PINAINTALANG 2:3 - Tanou Moonsoi Timugon

³ Kataan guang mino ra akau imboloon sabap ra Aku am kalo lumugut kau.

PINAINTALANG 2:3 ပူးပေါင်းရင်းမြစ်များ

MAZMUR 37:7

Pai' kalingas maginaa ra Tuhan, inaani' noyo am oroto' guang suku' ra Io mingkuor. Pai' kalasu' guang sabap ra ulun langkaya', kapoam sabap ra ilo ondo' masaga' mamparuung.

MAZMUR 69:7

Pai' aku polosoo' mapakauyu' ra ulun ondo' lumansan Rirun, iou Tuhan Raja' Ondo' Maayo Kaga' Kuasa'! Pai' aku polosoo' mapakauyu' ra ulun ondo' sumamba Rirun, iou Aki Kapuuno' ru ulun ru Israil!

MIKA 7:9

Natulaan takau ra Tuhan. Ginio ra musiti' mansaan ra sangit Nano ra kalo mantilayun. Kaa' pupus nano sumaung Io ritakau am mangani' ritakau ra katimpakan. Magibit Io ritakau mingkual mongoi ra sinda, am makaliman takau ra pamayagan ru Tuhan.

MARKUS 15:21

Tatanga' ru ralan, jajali' nilo sangulun ungkuyon nansaan ra salip ri Jisus. Ulun i bagu ayuk poyo intor ra pamagunan am masaga' sumubol ra bandar Jirusalim. (Inggalan nano i Simon. Intor io ra bandar Kirini, ama' ri Aliksandir am i Rupus.)

LUKAS 14:27

Osoi ayuk kalo masaga' mansaan ra salip nano am maya' Raki', kalo masauk ra maamaya' Kuno.

LUKAS 18:1

Pantunung boo i Jisus ra abig ragitio koson mangila' ra maamaya' Nano maa' raginio kalo lumonggo' makiasi'.

LUKAS 21:19

Musiti' kau mokoorot am mokoowot kau boo ra kaayagan motopot.”

LUKAS 5:5

Indagu i Simon, “Tuan, saboi nasuaban akai namparalo, kaa' kolondo' siminulung! Kaa' amon ru okou manusub, paatangon ku poyo ralo ti.”

LUKAS 8:15

Ondo' naratu' ra tana' malabung i, io no ulun ondo' mangkirongog ra bala' no am porondonon nilo ra guang ra matanda'. Mongorot ilo saboi manangkawa'.”

JUANIS 15:21

Kaa' ngaangai' no baalon nilo ramuyun sabap ra akau maamaya' Kuno, am sabap ra kalo nakaulig ilo Riso ondo' nanusub Raki' i.

ROMA 12:12

Lansan kano ra Tuhan ra guang maansukan. Kataan kano amon ru makakapaganan am kasalok pakiasi' ra Tuhan.

ROMA 16:12

Bilin kaansayan kuno ri Tripina am i Triposa ondo' mirot mangandoi ra Tuhan. Bilin kaansayan kuno ra rangan tagamin kuno i Pirsis ondo' mirot tojojo pangandoi ra Tuhan.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

ROMA 8:25

Kaa' amon ru lumansan takau ra atan ondo' kalo poyo makito, kulimanon takau ra guang mataan.

1 KORINTUS 13:7

Mataan io ra ngaangai' am masalok maguyum ra kaansayan ra ulun ra bokon. Ralalom ngaangai' baal kalo matatakan io ra kalansanan am magail mataan guang.

1 KORINTUS 16:16

Pabukat kau ngaangai', bayaa' min noyo ulun koson raginilo, am niayuk moonong ulun ondo' mangindangan mangandoi koson risilo.

2 KORINTUS 10:15

Kalo niayuk lumimbau akai ra atan ondo' kinandoi ru ulun bokon, ondo' ak am atan ondo' inaru' noyo ramon ri Aki Kapuuno'. Kaa' malansan akai ra mikang poyo pangintapatan min, saboi makakaluagan akai poyo mangandoi ra gino ngai' min, ra morontop ra ondo' inaru' ri Aki Kapuuno'.

2 KORINTUS 11:23

Konilo ra ulipon ilo ri Kristus, kaa' mulu' poyo aku ka ilo, kabalu' pana mantuyang lair iningon ragu kutu. Aku ondo' mapirot toojo mangandoi ka ilo ngaangai'. Magail aku ayuk pasubolon ra pangaputan. Magail aku niayuk loposon. Magail aku ayuk makauma' ra baal makapatoi.

2 KORINTUS 4:1

Ginio nai kalo malawo guang mai, sabap ra ralalom ru asi' Nano nangani' i Aki Kapuuno' ramon ra kandoi ragitio.

2 KORINTUS 4:16

Ginio sabap ra akai kalo malawo guang. Kabalu' pana inan maiti mapuso, kaa' guang mai talimbaguin ra moonong orou.

