PINAINTALANG 20:4 - Tanou Moonsoi Timugon

⁴ Kakito ku boo kurisi'-kurisi' turungan ru raja', am ulun-ulun ondo' nanturung inanian ra kuasa' mangukum. Nakito ku niayuk ambiluo ru ulun-ulun ondo' iningguluan sabap ra nangani' ilo ra kaintutunan intor i Jisus am nampatanou ra pambalaan ri Aki Kapuuno'. Ulun-ulun no kalo siminamba ra bibiag masigo kapoam sinungkalalaing no am kalo igondo' tinatanduan ra saap ru bibiag masigo no ra rabas am kalindu' nilono. Ilo naayag saguli' am namarinta ilo koson ra raja' mababaya' ri Kristus buoi saribu ngambilor.

PINAINTALANG 20:4 ပူးပေါင်းရင်းမြစ်များ

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 7:18

Kaa' ulun ri Aki Kapuuno' Ondo' Masawat Kaga' mangapu ra kuasa' koson mamarinta ra sabubuoi no.”

DANIL 7:22

Ratong boo Io ondo' maayag ra sabuoi-buoi no am nangani' ra pamatasan ondo' manaung ra ulun ri Aki Kapuuno' Ondo' Masawat Kaga'. Nasaboi noyo orou ra ulun ri Aki Kapuuno' mangapu ra kuasa' koson mamarinta.

DANIL 7:27

Kuasa' am kinaayo ru ngaangai' pamarintaan ra tana' ti pataakin ra ulun ri Aki Kapuuno' Ondo' Masawat Kaga'. Kuasa' nilo koson mamarinta kolondo' pupus, am ngaangai' panguasa' ra tana' ti mangandoi ayuk risilo am niayuk gumagaya' risilo.”

DANIL 7:9

Liliwa' ra aku magilong, kukula' kurisi' ru raja' pinaatang. Io ondo' maayag ra mantilayun nanturung giu' ra rasawat ru rondo' intor ra kurisi' ru raja' no. Bayang Nano mapulak koson ra salji, am abuk Nano mapulak koson bulu domba. Kurisi' ru raja' Nano mokoondo' ra luda' ondo' bibilak apui no,

MALIAKI 4:5

Kaa' kalo poyo orou ondo' maayo am makalalaa' ondo' inaru' Kuno ra matong, susubon Ku Nabi Ilia mongoi ramuyun.

MATIUS 19:28

Indagu i Jisus risilo, “Pangintopot ayuk. Giu' ra Tana' Bagu, Anak ru Ulun mamarinta am manturung ra takhta Nano. Paat raginio akau mopor am ruo maamaya' niayuk manturung ra takhta am mangakim ra mopor am ruo bansa' ru Israil!

MATIUS 24:10

Paat raginio masuang ulun kalo boo mangintopot Raki'. Ilo ti mampataak ra rondo' am bokon ra pantula' am mansisang rondo' am bokon.

MARKUS 6:16

Paat norongog ru raja' Irodis sunur raginio, indagu io, “Io no i Juanis Mampariu' ondo' iningguluan kuli kaa' naayag io saguli'.”

MARKUS 6:27

Raja' Irodis nanusub sangulun saujor mongoi pangalap ra ulu ri Juanis. Ongoi ulun no am inggului' no i Juanis ralalom lamin pangaputan.

MARKUS 9:11

Pangkuot ilo ri Jisus, “Kua mangingila' ra Ukum ri Musa minindagu ra maaru' i Ilia matong pagulu am bagu no Anak ru Ulun?”

LUKAS 1:17

Momongo io ra ralan ru Tuhan am maikang am makakuasa' io koson ra nabi Ilia. Mopobonsoi io ra ama' am anak, magibit ra ulun ondo' kalo gumagaya' sumaguli' ra pangkaraan motopot. Koson raginio boo, momongo io ra ulun tumampos manguma' ra Tuhan.”

LUKAS 14:14

Barakaton kou boo sabap ra ulun ragitilo kalo makabalos rirun, kaa' i Aki Kapuuno' mambalos rirun paat ra ulun motopot bayagon saguli'.”

LUKAS 22:30

Mangakan am manginum kau ra rondo' mija' mababaya' Raki' paat ra Aku masauk ra raja'. Akau pana saukon ra raja' koson mangakim ra mopor am ruo ngantayaran bansa' ru Israil.”

JUANIS 14:19

Sangkinolor poyo am ulun ru tana' ti kalo boo makakito Raki', kaa' makakito kau Raki'; am sabap ra Aku ti maayag, akau pana maayag.

ROMA 11:15

Paat ra ilo kalo inapu ri Aki Kapuuno' ulun ra bokon ra tana' ti mobonsoi saguli' Riso. Ati kulaan amon ru apuon ilo saguli' ri Aki Kapuuno'? Maaru' ginio koson ra ulun minatoi maayag saguli'!

ROMA 8:17

Sabap ra itakau noyo anak ri Aki Kapuuno', makaapu takau ra barakat Nano ondo' inula' No ra ulun Nano. Mabaya' ri Kristus, makaapu takau poyo ra atan ondo' inula' noyo ri Aki Kapuuno' Riso. Sabap ra amon ru itakau makaaya' maimbolo' koson ri Kristus, makaaya' takau niayuk katulayon koson Riso.

