa' ra nabi-nabi, nanusub ra malaikat no mampakito ra ulipon-ulipon Nano atan maaru' masauk ra maagu no.”

PINAINTALANG 3:13

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”

PINAINTALANG 3:22

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”

PINAINTALANG 3:6

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”

PINAINTALANG 5:5

Indagu boo sangulun intor ra tingganai no raki', “Pai' pantangi'! Ilai' noyo! Singa' intor ra bansa' ru Jiuda, papag maayo ru raja' Daut no, nangala io noyo ra kuasa' ru kalaatan. Mamalungkab Io ra tulu' segel am mamingkal ra naskhah rinulun no.”