2 KORINTUS 5:9

Kaa' ondo' kasaa' toojo, masaga' akai ayuk mampakatasu' ra guang Nano, iou pana soroi akai ra inan mai ra tana' ti, kapoam giu' ra ayanan ru Tuhan.

2 KORINTUS 6:5

lalambaan akai, aputon akai, uupin akai, pongondoyon akai boo ra maagat, maitilan am malukou akai.

GALATIA 6:2

Pangindangan kano ra rondo' am bokon. Am koson ragitio noyo akau gumagaya' ra susuban ri Kristus.

GALATIA 6:9

Ginio ra, pai' takano kajala' mambaal ra ondo' moonsoi. Sabap ra amon ru kalo malawo guang takau, masuku' niayuk paat ra itakau mangkumos ra ampos nano.

PILIPI 2:16

ra akau mampasaboi ra Tanou Moonsoi risilo. Amon ru koson raginio kaayagan min, tauli no, paat ra ratangan saguli' ri Jisus mokoondo' paringkuanangan kuno, sabap raginio mampakito ra kinandoi kuli kalo malubat am sala' ka kolondo' ampos.

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.

KOLOSI 1:11

Gama' ru kuasa' ri Aki Kapuuno' ondo' kolondo' pogondo' mampaikang ramuyun saboi mataan kau ra atan ayuk masauk no mabaya' ra kaansayan am kalo malawo guang min.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

1 TISALONIKA 2:9

Pabukat ku ngai', maaru' makara' min noyo kandoi am bagui maili paat ra akai nampasaboi ra Tanou Moonsoi ri Aki Kapuuno' ti ramuyun. Mangalandaman akai nangandoi koson kalo nantipagon ra osoi ayuk pana intor ramuyun.

1 TISALONIKA 5:12

Pabukat ku ngai', makitaak akai ra urumaton min noyo ilo ondo' mirot mangandoi koson ra kaatangan min, sabap ra pinili' ilo no ru Tuhan koson maningganai am magalung ramuyun.

2 TISALONIKA 3:13

Pabukat ku ngai', pai' kano kalawo guang mambaal ra moonsoi.

2 TISALONIKA 3:5

Gama' ru Tuhan mampaintutun poyo ramuyun ra togom ri Aki Kapuuno' am poyo ati kulaan i Kristus mangani' ramuyun ra guang mataan.

2 TISALONIKA 3:8

Kalo noyo nakipakan akai ra osoi ayuk pana. Kaa' sotopot no orou-rondom minirot akai toojo nangandoi, koson kalo nantipagon akai ra sangulun kon pana intor ramuyun.

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

1 TIMOTIUS 5:17

Magagalung ra pasimpungan ulun Kristian no ondo' matanda' toojo mampaugar ra kandoi nilo, musiti' urumaton am gajiin, mulu' poyo ilo ondo' mapirot toojo mampatanou am mangila'.

IBRANI 10:36

Musiti' pantataan ayuk guang min, maa' raginio makapampagagaya' kau ra kasagaan ri Aki Kapuuno' am makaalap kau ra atan ondo' binantu' Nali.

IBRANI 12:1

Ngaangai' sasi' ra raitii' ni makakito ritakau; intor raginio tatango' takano ngaangai' ondo' mongompong ritakau am niayuk tula ondo' masalok mumbir ritakau, am pirot takano baya' ra pasimbulan ondo' inaru' ri Aki Kapuuno' ritakau.

IBRANI 13:13

Sabap raginio, ongoi takano Riso giu' ra liwar ru bandar, kabalu' pana tauyuon takau mabaya' Riso.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

IBRANI 6:12

Ginio nai ra kalo masaga' akai ra akau sumauk ra ulun matiar, kaa' ra akau tumilu ra ulun bokon ondo' mangintopot ri Aki Kapuuno' am poyo mataan guang. Maa' raginio makaapu kau ra ondo' binantu' ri Aki Kapuuno'.

IBRANI 6:15

Naginaa ayuk i Abragam ra guang mataan, saboi nakaapu io ra atan ondo' binantu' ri Aki Kapuuno' i riso.

2 PITRUS 1:6

Am kaintutunan ruangin ra guang pantataan. Am guang pantataan ruangin ra guang tumaan ra kaimbalaan. Am guang tumaan ra kaimbalaan ruangin ra kaayagan ondo' mapabansuk ra guang ri Aki Kapuuno'.

PINAINTALANG 1:9

Aku, i Juanis, pabukat min ondo' nogondo' niayuk ramuyun maimbolo' sabap ra gumagaya' ri Jisus, am maginaa poyo ra ratangan ru pamarintaan Nano ra guang mataan. Inaput aku ra Pulu' Patmos sabap ra mampatanou ra bala' ri Aki Kapuuno' am ra katapatan ondo' pinakito ri Jisus.

PINAINTALANG 3:10

Sabap ra kaimbalaan, bagu alungin takamin ra kapaganan maayo ondo' matong mangkinam ra ngaangai' ulun ru tana' ti.