PINAINTALANG 20:12 - Tanou Moonsoi Timugon

¹² Nakito ku ulun namagatoi, langkaya' am musikin, minigor ra saang ru takhta no. Ukabo' boo kitab-kitab. Rondo' poyo inukab, ioginio kitab ru Ulun Mokoowot ra Kaayagan Motopot. Inukuman boo ulun namagatoi no maya' ra binaal nilono koson natulisan ra kitab.

PINAINTALANG 20:12 ပူးပေါင်းရင်းမြစ်များ

MAZMUR 28:4

Ukumo' ilo no sabap ra binaal nilono, sabap ra nansalinut kalaatan ondo' binaal nilono. Ukumo' ilo no sabap binaal nilono; imboloo' ilo no sumugut ra kasagaan Muno.

MAZMUR 62:12

Ingkula' aku no pokorongog ra ragu ri Aki Kapuuno' ra ngaangai' ru kuasa' intor Riso,

MAZMUR 69:28

Patuliso' noyo ngaangai' tula nilono; pai' ilo ampuno'.

AMSAL 24:12

Magu' lair mindagu kau ra babaal raginio sala' ka kandoi min, kaa' i Aki Kapuuno' makapandai am balasin no akau maya' ra binaal mino.

AMSAL 24:29

Pai' indagu, “Balasin ku io atan ondo' binaal nali raki'!”

MAMPATANOU 12:14

Mangakim i Aki Kapuuno' ra ngaangai' binaal takau, ondo' moonsoi, ondo' malaat, am poyo ondo' nakasibuni.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JIRIMIA 32:19

Inatangan Muno mapintar am binaal Muno makaimuag; nakito Mu ngaangai' ondo' binaal ru ulun, am nambalos risilo topot koson ra binaal nilo.

DANIL 7:10

am apui tumilis intor ra kurisi' ru raja' Nano. Riribu ulun soroi ra giu' no koson mangandoi ayuk Riso, am jujuta' ulun minigor ra saang Nano. Kopongo raginio makama ru pangakiman manalimpuun ra pamisaraan, am kitab-kitab inukab.

MATIUS 11:22

Karaa' min, paat ra Orou Pupus no, maayo guang ri Aki Kapuuno' makaasi' ra ulun ru Tirus am Sidon ka akau!

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

LUKAS 10:20

Kaa' kabalu' pana koson raginio, pai' kau pakaansuk sabap ra riwato-riwato gumagaya' ramuyun, kaa' pakaansuk kano sabap ra inggalan mino tinulisan noyo ra suruga'.”

RINALATAN 24:15

Nogondo' koson risilo, aku niayuk malansan ri Aki Kapuuno' ra ngaangai' ulun maayag saguli' intor ra kapatayan, io no ulun moonsoi kapoam niayuk ulun malaat.

ROMA 2:6

Sabap ra moonong ulun balasin ri Aki Kapuuno' maya' ra binaal nano.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.

PINAINTALANG 11:18

Ngaangai' ulun ondo' kalo nangintopot Rirun siminangit toojo, sabap ra nasuku' noyo orou Okou mambalos, am pangakiman Muno ra ulun namagatoi nasuku' noyo. Nasuku' noyo orou Okou mangani' ra ampos ra ulipon-ulipon Muno, ioginio nabi-nabi, am ra ngaangai' ondo' mangintopot am mangurumat Rirun, maatang am kalo maatang. Nasuku' noyo orou mamuso risilo ondo' mampalunsai ra tana' ti.”

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

PINAINTALANG 17:8

Bibiag masigo ondo' nakito muni, naayag ra galing i, kaa' raino kalo boo. Kalo boo mabuoi am mingkual io intor ra intok ru ulun namagatoi no am pusoon. Ulun-ulun ru tana' no ondo' inggalan nilo kalo tinulisan ra kitab ru Ulun Mokoowot ra Kaayagan Motopot ra kalo poyo tana' ti biningkal, makatigog ilo makakito ra bibiag masigo no. Bibiag masigo no naayag ra galing i; raino kalo boo, kaa' sumalula' io poyo saguli'.

PINAINTALANG 19:5

Morongog boo intor ra takhta no bolos mindagu, kono, “Akau ngaangai'; ulipon Nano am ngaangai' ulun, langkaya' am musikin am ondo' mangurumat Riso; Koompor noyo i Aki Kapuuno'.”

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

PINAINTALANG 20:13

Ulun minatoi giu' ra raat, intor ra Patayan kapoam giu' ra Nabalu; ngaangai' inukuman maya' ra binaal nilono.

PINAINTALANG 20:15

Osoi ayuk ondo' inggalan nano kalo tinulisan ra ralalom ru kitab ru Ulun Mokoowot ra Kaayagan Motopot, patirin io ra tasik ru apui.

PINAINTALANG 21:27

Kolondo' atan-atan malaat iowon sumubol ra bandar no, kapoam osoi ayuk pana mambaal ra makauyuyu' kapoam magagabau. Ondo' ayuk iowon sumubol no ioginio ilo ondo' inggalan nilai tinulisan noyo ralalom ra kitab ru Ulun Mokoowot ra Kaayagan Motopot ru Anak Domba no.

PINAINTALANG 22:12

Indagu poyo i Jisus, “Rongogo' min gitio, kalo boo mabuoi am matong Aku am balasin Ku moonong ulun maya' ra atan ondo' binaal nali.

PINAINTALANG 3:5

“Osoi ayuk mangala ra kuasa' ru kalaatan pambayangon Ku ilo ra mapulak, am kalo luluon Ku inggalan nilono intor ra kitab ru Ulun Mokoowot ra Kaayagan Motopot. Giu' ra saang ri Ama' Kuno am ra malaikat-malaikat Nano, iowon Ku ilo ti maamaya' Kuno.