PINAINTALANG 21:24 - Tanou Moonsoi Timugon

²⁴ Bansa'-bansa' ra tana' ti mangkiralan ralalom sinda nano am raja'-raja' ru tana' ti pana ibiton nilo kalangkayaan nilono ra bandar no.

PINAINTALANG 21:24 ပူးပေါင်းရင်းမြစ်များ

MAZMUR 22:27

Ulun balabag mangkan am maasug; ilo ondo' matong ra Tuhan mongompor Riso. Gama' lumangkaya' ilo ra sabubuoi no!

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

JISAYA 2:5

Alii ra papag ri Jakub, ugar takau ralalom sinda ru Tuhan!

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

JISAYA 52:15

Kaa' ragino masuang bansa' binaal no mangimuag, raja'-raja' kalo makaindagu sabap ra mangimuag. Magilong am makarati' ilo, ondo' buoi ti kalo makapandai ilo.”

JISAYA 55:10

Koson ra rasam rumatu' intor ra limbowon, am kalo sumaguli', kaa' mamasa' ra tana', mapalabung am mapatuu' ra tatanom-tatanom, manaak ra ampos koson palabukon am akanon,

JISAYA 55:5

Piawon min bansa'-bansa' suai, am magindibok ilo matong ramuyun, sabap ra Aku, Tuhan i Aki Kapuuno' min, i Aki Kapuuno' matulai ru Israil, sabap ra Aku manulai ramuyun.”

JISAYA 60:13

Tataun sipris, tataun juniper, am tataun pain, tataun ra moonsoi kaga' intor ra kataunan Libanon, ibiton koson manirong rirun, okou Jirusalim, koson mangindon ra Baloi Kuno am mapatulai ra bandar Kuno.

JISAYA 60:16

Bansa'-bansa' am raja'-raja' magalung rirun, koson ra sangulun ina' magalung ra anak nano. Makapandai kou ra Aku, Tuhan, Mamamayag rirun, am ra i Aki Kapuuno' ru Israil, i Aki Kapuuno' Ondo' Maayo Kaga' Kuasa', Mamumuli' rirun.

JISAYA 66:18

Makapandai Aku ra karaan am binaal nilono. Matong Aku koson manimung ra ngaangai' bansa'. Paat ra ilo makatimung, makakito ilo ra kuasa' Kuno,

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

ROMA 15:26

Sabap ra ulun Kristian giu' ra libung ru Makidonia am Akaya mangasaga' mangani' ra ruit paindanganon ra ulun ri Aki Kapuuno' ondo' musikin giu' ra Jirusalim.

SAGULION 32:43

“Akau bansa' ngaangai', omporo' noyo ulun ru Tuhan. Mangukum Tuhan ra ngaangai' ulun ondo' mamatoi ra ulun Nano; mansuli' Io ra pantula' Nano, am mangampun ra tula ru ulun Nano.”

PINAINTALANG 21:26

Kalangkayaan am urumat ru bansa'-bansa' ibiton ra bandar no.