PINAINTALANG 19:8 - Tanou Moonsoi Timugon

⁸ Pinataak noyo riso ra bayang linon ondo' manguliat.” (Bayang linon no ioginio baal moonsoi ru ulun ri Aki Kapuuno'.)

PINAINTALANG 19:8 ပူးပေါင်းရင်းမြစ်များ

MAZMUR 132:9

Gama' ru ulun Muno magigindii ra maansukan, am ngaangai' imam Muno maayag sumugut ra kasagaan Muno.

AMSAL 31:22

Mambaal io ra permaidani am bayangon nano binaal intor ra linon matanggilung ondo' mologo.

JISAYA 3:23

bayang magasil, parasa' linon, sapak, am sakiking maawar.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

YEHEZKIEL 16:10

Pinambayang Tokou ra bayang mokoondo' ra sulam, kasut kungkung ondo' moonsoi kaga', sigal ru ulu intor ra konoon linon am sukub sutera.

YEHEZKIEL 44:17

Paat ra ilo sumubol ra liliut ralalom mansail ra kulobon garabang, musiti' ilo mambayang ra linon. Kalo iowon ilo mambayang intor ra bulu ru domba paat mangandoi giu' ra liliut ralalom kapoam giu' ra ralalom ru Baloi Kuno.

MATIUS 17:2

Paat ra ilo magilong ri Jisus, minalui baal Nano; bulos Nano makabinusasal koson ra mato ru orou am bayang Nali mapulak kaga', kukuliat ayuk.

MATIUS 22:12

Kuati' no boo ulun no, ‘Rangan, ati kulaan nakasubol kou ra kalo mambayang kou ra bayang moonsoi toojo?’ Ulun ti nongkoror.

MARKUS 9:3

Binayang Nali mapulak kaga' am kukuliat ayuk. Kolondo' sangulun pana ra tana' ti makapampupu' ra kinapulak ru bayang koson raginio.

LUKAS 24:4

Liliwa' ilo minigor ra giu' i am nangimuag mampaguang raginio, pulusat ru ruo ngaulun ungkuyon nambayang ra mapulak manguliat mininggaar risilo.

RINALATAN 1:10

Paat ra ilo lakat ayuk poyo nantingaa' ra rasawat, liliwa' i Jisus kinayang, pulusat ru ruo ngaulun nambayang ra mapulak minigor umbir risilo.

ROMA 13:14

Kaa' polosoo' noyo Tuhan Jisus Kristus maningganai ramuyun, am pai' min gagayaa' paliso min galama', ioginio mamasug ra kasagaan ru guang makatula.

ROMA 3:22

Ralalom pangintapatan ri Jisus Kristus ayuk ulun mobonsoi saguli' ri Aki Kapuuno'. Ginio saukon ra ulun ru Jaudi am poyo sala' ka Jaudi sabap ri Aki Kapuuno' kalo mampili' ra ulun.

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”

PINAINTALANG 15:6

Ingkual tulu' malaikat nagibit ra tulu' kapaganan malaat. Binayang nilo konoon linon kopoyo am manguliat am kubab nilono inangkupan ra mas.

PINAINTALANG 19:14

Masuang saujor ru suruga' siminunu' Riso ra nanangkuda ilo ra kuda mapulak am nambayang ra linon kopoyo ondo' mapulak.

PINAINTALANG 3:18

Sabap raginio balain takamin, balio' mas Kuno, mas kopoyo, maa' raginio langkaya' kau! Bayang mapulak pana balio', koson mampasibuni ra nagibabaang kau ra makauyuyu'! Tatapis ra mato pana balio', maa' raginio makakito kau!