PINAINTALANG 20:2 - Tanou Moonsoi Timugon

² Rokopo' no tambuakal no – io ti kukuo intor ra galing i, ioginio Tingganai ru riwato kapoam Iblis – am rantayo' no buoi saribu ngambilor.

PINAINTALANG 20:2 ပူးပေါင်းရင်းမြစ်များ

KASAUKAN 3:1

Kukuo rondo' bibiag ondo' mapintar kaga' intor ra ngaangai' bibiag ondo' binaal ru Tuhan i Aki Kapuuno'. Pangkuot kukuo no ra ruandu' no, “Motopot kia minindagu i Aki Kapuuno' ra kalo maakan min kinawa' intor ra ngaangai' puun ondo' soroi ra taman ti?”

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

AYUP 1:7

Pangkuot Tuhan ri Manusuk, “Ati intor muno?” Taam i Manusuk, “Aku ti timinanggau ra ati-ati am minongoi ra titikop ru tana' ti.”

JISAYA 24:22

Timungon ri Aki Kapuuno' raja'-raja' koson ra ulun narakop ralalom rondo' luang. Aputon No ilo saboi orou pangakiman risilo masuku'.

JISAYA 27:1

Orou raginio Tuhan mamakai ra ilang Nano ondo' maayo, malarom, am ondo' makapatoi koson mangukum ra Liwiatan, kukuo ra maras am talilingkong no, am koson mamatoi ra tambuakal ru raat.

YEHEZKIEL 47:5

Nanuku' io 500 ngamito poyo, am giu' no timug no nasauk noyo ra sungoi malandom saboi kalo makalaup aku ondo' ayuk am mansarui.

MATIUS 19:29

Osoi ayuk mangiruan ra baloi, kapoam pabukat no ra ungkuyon, kapoam pabukat no ra ruandu', kapoam ina' am ama', kapoam anak nano, kapoam lanau am umo nano; ulun ragitio makaalap maatus ruli' ra raino ti am niayuk aniin io ra kaayagan mantilayun.

MATIUS 8:29

Golok ilo, “Atan pamakuan Mu ramon, Oi Anak ri Aki Kapuuno'? Mangukum Kono kia ramon ra kalo poyo nasuku' orou inaru' no?”

MARKUS 4:15

Mokoondo' niayuk ulun koson ra sampug naratu' ra ralan. Kaa' pokorongog ilo ayuk ra Tanou ti, ratong boo Tingganai ru riwato nangalap ra Tanou no ondo' bagu rinongog nilo i.

MARKUS 5:7

am golok io, “Atan raguon Mu raki' inda' Jisus, Anak ri Aki Kapuuno' Ondo' Masawat Kaga'? Ralalom inggalan ri Aki Kapuuno', pai' aku imboloo'!” (

JUANIS 12:31

Raino ti noyo pangakiman ra ulun ru tana' ti; raino ti alapon noyo kuasa' intor riso ondo' manguasa' ra tana' ti.

JUANIS 16:11

I Aki Kapuuno' niayuk nakatalimpuun noyo mangukum, sabap ra io ondo' manguasa' ra tana' ti inukum noyo.

ROMA 16:20

Am i Aki Kapuuno', intaran ru ngaangai' kaansayan, mamuso ra kuasa' ru Tingganai ru riwato saboi kumuku' io ramuyun. Gama' ru Tuhan takau i Jisus Kristus mambarakat ramuyun.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

2 PITRUS 2:4

Malaikat-malaikat ondo' nambaal ra tula no pana kalo pinoloso ri Aki Kapuuno', kaa' inukuman No, am pinatiran ra naraka. Binangkil ilo ra intok molondom suku' Orou Pangakiman.

JUDAS 1:6

Karaa' min niayuk ati kulaan sauk ru malaikat-malaikat ondo' nanguang ra kinaikang ru kuasa' ondo' tinaakan noyo risilo, saboi nangiruan boo ra inayanan nilo. Rinantai ilo ri Aki Kapuuno' ra mantilayun giu' ra intok molondom ra ragana' ru tana' ti. Giu' noyo nangaputan risilo suku' ra Pangukuman Maayo ra tauli no.

PINAINTALANG 12:13

Paat ru tambuakal no nakaliman ra pinatiran io noyo ra tana' ti, timinalimpuun io boo mangilou ra ruandu' ondo' naganak ra lalagang ungkuyon no.

PINAINTALANG 12:15

Luaa' boo ru tambuakal no liur timparang intor ra kabang nano ra ruandu' no koson mangabas riso.

PINAINTALANG 12:17

Tambuakal no siminangit kaga' ra ruandu' no, saboi ongoyo' no tulaa' papag ra bokon intor ra ruandu' no; ioginio ngaangai' ulun ondo' gumagaya' ra panusuban ri Aki Kapuuno' am ondo' mangani' ra kaintutunan intor ri Jisus.

PINAINTALANG 12:3

Giu' boo ra limbowon no makito rondo' poyo tatandu' makaimuag. Mokoondo' sanginan tambuakal malia' ondo' maayo kaga', makaulu tulu' am makasangau mopor. Rorondo' ra ulu nano makakaraun.

PINAINTALANG 12:4

Sampitalu ru butitin ra limbowon no angkuyuron ru iku' nano am papatiron no ra tana' ti. Tambuakal no minigor ra saang ru ruandu' ondo' matipaganak no koson maginaa monolon ra anak no ra io anakon.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

PINAINTALANG 13:2

Bibiag masigo ondo' nakito kuno, baal nano koson ra rimau am kalayam nano koson ra kalayam ru baawang am kabang nano koson ra kabang ru singa'. Tambuakal ni nangani' ra ikang nano galama' ra bibiag masigo no am takhta nano am kuasa' ra maayo.

PINAINTALANG 13:4

Sambaan nilo tambuakal no sabap ra nakapangani' io ra kuasa' nano ra bibiag masigo no. Sambaan nilo niayuk bibiag masigo no, konilo, “Kolondo' noyo kuasa' mokogondo' ra bibiag masigo ti. Kolondo' makagula' riso!”

PINAINTALANG 20:10

Tingganai ru riwato boo ondo' namparuung risilo no pinatiran ra tasik ru apui ondo' naratok ra balirang mapaang. Gili, gitio noyo namatiran ra bibiag masigo am migiangku ra nabi no am imboloon ilo orou-rondom ra sabuoi-buoi no.

PINAINTALANG 20:7

Mopongo saribu ngambilor no, palabuson Tingganai ru riwato no intor ra pangaputan no.

PINAINTALANG 9:11

Ilo ti mokoondo' ra sangulun raja' ondo' mamarinta risilo, am raja' ti noyo malaikat ondo' makakunsi' ra intok ru ulun namagatoi. Inggalan nati ralalom ragu ru Ibrani iono Abadon, am ralalom ragu ru Junani iono Apolion (ondo' arati' no “i Mampalunsai”).