PINAINTALANG 2:10 - Tanou Moonsoi Timugon

¹⁰ Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

PINAINTALANG 2:10 ပူးပေါင်းရင်းမြစ်များ

MAZMUR 31:23

Malaa' aku ra indoson ku ru manginggalar Tuhan no raki' ra intok ratangan Nano. Kaa' rinongog No nampiawan kuli, paat ra aku makiindangan Riso.

SULABOI 3:57

Iowon Mu pakiasian kuno, am mindagu raki', ‘Pai' kalaa'.’

DANIL 1:12

“Pangkinam no ramon buoi mopor ngoorou. Anii' akai sansam am timug ayuk koson akanon am inumon.

DANIL 1:14

Nangiou ulun magalung no am nangiou risilo mangkinam buoi mopor ngoorou.

ABAKUK 2:3

Tulisi' tanou no sabap ra kalo poyo nasaboi orou koson masauk. Kaa' orou raginio mataki' matong am atan ondo' pabalaan Kuno rirun maaru' masauk. Kabalu' pana ilain ra orou raginio mabuoi matong, kaa' kulimano' ayuk; baal raginio maaru' masauk am kalo painjulon.

MATIUS 10:22

Ginio ra moonong ulun masisang ramuyun sabap ra akau mangintopot Raki'. Kaa' osoi mokoorot saboi ra tauli no io ti bayagon.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

MATIUS 24:13

Kaa' osoi ayuk tumaan saboi ra pupus no bayagon.

MARKUS 13:13

Ngaangai' ulun masisang ramuyun sabap ra akau maamaya' Kuno, kaa' ulun ondo' mokoorot saboi ra pupus no, ulun no bayagon.”

MARKUS 8:35

Sabap ra osoi ayuk kalo masaga' mampataak ra kaayagan nano, io no matatakan ra kaayagan ondo' motopot. Kaa' osoi ayuk mampataak ra kaayagan sabap ra aku am Tanou Moonsoi intor ri Aki Kapuuno', makaalap ra kaayagan ondo' motopot.

LUKAS 21:12

Kaa' io kalo poyo masauk ngaangai' no, rokopon am imboloon kau. Pataakin am uwin kau giu' ra baloi sambayangan, am aputon poyo ra lamin pangaputan. Ibiton kau ra saang ru raja' am niayuk tingganai sabap ra mangintopot kau Raki'.

JUANIS 12:25

Ginio mogondo' niayuk ra osoi ayuk motogom ra kaayagan nano galama', matatakan io ra kaayagan nano. Kaa' osoi ayuk mampataak ra kaayagan no giti ra tana' ti, makaapu io ra kaayagan mantilayun.

JUANIS 13:2

Nagagakan i Jisus am maamaya' Nano, am Tingganai ru riwato no minindagu ra guang ri Judas, anak ri Simon Iskariot, koson mampataak ri Jisus ra pantula' Nano.

JUANIS 13:27

Kaalap ayuk ri Judas ruti' i, subol bagu Tingganai ru riwato riso. Indagu boo i Jisus riso, “Baalo' noyo atan guangon muno ra mataki'!”

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

RINALATAN 21:13

Kaa' taam i Paulus, “Kua kia tangii' min aku koson ragitio saboi mangiluk boo toojo guang kutu? Nakatampos aku no ra bangkilon kia kapoam matoi pana giu' ra Jirusalim, sabap ri Tuhan Jisus.”

1 KORINTUS 9:25

Moonong ulun ondo' makaguang maya' ra pagigilayan masimbul, magalung io toojo ra inan nano. Am mongorot io toojo, maa' raginio mokoowot io ra karaun kamanangan ondo' mapuso niayuk ra tauli. Kaa' itakau ti mongorot, maa' raginio mokoowot takau ra karaun kamanangan ondo' mantilayun.

IPISUS 2:2

Paat ragili minaya' kau ayuk ra paliso malaat ru ulun ru tana' ti. Giminagaya' kau ra tingganai ru mangunguasa' ra limbowon, am raino pana manguasa' ra ulun ondo' minanggal ri Aki Kapuuno'.

IPISUS 6:12

Sabap ra sala' ka ulun anggalon takau, kaa' ngaangai' riwato giu' ra limbowon, ioginio mangunguasa' am kaikangan ru kalandaman ondo' raino mamarinta.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

1 PITRUS 5:4

Paat ra ratangan ru Tingganai Magagalung, makapangapu kau ra karaun matulai ondo' manguliat ra mantilayun.

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 13:2

Bibiag masigo ondo' nakito kuno, baal nano koson ra rimau am kalayam nano koson ra kalayam ru baawang am kabang nano koson ra kabang ru singa'. Tambuakal ni nangani' ra ikang nano galama' ra bibiag masigo no am takhta nano am kuasa' ra maayo.

PINAINTALANG 13:7

Iowon io mantula' ra ulun ri Aki Kapuuno' am niayuk mangala risilo. Am inanian io ra kuasa' mamarinta ra ngaangai' papag, ragu, bansa' am pagun.

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 2:13

Makapandai Aku ati inayanan mino. Ioginio giu' ra panguasaan ru Tingganai ru riwato no. Nangintopot kau toojo Raki' am kalo inali' min Aku kabalu' pana i Antipas, sasi' Kuno ondo' malansanan, pinatoi ra saang min, giu' ra nanguasaan ru Tingganai ru riwato i.

PINAINTALANG 2:9

Nakapandai Aku ra kapaganan mino; nakapandai Aku ra musikin kau, kaa' sotopot no langkaya' kau ra pangintapatan! Nakapandai Aku ra inuwan kau ru ulun migiangku ra ulun ru Jaudi, ondo' sotopot no sala' ka Jaudi; ilo ti maamaya' ru Tingganai ru riwato!