PINAINTALANG 2:5 - Tanou Moonsoi Timugon

⁵ Karaa' noyo ra kalo boo motogom kau! Talikur kano intor ra tula mino am baalo' noyo atan ondo' binaal min ra talimpuun i. Amon ru kalo tumalikur kau, matong Aku ramuyun am mangiru' ra tampakan ra lampung mino.

PINAINTALANG 2:5 ပူးပေါင်းရင်းမြစ်များ

JISAYA 1:26

Aniin Takamin ra sangulun tingganai am ulun maminson koson ra galing i ayuk poyo. Bagu no Jirusalim no sabiton ra bandar ondo' matimpok am gumagaya'.”

JISAYA 14:12

Alii ra raja' ru Babilonia, butitin ru susuab ondo' moonsoi kaga', naratu' kono intor ra limbowon! Galing i nangala kou ra bansa'-bansa', kaa' ragino okou pinatiran ra tana'.

YEHEZKIEL 20:43

Makara' min boo ngaangai' binaal ra makauyuyu' am ondo' nampajamol ra inan min. Mampalua' kau ra inan min galama' sabap ra ngaangai' kalaatan ondo' binaal mino.

YEHEZKIEL 36:31

Makara' min paliso malaat am kasalaan ondo' binaal mino, am majamalan kau boo ra inan galama' sabap ra tula am binaal malaat mino.

GOSIA 14:1

Samaria musiti' ukumin sabap giminuor Raki'. Matoi mamagun nano ralalom pangayawan. Pampasin lalagang saboi matutuk, am tinai' ru ruandu' maapang abuin.”

GOSIA 9:10

Indagu Tuhan, “Paat ra Aku kasaa' nakatuum ra Israil, naansukan Aku koson ra ulun nakatuum ra kawa' ru anggur giu' ra tana' kaagisan. Paat ra Aku kasaa' nakakito ra kinamatuaan min, naansayan guang Kuno koson ra ulun nakakito ra kawa' ru ara ondo' kasaa' naansak bulintok pangkawaan. Kaa' paat ilo nakasaboi giu' ra Gunung Pior, timinalimpuun ilo siminamba ra Baal, saboi ilo majamol koson ra sinungkalalaing ondo' tagamin nilo.

MALIAKI 3:4

Kopongo raginio koson ra galing i, maansukan Tuhan ra taak simbalui ondo' pataakon Riso ru mamagun ru Jiuda am Jirusalim.

MALIAKI 4:6

Baalon no ama' am anak rondo' guang, maa' raginio Aku kalo matong koson mamuso ra pagun min.”

MATIUS 5:14

Mogondo' ra lampung no manilau ra intok molondom, koson niayuk akau magibit ra silau ra tana' ti. Bandar ondo' binaal ra tampak ru bulur no kalo maalap ra buni.

MATIUS 5:15

Kolondo' sangulun pana mansikit ra lampung am taubin boo ra pasu', kaa' patampakon ra tatampakan ru lampung maa' raginio masilau no ngaangai' ulun ralalom ru baloi no.

MARKUS 12:9

Pangkuot boo i Jisus, “Atan boo alapon ru tatangan ra umo i? Maaru' matong io am potoyon no ngaangai' naniwa' no, am pasiwai' umo no ra ulun ra bokon.

LUKAS 1:17

Momongo io ra ralan ru Tuhan am maikang am makakuasa' io koson ra nabi Ilia. Mopobonsoi io ra ama' am anak, magibit ra ulun ondo' kalo gumagaya' sumaguli' ra pangkaraan motopot. Koson raginio boo, momongo io ra ulun tumampos manguma' ra Tuhan.”

LUKAS 20:16

Matong io am potoyon no ilo ngaangai' am pasiwain no ra ulun ra bokon.” Pakaining ulun-ulun raginio, indagu ilo, “Kalo tupo masauk!”

GALATIA 5:4

Akau ondo' mangkinam mobonsoi saguli' ri Aki Kapuuno' mumbaya' Ukum ri Musa no, ginio mogondo' ayuk ra ukaton min boo pabukatan min ri Kristus am kalo boo makaapu kau ra asi' ri Aki Kapuuno'.

PILIPI 2:15

Intor raginio nampakito kau ra akau ti anak ri Aki Kapuuno' ondo' kolondo' sala kapoam tula am moonsoi kaayagan min ra tatanga' ru ulun-ulun malaat am makatula no. Am paat ra akau maayag koson raginio, mogondo' kau ra butitin suminda ra rondom ti,

IBRANI 10:32

Karaa' min noyo ati kulaan min paat ragili ra akau kasaa' nakarati' ra Tanou Moonsoi. Kabalu' pana inimbolo' kau, kaa' timinaan kau.

2 PITRUS 3:17

Pabukat kau ngai' ondo' tagamin ku, nakapandai kano kalalair ra baal ragitio, ginio ra pagilalai' min. Pai' kau makinibitan ru kalayawan ru ulun malaat, saboi tatangon min boo pangintapatan min ra maikang no.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,

PINAINTALANG 1:20

Gitio noyo arati' ru tulu' butitin ondo' makito muno ra kalindu' pamiris Kutu, am intor ra tulu' tampakan ra lampung binaal intor ra mas no: Tulu' butitin raginio iono malaikat ru tulu' pasimpungan ulun Kristian no, am tulu' tampakan ra lampung no ioginio tulu' pasimpungan ulun Kristian.”

PINAINTALANG 16:9

Maumpo ulun ra kinalasu' no am magulas ilo ra inggalan ri Aki Kapuuno', ondo' manguasa' ra ngaangai' karaat. Kaa' ilo ti kalo tumalikur intor ra tula nilo am kalo masaga' mongompor ra kuasa' ri Aki Kapuuno'.

PINAINTALANG 2:16

Sabap raginio, talikur kano intor ra tula mino! Amon ru kalo tumalikur kau, matong Aku ramuyun ra mataki' am tumula' ra ulun-ulun ra ilang ondo' mingkual ra kabang Kuno.

PINAINTALANG 2:19

Nakapandai Aku ra atan binaal mino, togom mino, gagaya' mino, kandoi mino am kaaratan mino ra akau imboloon. Nakapandai Aku ra raino kandoi mino moonsoi poyo ka ragili.

PINAINTALANG 2:2

Nakapandai Aku atan noyo binaal mino; nakapandai Aku ra mumpara' boo pirot min mangandoi am ati koson ra akau tumaan paat imboloon. Nakapandai Aku ra kalo mangapu kau ra ulun malaat. Am kininaman min noyo ilo ondo' migiangku ra rasul saboi napandayan min ilo ti ra maabau-abau.

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.