PINAINTALANG 2:1 - Tanou Moonsoi Timugon

¹ “Tulisi' koson ragitio ra malaikat ru pasimpungan ulun Kristian ra bandar Ipisus: Gitio noyo bilin intor Riso ondo' mampaguut ra tulu' butitin ra kalindu' pamiris Nano, ondo' mugar ra tatanga' ru tulu' tampakan ra lampung mas.

PINAINTALANG 2:1 ပူးပေါင်းရင်းမြစ်များ

YEHEZKIEL 46:10

Ulun manguasa' musiti' sumubol ra Baloi ru Tuhan mababaya' ra mamagun, am mingkual mababaya' ra mamagun.

MATIUS 18:20

Amon ru ruo kapoam talu ngaulun tumimung ralalom inggalan Kuno, soroi Aku ra tatanga' nilono.”

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

JUANIS 5:35

I Juanis i koson ra lampung ondo' mapaang am mampakasinda, kaa' sangkinolor ayuk akau masaga' siminia' ra sinda nali.

RINALATAN 18:19

Pakasaboi ayuk ra bandar Ipisus, tatango' boo ri Paulus i Prisila am i Akwila. Ongoi io ra baloi sambayangan am pakimansunur io ra ulun ru Jaudi ra giu' i.

RINALATAN 18:21

Indagu io, “Amon ru iowon aku ri Aki Kapuuno', sumaguli' aku po ra giti.” Io pana nasundoi boo intor ra Ipisus ti.

RINALATAN 19:1

Paat ri Apolos soroi ra Korintus, i Paulus nangkiralan mongoi ra intok nakaujok ra pagun ti am pupus i nakasuku' io ra Ipisus. Giu' i nakatuum io ra kukula' ngaulun ondo' nangintopot ri Jisus.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

PINAINTALANG 1:16

Kalindu' pamiris Nano nampaguut ra tulu' butitin am intor ra kabang Nano miningkual rondo' ilang ruo larom. Bulos Nano makasinda koson ra pangit ru mato ru orou.

PINAINTALANG 1:20

Gitio noyo arati' ru tulu' butitin ondo' makito muno ra kalindu' pamiris Kutu, am intor ra tulu' tampakan ra lampung binaal intor ra mas no: Tulu' butitin raginio iono malaikat ru tulu' pasimpungan ulun Kristian no, am tulu' tampakan ra lampung no ioginio tulu' pasimpungan ulun Kristian.”

PINAINTALANG 12:1

Giu' boo ra limbowon no makito ra rondo' tatandu' makaimuag. Sangulun ruandu' nambayang ra mato ru orou am koson kimininjang io ra bulan. Nanasampak io ra karaun ondo' binaal ra mopor am ruo butitin.

PINAINTALANG 2:12

“Tulisi' koson ragitio ra malaikat ru pasimpungan ulun Kristian ra bandar Pirgamum: “Gitio noyo bilin intor Riso ondo' makailang ruo larom.

PINAINTALANG 2:18

“Tulisi' koson ragitio ra malaikat ru pasimpungan ulun Kristian ra bandar Tiatira: “Gitio noyo bilin intor ra Anak ri Aki Kapuuno', ondo' mato Nano mapaang koson ra apui am kalayam Nano makabinusasal koson ra gangsa' ondo' manguliat.

PINAINTALANG 2:8

“Tulisi' koson ragitio ra malaikat ru pasimpungan ulun Kristian ra bandar Simirna: Gitio noyo bilin intor Riso ondo' talimpuun am pupus, ondo' minatoi am naayag saguli'.

PINAINTALANG 3:1

“Tulisi' koson ragitio ra malaikat ru pasimpungan ulun Kristian ra bandar Sardis: “Gitio noyo bilin intor Riso ondo' mokoondo' tulu' Ambiluo intor ri Aki Kapuuno' am mampaguut ra tulu' butitin no. Makapandai Aku atan baalon mino. Akau ti maayag rokoon kaa' sotopot no minatoi kau!

PINAINTALANG 3:14

“Tulisi' koson ragitio ra malaikat ru pasimpungan ulun Kristian ra bandar Laodikia: “Gitio noyo bilin intor Riso ondo' sabiton ra Amin, ioginio sasi' ondo' malansanan am motopot, Io no puun ru ngaangai' ondo' sinauk ri Aki Kapuuno'.

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.