PINAINTALANG 20:9 - Tanou Moonsoi Timugon

⁹ Nakaralat ilo ra titikop ru tana' ti saboi liputin nilo kim ru ulun ri Aki Kapuuno', ioginio bandar ondo' tinagaman Nano. Kaa' timinuun apui intor ra suruga' mangumpo risilo.

PINAINTALANG 20:9 ပူးပေါင်းရင်းမြစ်များ

KASAUKAN 19:24

Pulalii' ru Tuhan napatuun ra rasam makabalirang ondo' makaapui ra bandar Sodom am Gomora.

2 RAJA'-RAJA' 6:15

Suabon ra iosusuab tirong ulipon ri Ilisa, am ingkual intor ra baloi am nakakito ra saujor ru Siria nabaya' ra kuda am kurita' kuda nilo nampaliput ra bandar no. Saguli' io ri Ilisa am golok, “Alii boo ritakau ti, tuan! Atan kinua' musiti' baalon takau?”

AYUP 38:18

Nakapandai kou kia ra kinalangka' ru tana' ti? Taamo' noyo, amon ru makapandai kou ra ngaangai' no.

MAZMUR 106:18

apui riminatu' monolob ra maamaya' risilo, am mangumpo ra ngaangai' ondo' nangausung.

MAZMUR 87:2

tagamin No toojo bandar Jirusalim ka intok-intok ra bokon giu' ra Israil.

MAZMUR 97:3

Apui sumigulu Riso, monolob ra pantula' ra libung Nano.

JISAYA 30:33

Intor poyo ra galing i tinampos noyo apui ra maayo koson monolob ra raja' ru Asyur. Intok no malandom am mapila' am niayuk makasuang ra luton ondo' pariuntur. Tuhan monolob ra luton no mamakai ra angin ru paminawo Nano.

JISAYA 37:36

Kopongo raginio sangulun malaikat Tuhan minongoi ra nangkiman ru ulun ru Asyur am namatoi 185,000 ngaulun saujor. Katawang ra suabon no minatoi ilo ngaangai'!

YEHEZKIEL 38:16

am mamulunsar ra Israil, ulun Kuno, koson ra bagiu' mapuor am rasam maawas lumumpa' ra tana' ti. Paat raginio, manusub Aku rirun koson mamulunsar ra pagun Kuno. Ra binaal Kuno pinabala' galing rirun, makapandai boo bansa'-bansa' ra Aku ti matulai.

YEHEZKIEL 38:22

Ukumin Ku boo io ra maruol tumapik am pasasaron raraa'. Rasam maawas, rasam batu, apui am bilirang makalumpa' riso am saujor nano, am niayuk bansa'-bansa' ondo' maya' riso.

YEHEZKIEL 38:9

I Gog am saujor nano, am niayuk masuang bansa' ondo' namaya' riso mamulunsar koson ra bagiu' mapuor am rasam maawas am mampalibung ra titikop ru pagun no koson ra gaun.”

YEHEZKIEL 39:6

Mampaang Aku ra apui giu' ra pagun Magog, am giu' ra gawar ru nagas intok ru ulun maayag ra kaansayan. Ngaangai' ulun makapandai boo ra Aku noyo Tuhan.

MIKA 2:13

Mangukab i Aki Kapuuno' risilo ra ralan koson magibit risilo mingkual intor ra pamatiran. Jumunjung ilo mingkual intor ra kulobon garabang ru bandar no am magiru'. Tuhan galama', ondo' masauk ra raja' nilo maningganai risilo mingkual.

ABAKUK 1:6

Rongog kano! Pasaukon Ku ulun Babilonia makakuasa', bansa' ondo' masangit am makuliga'. Mongoi ilo ra titikop ru tana' koson manguasa' ra pagun ra bokon.

UNTABAN 11:1

Paat ra sangarawan tumalimpuun ulun ru Israil mambutok ra Tuhan intor ra kapaganan nilo. Pokorongog Tuhan ra butok nilono, siminangit Io am naparatong ra apui risilo. Riminalat apui no ra tatanga' nilono am nonolob ra santayaran ra pangkiman.

UNTABAN 16:35

Kopongo raginio paparatong Tuhan ra apui ondo' nanimbula' am nonolob ra 250 ngaulun ondo' napataak noyo ra kaminyan.

LUKAS 17:29

Kaa' kasuku' orou ri Lot ilo sambaloi nangiruan ra bandar Sodom, ratu' boo apui am balirang intor ra suruga' am naumpo ngaangai' ulun ru bandar i.

LUKAS 19:43

Sabap ra masaboi paat no limpuin kou ru pantula' muno, ampangin am awangin kou ra ngaangai' intok.

LUKAS 21:20

“Amon ru makito min bandar Jirusalim limpuin ru saujor, matutunan min boo ra lunsayon io ra maagu no.

LUKAS 9:54

Katutuni' ru maamaya' no, i Jakubus am i Juanis, ra baal raginio, indagu ilo ri Jisus, “Tuhan, masaga' Kou kia ru kitaakon mai apui intor ra suruga' mamuso risilo?”

SAGULION 23:14

Alungi' noyo maa' raginio pangkiman min kalo majamol, sabap ra Tuhan i Aki Kapuuno' min mabaya' ramuyun giu' ra pangkiman no koson manindung ramuyun am manaak ramuyun ra kamanangan intor ra pantula'. Pai' pambaal ra atan-atan ondo' kalo matanda', ondo' mangkinibit ra Tuhan mangiruan ramuyun.”

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

IBRANI 13:13

Sabap raginio, ongoi takano Riso giu' ra liwar ru bandar, kabalu' pana tauyuon takau mabaya' Riso.

PINAINTALANG 11:5

Amon ru mokoondo' mangkinam mampalaat risilo, mingkual apui no intor ra kabang nilo am mangumpo ra pantula' nilo. Intor raginio, osoi ayuk mangkinam mampalaat risilo no potoyon.

PINAINTALANG 13:13

Bibiag masigo karuo no nambaal ra kaimuagan maayo. Mambaal io ra apui intor ra limbowon tumuun ra tana' ti ra pagilangan ru ulun.