PINAINTALANG 2:14 - Tanou Moonsoi Timugon

¹⁴ Kaa' mokoondo' kalo kaansayan Kuno ramuyun; mokoondo' kukula' ramuyun minaya' ra pangilaan ri Biliam. Sabap ra nangila' i Biliam ri Balak ra mangkinibit ra ulun ru Israil mambaal ra tula, koson mangkinibit risilo mangakan ra akanon ondo' pinataak ra sinungkalalaing am inila' ra mansasawa'.

PINAINTALANG 2:14 ပူးပေါင်းရင်းမြစ်များ

JISAYA 57:14

Mindagu Tuhan, “Polosoon noyo ulun Kuno sumaguli' Raki'. Pambaal noyo am pongoo' noyo ralan! Tumpailo' noyo moonong mokoompong ra ralan nilono!

JIRIMIA 6:21

Ginio ra mangkinibit Aku risilo makasaru am maratu'. Ama' am anak, rangan am pasambalayan matoi.”

YEHEZKIEL 3:20

Amon ru sangulun ondo' moonsoi tumalimpuun mambaal ra malaat, am aku nampauma' riso ra makalalaa', am io pana matoi amon kalo aniin mu io ra pampakaraan. Matoi io sabap ra tula nano, am kalo karaan Ku binaal nali ondo' moonsoi ragili. Kaa' karaan Tokou ra mosonsol ra pinatayan nano.

YEHEZKIEL 44:12

Kaa', sabap ra nambaal ilo ra upacara sumamba ra sinungkalalaing koson bansa' ru Israil, am binaal raginio nangkinibit ra ulun makatula, ginio ra Aku, Tuhan Raja' magibot ra ilo musiti' ukumin.

UNTABAN 24:14

Indagu i Biliam ra Raja' Balak, “Raino masaga' aku muli' ra bansa' kuli. Kaa' ra kalo poyo mugar aku, polosoo' aku no mambala' rirun ra atan ondo' baalon ru ulun ru Israil ra bansa' muno ra orou tauli no.”

UNTABAN 31:16

Karaa' noyo ra ruandu' noyo ondo' minaya' ra bilin ri Biliam saboi nangkinibit ra ulun ru Israil kalo giminagaya' ra Tuhan giu' ra Pior. Baal raginio noyo naparatong ra maruol tumapik ra ulun ru Tuhan.

UNTABAN 31:8

nakaaya' limo ngaulun raja' ru Midian: I Iwi, i Rikim, i Jur, i Gur am i Riba. Namatoi ilo niayuk ri Biliam anak ri Bior.

MATIUS 18:7

Aibui boo ra ulun ru tana' ti ondo' mangkinibit ra ulun makatula. Baal raginio masalok masauk, kaa' mumpara' boo usung ru ulun ra mambaal no!

RINALATAN 15:29

Pai' kau pangakan ra akanon ondo' pinasulung ra sinungkalalaing; pai' kau pangakan ra raraa'; pai' kau pangakan ra kual ru bibiag ondo' pinatoi ra sikako' am poyo inggalur kau noyo intor ra baal pansasawaan. Amon ru sumugut kau ra susuban raginio, moonsoi niayuk. Ginio ayuk, kaansayan ramuyun!”

RINALATAN 21:25

Kaa' koson ra ulun Kristian ondo' sala' ka Jaudi, nangator akai noyo risilo ra surat. Gili suang ru surat maili; kalo makaakan ilo ra akanon ondo' pinasulung ra sinungkalalaing, kapoam mangakan ra raraa' kapoam mangakan ra kual ru bibiag ondo' pinatoi sikako' am musiti' ilo minggalur niayuk intor ra baal pansasawaan.”

ROMA 11:9

Kon niayuk ru raja' Daut ragili, “Polosoon ilo malandak am rokopon ra bunsag nilo galama', gama' ru maratu' am maukum ilo!

ROMA 14:13

Intor raginio, pai' takano pononsol ra rondo' am bokon. Kaa' aruo' noyo kalo mambaal ra atan-atan ondo' mampakalayau kapoam mangkinibit ra pabukat Kristian makatula.

ROMA 14:21

Ginio ra moonsoi poyo kalo mangakan ra kual, manginum ra wain kapoam mambaal ra atan ayuk, amon ru ginio poyo mangkinibit ra pabukat Kristian muno makatula.

ROMA 9:32

Kua guat? Sabap ra mangkinam ilo mobonsoi saguli' ri Aki Kapuuno' ralalom ru kapiratan nilo galama', am sala' ka ralalom ru pangintapatan nilo ri Aki Kapuuno'. Ginio ra ilo nakasaru ra ‘batu nasaruan’.

1 KORINTUS 1:23

Kaa' itakau ti mampatanou ayuk ra tanou ri Kristus ondo' minatoi ra sinalip. Tanou raginio mampakaruol ra guang ru ulun ru Jaudi am poyo karaan ru ulun sala' ka Jaudi ragu sasambungon.

1 KORINTUS 7:2

Kaa' koson kalo makinibitan kau ru paliso pansasawaan, moonsoi poyo ru moonong ungkuyon makaandu' sigagama' am niayuk moonong ruandu' makaralaki sigagama'.

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.

JOSUA 24:9

Kopongo raginio, manguasa' ru Moab, Raja' Balak anak ri Jipor, nangayou ra Israil. Nanusub Raja' Balak ra ulun minongoi ri Biliam anak ri Bior am nangitaak riso magulas ramuyun.

1 PITRUS 2:8

Tinulisan poyo ra Buuk Kitab, “Gitio noyo batu kasaruan ru ulun, batu kalauban nilo.” Koson ilo ra ulun makasaru ra batu, sabap ra kalo gumagaya' ilo ra bala' ri Aki Kapuuno'. Ginio noyo ondo' inaru' ri Aki Kapuuno' no risilo.

2 PITRUS 2:15

Ilo ti nakalayau sabap ra kalo siminugut ra ralan motopot. Timinilu ilo ra ralan ri Biliam, anak ri Bior ra galing i. I Biliam ti naringkumaa' ayuk ra ruit intor ra kalaatan binaal nali.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.

PINAINTALANG 2:20

Kaa' mokoondo' kalo kaansayan Kuno ramuyun: Mompoloso kau ri Ijabil, ruandu' no ondo' migiangku ra nabi. Mansail ra pangilaan nano mampakalayau io ra ulipon-ulipon Kuno koson mansasawa' am mangakan ra akanon ondo' pinataak ra sinungkalalaing.

PINAINTALANG 2:4

Kaa' gitio kalo kaansayan Kuno ramuyun; raino kalo boo nai motogom kau Raki' koson ra talimpuun i.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.