PINAINTALANG 21:15 - Tanou Moonsoi Timugon

¹⁵ Malaikat ondo' minindagu raki' no nampaguut ra tutuku' binaal intor ra mas. Manuku' io ra bandar no, kulobon garabang am timbok no.

PINAINTALANG 21:15 ပူးပေါင်းရင်းမြစ်များ

YEHEZKIEL 40:3

Nagibit Io raki' ra giu' no am makito ku sangulun ungkuyon ondo' makasinda koson ra gangsa', minigor ra kulobon garabang. Ulun no tatanga' mampaguut ra kalat panuku' intor ra linon am niayuk rondo' tataun panuku'.

JAKARIA 2:1

Ralalom ru pinaintalang ra sumunu' no, nakito ku sangulun ungkuyon ondo' nampaguut ra kalat panuku'.

JAKARIA 2:2

Nangkuot aku riso, “Ati angayan muno?” Taam io, “Masaga' aku manuku' ra Jirusalim. Moogot aku makapandai ra gawar am pila' ru bandar no.”

PINAINTALANG 21:12

Bandar no liniputan ru timbok ondo' maayo am masawat. Kulobon garabang no mopor am ruo am moonong rondo' tinamungan ru rondo' malaikat. Rasawat ru moonong kulobon garabang no tinulisan inggalan ru rondo' intor ra mopor am ruo bansa' ru Israil.

PINAINTALANG 21:16

Baal ru bandar no makaapat pisuk am gawar nano nogondo' ra pila' no. Tukuo' boo ru malaikat bandar no ra tutuku' no; gawar nano 2,400 kilomito. Pila' am sawat nano nogondo' ra gawar nano.

PINAINTALANG 21:21

Mopor am ruo umpasan no, ioginio mopor am ruo mutiara. Moonong umpasan no binaal intor ra rondo' mutiara. Ralan ru bandar no binaal intor ra mas kopoyo, maniol koson ra galas.

PINAINTALANG 21:25

Umpasan ru bandar no monsongorou ukabin; am kalo angabin sabap ra kolondo' rondom ra giu' no.