2 TIMOTIUS 2:12

Amon ru tumaan takau, makapamarinta takau niayuk mabaya' Riso. Amon ru magali' takau Riso, Io pana magali' ritakau.

PINAINTALANG 1:2

am i Juanis mampaintutun ra ngaangai' ondo' nakito no. Gitio noyo pambalaan nano ra atan ondo' pinatanou ri Aki Kapuuno' am katapatan ondo' pinatalang ri Jisus Kristus.

PINAINTALANG 1:9

Aku, i Juanis, pabukat min ondo' nogondo' niayuk ramuyun maimbolo' sabap ra gumagaya' ri Jisus, am maginaa poyo ra ratangan ru pamarintaan Nano ra guang mataan. Inaput aku ra Pulu' Patmos sabap ra mampatanou ra bala' ri Aki Kapuuno' am ra katapatan ondo' pinakito ri Jisus.

PINAINTALANG 11:11

Pakasail talu ngoorou naintanga' ratong poyo painawo intor ri Aki Kapuuno' am subol ra baangkai nilo. Ilo pana bigor am ngaangai' ru ulun nagilong risilo no nalaa' kakaga'.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 11:3

Manusub Aku ra ruo ngaulun sasi' Kuno ondo' mambayang ra karung ra mangulir ilo, am ilo ti mampabala' ra tanou intor ri Aki Kapuuno' 1,260 ngoorou.”

PINAINTALANG 11:7

Pakapambala' ilo ra tanou no, bibiag masigo ondo' mingkual intor ra intok ru ulun namagatoi no tumula' risilo. Mangala am mamatoi io risilo.

PINAINTALANG 12:11

Pabukat-pabukat takau nangala noyo riso sabap ra Anak Domba nampasasar ra raraa' Nano, am sabap ra katapatan intor ri Aki Kapuuno' ondo' pinatanou nilo: am nakatampos ilo pampataak ra painawo nilono ra potoyon.

PINAINTALANG 14:11

Mantilayun buun ru lisun ru apui ondo' mangimbolo' ra ulun-ulun no. Ilo ondo' sumamba ra bibiag masigo no am sinungkalalaing nano, am ondo' tinatatanduan ra inggalan ru bibiag masigo no, imboloon ilo orou-rondom ra kalo lalanggain!”

PINAINTALANG 15:2

Kopongo raginio, kakito ku poyo rondo' baal koson ra raat asilan naratok ra apui. Nakito ku niayuk ilo ondo' nangala ra bibiag masigo, sinungkalalaing nano am ra ulun ondo' inggalan nano tinatanduan ra numbur. Minigor ilo ra kiing ru raat asilan liliwa' nampaguut ra jitor ondo' pinataak ri Aki Kapuuno' risilo.

PINAINTALANG 17:8

Bibiag masigo ondo' nakito muni, naayag ra galing i, kaa' raino kalo boo. Kalo boo mabuoi am mingkual io intor ra intok ru ulun namagatoi no am pusoon. Ulun-ulun ru tana' no ondo' inggalan nilo kalo tinulisan ra kitab ru Ulun Mokoowot ra Kaayagan Motopot ra kalo poyo tana' ti biningkal, makatigog ilo makakito ra bibiag masigo no. Bibiag masigo no naayag ra galing i; raino kalo boo, kaa' sumalula' io poyo saguli'.

PINAINTALANG 2:26

“Osoi ayuk mangala ra kuasa' ru kalaatan am kalo lumonggo' mambaal ra kasagaan Kuno saboi ra pupus no, aniin Ku ilo ra kuasa' mogondo' ra tinaakan Raki' ru Ama' Kuno. Aniin Ku ilo ra kuasa' mamarinta ra ulun ru tana' ti ra kalo makaasi', am mampalunsai ilo risilo koson ra pagangan tana' pipilangon.

PINAINTALANG 20:6

Pakaansuk no ulun ondo' paayaan bayagon saguli' ra kasaa' ti. Kapatayan karuo kalo manguasa' risilo. Masauk ilo boo ra imam ri Aki Kapuuno' am ri Kristus, am mamarinta ilo mababaya' Riso buoi saribu ngambilor.

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.

PINAINTALANG 4:4

Am ralalom liniputan no mokoondo' poyo ruo ngoopor am apat takhta ra bokon no. Giu' no nanturung ruo ngoopor am apat tingganai nambayang ra mapulak am nangkaraun ra mas.

PINAINTALANG 6:9

Lungkabo' boo ru Anak Domba no segel kalimo am kakito ku mamaar ra altar no mokoondo' ambiluo ru ulun pinatoi. Ilo ti pinatoi sabap ra nampatanou ra bala' ri Aki Kapuuno' am sabap ra kaintutunan nilono.

PINAINTALANG 7:3

Indagu malaikat no, “Pai' poyo lunsayo' lantur, raat kapoam puun-puun tataun saboi tinatanduan takau noyo rabas ru ulipon-ulipon ri Aki Kapuuno'.”