PINAINTALANG 21:10 - Tanou Moonsoi Timugon

¹⁰ Ambiluo ri Aki Kapuuno' nanguasa' raki' am inibit aku ru malaikat no tumampak ra rondo' gunung masawat kaga'. Nanulu' io raki' ra bandar Jirusalim, Bandar Matulai no. Bandar no tumuun intor ra suruga', intor ri Aki Kapuuno'.

PINAINTALANG 21:10 ပူးပေါင်းရင်းမြစ်များ

1 RAJA'-RAJA' 18:12

Ati kulaan amon ru Ambiluo ru Tuhan magibit rirun mongoi ra intok ra bokon ondo' kalo mapandayan ru ulun, ra kakaugar ku ayuk mangiruan ra intok ragitio? Paat ra aku mambala' ra raja' ra soroi kou ragiti am raja' no kalo makauyum rirun, mamatoi io raki'. Karaa' noyo, topot-topot aku sumambayang ra Tuhan intor ra aku lakat poyo mamulok.

2 RAJA'-RAJA' 2:16

am indagu, “Akai limo ngoopor ngaulun ragiti, am ngaangai' mai maikang. Polosoon noyo akai maguyum ri Ilia, tuan muli. Maaru' Ambiluo ru Tuhan nagibit riso am nangiruan riso giu' ra rasawat ru gunung kapoam giu' ra limayak.” Indagu i Ilisa, “Pai', kalo pana mugar!”

YEHEZKIEL 11:1

Ambiluo ri Aki Kapuuno' nangkayang raki' am nagibit raki' ra kulobon garabang sirangon ra Baloi ru Tuhan. Giu' no nakakito aku ra ruo ngoopor am limo ngaulun ungkuyon nakaaya' i Jaajanya anak ri Ajur am i Pilatia anak ri Binaya, ruo ngaulun tingganai ru bansa'.

YEHEZKIEL 11:24

Ralalom ru pinaintalang no, nangkayang Ambiluo ri Aki Kapuuno' raki' am nagibit raki' saguli' ra intok ru ulun pinatiran giu' ra Babilonia. Pinaintalang no pana liminiot boo,

YEHEZKIEL 3:14

Kuasa' ru Tuhan rumatong raki' ra mapuor, am paat ra aku kinayang am inibit ru Ambiluo Nano, malimanan ku maruol guang am sumangit.

YEHEZKIEL 8:3

Pinatutui No rondo' ondo' natilu ra kalindu' am takupo' abuk kuno. Ralalom ru pinaintalang no Ambiluo ri Aki Kapuuno' nangkayang raki' ra masawat am nagibit raki' ra Baloi ru Tuhan giu' ra Jirusalim, giu' ra kulobon subalan giu' ra liliut ra ralalom ondo' tampilon ra ralayo. Giu' no soroi sinungkalalaing ondo' napasingkual ra sangit ri Aki Kapuuno'.

RINALATAN 8:39

Pakaasak ilo, ibito' i Pilipus ru Ambiluo ru Tuhan intor ra giu' i. Kalo boo nakito io ru pagawai i, am tungguli' nilo boo pangkiralanan nabaya' ra kaansukan.

GALATIA 4:26

Kaa' bandar Jirusalim ondo' popogondoon ra suruga' kalo inulipon, am io noyo koson ra ina' takau.

PINAINTALANG 1:10

Paat ra orou sumambayang ra Tuhan, Ambiluo ri Aki Kapuuno' nanguasa' raki'. Pokorongog aku boo ra rondo' bolos ondo' mosongou kaga', koson ra bolos ru bujung ra bakulung kuni.

PINAINTALANG 11:2

Kaa' pai' tukuo' liliut ru Baloi Tuhan no, sabap ra tayar raginio tinaakan noyo ra ulun-ulun sala' ka Jaudi. Kikinjangin nilo Bandar Mapasau no buoi apat ngoopor am ruo ngambulan.

PINAINTALANG 17:3

Ambiluo ri Aki Kapuuno' no boo nanguasa' raki' am ibito' aku ru sangulun malaikat ra intok masiluk. Giu' no makito ku sangulun ruandu' nanturung ra rasawat ru sanginan bibiag masigo malia' ondo' natitip niayuk ra tinulisan ra inggalan magulas ri Aki Kapuuno'. Bibiag masigo no makaulu tulu' am makasangau mopor.

PINAINTALANG 21:2

Kakito ku niayuk Bandar Matulai no, ioginio bandar Jirusalim bagu, tumuun intor ra suruga' intor ri Aki Kapuuno'. Bandar no pinatampos noyo koson ra ruandu' uoton nakatampos noyo mongoi uma' ra ralaki nano.

PINAINTALANG 3:12

Osoi ayuk mangala ra kuasa' ru kalaatan, baalon Ku io ra lugu' ralalom Baloi ri Aki Kapuuno' Kuno, am mantilayun io ra giu'. Patulison Ku riso inggalan ri Aki Kapuuno' am inggalan ru bandar ri Aki Kapuuno', ioginio bandar Jirusalim bagu ondo' tumuun intor ra suruga', intor ri Aki Kapuuno' Kuno. Am inggalan ra nakabagu Kuno niayuk patulison Ku riso.

PINAINTALANG 4:2

Aku pana kuasaa' boo ru Ambiluo ri Aki Kapuuno'. Giu' ra suruga' no mokoondo' takhta, am mokoondo' sangulun nanturung no.