PINAINTALANG 21:5 - Tanou Moonsoi Timugon

⁵ Indagu boo Io ondo' manturung ra takhta no, “Raino baalon Ku ngaangai' no ra baguon.” Indagu Io niayuk raki', “Tulisi' noyo gitio, sabap ra ragu Kuti motopot am malansanan.”

PINAINTALANG 21:5 ပူးပေါင်းရင်းမြစ်များ

JISAYA 42:9

Ragino atan ondo' panalaan kuli nasauk noyo; Balain takamin ragino babaal nakabagu ra kalo poyo masauk ngaangai' no.”

JISAYA 43:19

Guango' noyo baal makabagu ondo' baalon Ku mataki'. Ilai' noyo, pinatalimpuun Ku noyo. Mambaal Aku ra ralan giu' ra tana' kaagisan, am manaak ramuyun ra sungoi-sungoi boborok giu' ra agis limayak.

LUKAS 5:38

Kaa' wain baguon no maaru' lingigon ralalom kantungan baguon niayuk.

2 KORINTUS 5:17

Paat ra sangulun masimpung ri Kristus, masauk io ra ulun baguon; ondo' lairon i napuso, malit boo baguon.

IBRANI 12:27

Ragu ra “Igondo' poyo” ti mampaintutun ra ngaangai' ondo' sinauk Nano ra tana' ti, uyogon am kulawon, maa' raginio baal ru suruga' ondo' kalo mauyog ayuk boo tumilayun.

PINAINTALANG 1:11

Kono, “Tulisi' noyo ondo' makito muno, am paatari' surat no ra tulu' pasimpungan ulun Kristian giu' ra bandar Ipisus, bandar Simirna, bandar Pirgamum, bandar Tiatira, bandar Sardis, bandar Piladilpia am bandar Laodikia.”

PINAINTALANG 1:19

Ginio nai ra tulisi' noyo baal ondo' makito muno, baal soroi ra raino ti am baal masauk ra maagu no.

PINAINTALANG 19:9

Indagu boo malaikat no raki', “Tulisi' noyo gitio: Pakaansuk noyo ilo ondo' piniau ra bunsag paguatan ru Anak Domba no.” Tungguli' poyo ru malaikat no, “Gitio noyo pambalaan motopot intor ri Aki Kapuuno'.”

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

PINAINTALANG 22:19

Amon ru osoi ayuk mangiruru' ra bala' ondo' tinulisan ra kitab ragitio; iruon niayuk ri Aki Kapuuno' tayar nano intor ra kawa' ru puun ru mampakaayag am intor ra Bandar Matulai no, ondo' pinabala' ralalom kitab ragitio.

PINAINTALANG 22:6

Indagu boo malaikat no raki', “Ragu ragitio motopot am malansanan. I Aki Kapuuno', Tuhan ondo' mansail ra Ambiluo Nano manguasa' ra nabi-nabi, nanusub ra malaikat no mampakito ra ulipon-ulipon Nano atan maaru' masauk ra maagu no.”

PINAINTALANG 4:2

Aku pana kuasaa' boo ru Ambiluo ri Aki Kapuuno'. Giu' ra suruga' no mokoondo' takhta, am mokoondo' sangulun nanturung no.

PINAINTALANG 4:9

Kaapat-apat ilo ondo' maayag ti marimbai ra mangurumat, mongompor am maringkuanang Riso ondo' manturung ra takhta no am ondo' maayag ra mantilayun. Am paat kaapat-apat nilo marimbai,

PINAINTALANG 5:1

Kakito ku rondo' naskhah rinulun soroi ra kalindu' pamiris ru Io ondo' nanturung ra takhta no. Sapapa' mansapapa' no natitip ra tinulisan. Naskhah no ginaam ra tulu' segel.