PINAINTALANG 2:23 - Tanou Moonsoi Timugon

²³ Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

PINAINTALANG 2:23 ပူးပေါင်းရင်းမြစ်များ

1 TUNUNG RU BANSA' ISRAIL 17:18

Atan poyo ondo' maragu kuno Rirun! Nakapandai Kou ra ngaangai' no intor ra ulipon Mutu, kaa' nangani' Kou ra pangurumatan raki'.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

2 TUNUNG RU BANSA' ISRAIL 6:30

rongogo' noyo pakiasian nilo. Rongogo' ilo intor ra intok ayanan Muno giu' ra suruga' am ampuno' ilo. Okou ayuk ondo' makapandai ra suang ru guang ru ulun. Ginio ra pamakuan ra moonong ulun mogondo' ra binaal nano,

AYUP 24:23

Maaru' i Aki Kapuuno' mompoloso risilo maayag ra moonsoi, kaa' tainuin No ilo ra kalo lalanggain.

MAZMUR 139:1

Ra tingganai ru santimungan maririmbai. Mazmur ri Daut. Iou Tuhan, napandayan Mu guang kuno, am mauligan Mu aku.

MAZMUR 26:2

Pangimumui no raki', iou Tuhan, am kinami' aku no, imonolo' toojo guangon kuno am pangkaraan kuno.

MAZMUR 44:21

Amon langgain mai sumamba ri Aki Kapuuno' mai, am sumamba ra tuhan ra bokon,

MAZMUR 62:12

Ingkula' aku no pokorongog ra ragu ri Aki Kapuuno' ra ngaangai' ru kuasa' intor Riso,

MAZMUR 7:9

Okou noyo ondo' mangukum ra ngaangai' ulun. Anii' aku no ra katimpakan, iou Tuhan, sabap ra kolondo' sala kuno.

JIRIMIA 11:20

Aku pana pakiasi' boo, “Iou Tuhan Ondo' Maayo Kaga' Kuasa', Okou akim ondo' matimpok; Okou mangkinam ra pangkaraan am guang ru ulun. Pataakon ku baal kuno ra ralalom ru kalindu' Muno; ginio ra polosoon noyo aku makakito ra pambalos Muno ra binaal ru ngaangai' ulun no.”

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JIRIMIA 20:12

Kaa', iou Tuhan Ondo' Maayo Kaga' Kuasa', mabaya' ra matimpok mangkinam Kou ra ulun; nakapandai Kou ra suang ru guang am pangkaraan nilo. Ginio ra iowo' noyo aku magilong Rirun mambalos ra kalaatan ru pantula' kuno, sabap ra pataakon ku baal kuno Rirun.

JIPANYA 1:11

Panulaboi kano am pantangi' kano paat min morongog ngaangai' no, akau mamagun ru bandar giu' ra tampilon ragana', sabap ra ngaangai' ulun mantalan minatoi noyo.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

JUANIS 4:16

Taam i Jisus, “Ongoyo' piawo' ralaki muno am saguli' ragiti.”

RINALATAN 1:24

Pakiasi' ilo boo, konilo, “Tuhan, Okou nakapandai ra guang ru ngaangai' ulun. Tinatang noyo ri Judas kandoi nali koson sangulun rasul am minatoi noyo. Tului' akai, osoi intor ra ruo ngaulun ti ondo' pilion Muno koson pamamalit ri Judas i.”

ROMA 14:12

Intor raginio itakau sigagama' mampataam ri Aki Kapuuno' ra atan binaal takau.

ROMA 8:27

I Aki Kapuuno' ondo' makapandai ra ngaangai' ru guang ru ulun, makarati' ra kitaakon ru Ambiluo Nano. Sabap ra maya' ra kasagaan ri Aki Kapuuno' galama' makitaak Ambiluo Nano ri Aki Kapuuno' koson ra ulun Nano.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

GALATIA 6:5

sabap ra moonong ulun mokoondo' noyo ra kandoi nano sigagama'.

SAGULION 13:11

Kopongo raginio ngaangai' ulun ru Israil mokorongog ra baal ondo' masauk, am mangalaa' ilo. Sangulun pana kalo boo mambaal ra koson kinalaat raginio.

SAGULION 17:13

Ngaangai' ulun pana mokorongog boo ra baal raginio am malaa', saboi kolondo' sangulun pana baani mambaal koson raginio.”

SAGULION 19:20

Moonong ulun pana mokorongog boo ra atan ondo' nasauk noyo. Malaa' ilo, am kolondo' sangulun pana boo baani mambaal ra kinalaat raginio.

SAGULION 21:21

Kopongo raginio bala ru ungkuyon giu' ra bandar no musiti' momobol ra anak no saboi matoi. Koson raginio, namuso kau ra kalaatan no. Moonong ulun giu' ra Israil mokorongog ra sauk raginio am malaa'.”

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.

PINAINTALANG 2:11

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi ayuk mangala ra kuasa' ru kalaatan kalo makaliman ra kapatayan karuo.”

PINAINTALANG 2:7

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! Osoi ayuk mangala ra kuasa' ru kalaatan paakanon Ku io ra kawa' intor ra puun ru mampakaayag ondo' tumuu' ra Pirdaus.”

PINAINTALANG 20:12

Nakito ku ulun namagatoi, langkaya' am musikin, minigor ra saang ru takhta no. Ukabo' boo kitab-kitab. Rondo' poyo inukab, ioginio kitab ru Ulun Mokoowot ra Kaayagan Motopot. Inukuman boo ulun namagatoi no maya' ra binaal nilono koson natulisan ra kitab.

PINAINTALANG 20:13

Ulun minatoi giu' ra raat, intor ra Patayan kapoam giu' ra Nabalu; ngaangai' inukuman maya' ra binaal nilono.

PINAINTALANG 22:12

Indagu poyo i Jisus, “Rongogo' min gitio, kalo boo mabuoi am matong Aku am balasin Ku moonong ulun maya' ra atan ondo' binaal nali.

PINAINTALANG 6:8

Kakito ku sanginan kuda ondo' mabula' am ondo' siminakoi no ininggalanan ra ‘Patayan ’ am minitut riso no Nabalu, ioginio intok ru ulun-ulun namagatoi. Inanian ilo ra kuasa' koson mampatoi ra sampiapat ulun ru tana' ti ra pangayawan, bitilan, tiranga' am saamon ru bibiag masigo.

1 SAMUIL 16:7

Kaa' indagu Tuhan ri Samuil, “Pai' ilai' sawat ru inan nano kapoam kinaindon ru bulos nano; sala' ka io pinili' Kuno. Kalo magilong Aku ra ulun koson ra ulun magilong. Ulun magilong ra bulos kaa' Aku magilong ra guang.”