PINAINTALANG 22:11 - Tanou Moonsoi Timugon

¹¹ Maaru' ulun malaat marayus mambaal ra malaat; am maaru' makauyuyu' marayus mampakauyu'. Maaru' ulun motopot marayus mambaal ra motopot; am maaru' ulun mapasau marayus maayag ra mapasau.”

PINAINTALANG 22:11 ပူးပေါင်းရင်းမြစ်များ

AYUP 17:9

Ulun ondo' moonsoi am kolondo' sala, gumaai mangintopot ra i Aki Kapuuno' mangiou risilo.

MAZMUR 81:12

Kaa' ulun Kuno kalo mangkirongog ra ragu Kuno; Israil kalo gumagaya' Raki'.

AMSAL 14:32

Ulun malaat matoi sabap ra kalaatan nilo galama'; ulun moonsoi masindungan sabap ra kabanisan ru guang nilo.

AMSAL 4:18

Kaayagan ru ulun moonsoi koson ayuk ra sirang ru mato ru orou, buoi kabuoi matawang kaga' saboi mamai'.

MAMPATANOU 11:3

Ati tampilon pana kaabaan ru puun tataun no, ginio noyo intok ru puun tataun no maaba'. Paat ra gaun no lumondom, rasam ra maawas pana rumatu'.

YEHEZKIEL 3:27

Paat ra Aku mindagu poyo rirun, am niayuk mangiou rirun mindagu saguli', musiti' kou mambala' risilo ra atan ondo' rinagu Kuno, Tuhan Raja'. Santayaran ulun rumongog, kaa' santayaran poyo kalo, sabap ilo totopot bansa' ra gugumuor.”

DANIL 12:10

Masuang ulun kinamin am kapasawon. Ulun malaat kalo makarati'; rumayus ilo mambaal ra kalaatan nilo. Ulun mapintar ayuk makarati'.

MATIUS 15:14

Pai' no kaimamang risilo. Ilo no tingganai ondo' noolou; am paat ra ulun bolou no mangitang ra ulun bolou, ilo karuo-ruo makasubol ra parit.”

MATIUS 21:19

Kiing ru ralan binayaan nilo mokoondo' sampuun ara timinuu'. Ongoi Io ra puun ru ara i, kaa' rondo' kawa' pana kolondo' nakito nano, raun ru ara ayuk soroi. Pagibot i Jisus ra puun ru ara ni, “Kalo boo mangkawa' kou ra sabuoi-buoi no!” Lonot pamulali' puun ara ni.

MATIUS 25:10

Ralaa limo ngaulun ti ongoi bali. Buoi ilo minugar, pakasuku' boo ungkuyon uatin i, am limo ngaulun nakatampos ti subol ra bunsag mabaya' ra ungkuyon uatin am kulobon pana inangaban.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

MATIUS 5:6

Pakaansuk noyo ulun ondo' maguyum ra kasagaan ri Aki Kapuuno', sabap ra basugon ilo ri Aki Kapuuno'.

JUANIS 8:21

Indagu poyo i Jisus risilo, “Aku ti mugar am maguyum kau poyo Raki', kaa' matoi kau ayuk mabaya' ra tula mino. Akau kalo mokoongoi ra angayan Kuno.”

IPISUS 5:27

Koson raginio noyo, ralalom pagilangan ri Kristus, ilo moonsoi, mapasau am niayuk matanda', am kolondo' boo malaat risilo.

KOLOSI 1:22

Kaa' raino, ralalom pinatayan ru Anak Nano, i Aki Kapuuno' nopobonsoi ramuyun saguli' Riso. Ginio noyo ralan ra akau maapu No koson ra ulun ondo' mapasau guang, kolondo' kasalaan am ondo' motopot.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,

PINAINTALANG 16:21

Intor ra limbowon no riminatu' ra ulun rasam batu ra maayo ondo' rorondo' makabagat limo ngoopor ngakilo no. Ginio boo ra magulas ilo ri Aki Kapuuno' sabap ra baal ru rasam batu no makalalaa'.

PINAINTALANG 22:3

Giu' ra bandar no kolondo' rondo' pana ondo' inibatan ri Aki Kapuuno'. Takhta ri Aki Kapuuno' am Anak Domba no sumoroi ra bandar no am ulipon-ulipon Nano sumamba Riso ra giu' no.