PINAINTALANG 19:6 - Tanou Moonsoi Timugon

⁶ Korongog ku boo koson ra bolos ru ulun masuang; koson ra kinapuor ru bosoi maayo am koson ra timpalak mapuor. Norongog ku ilo minindagu ra, “Koompor noyo i Aki Kapuuno'. Sabap ra Tuhan takau i Aki Kapuuno' Maayo Kaga' Kuasa' no mamarinta.

PINAINTALANG 19:6 ပူးပေါင်းရင်းမြစ်များ

AYUP 40:9

Maikang kou kia koson Raki'? Maalap kia bolos muno maningkalur koson ra kinapuor ru bolos Kuno?

MAZMUR 47:2

Pagitapap kau, akau ngaangai' bansa'! Omporo' i Aki Kapuuno' ra rimbai ondo' mapuor am mapabansuk!

MAZMUR 47:7

Omporo' noyo i Aki Kapuuno' no ra rimbai; omporo' noyo Raja' takano ra rimbai!

MAZMUR 77:18

Gaun mapawas ra rasam; tingkalur kumuruntung ra limbowon, am timpalak sakurilop ra ati-ati ayuk intok.

MAZMUR 93:1

Tuhan noyo Raja'. Sinulungan No bayang katulayan am kaikangan. Kinapiot Mu tana' ti, maa' raginio kalo boo mauyog.

MAZMUR 97:1

Tuhan noyo raja'! Okou tana' ti, pakaansuk no! Akau pulu'-pulu' ru raat, pakaansuk no!

MAZMUR 97:12

Pakaansuk no, akau ngaangai' ondo' mabanis guang, sabap ra atan ondo' binaal ru Tuhan. Karaa' noyo binaal ri Aki Kapuuno' ondo' matulai, am paringkuanang no Riso.

MAZMUR 99:1

Tuhan no raja', ulun monontol sabap ra Io; nanturung Io ra tampak ru kirub, am tana' ti pana mauyog.

JISAYA 52:7

Mapara' piboo bonsoi magilong ra ratangan ru ulun sinusub; mugar io mansail ra kagunungan am magibit ra tanou moonsoi, tanou pababansayan, tanou pamayagan ra tayar Sion; kono, “I Aki Kapuuno' muno Raja'!”

JIRIMIA 51:48

Ngaangai' no ra tana' ti am giu' ra limbowon magilakup paat ra pagun ru Babilonia maratu' ra kalindu' ru bansa' intor ra ralayo ondo' matong koson mamuso riso.

YEHEZKIEL 1:24

Paat ra ilo ondo' maayag no mansiab, morongog ku bolos ru kawo mangulutub. Bolos no koson ra bolos ru bosoi, koson ra kurapak ru tumpang ru pulalai ru saujor ondo' maayo, am koson ra bolos ri Aki Kapuuno' Ondo' Maayo Kaga' Kuasa'. Ilo ondo' maayag no nangukum ra kawo paat muog mansiab,

YEHEZKIEL 43:2

Giu' no nakakito aku ra sinda manguliat minatong intor ra sirangon, ondo' tatandu' ratangan ri Aki Kapuuno' ru Israil. Bolos ri Aki Kapuuno' matangil koson ra ngoos ru kinulun ru raat, am tana' ti matawang sabap ra sinda ru ratangan ri Aki Kapuuno'.

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

PINAINTALANG 1:15

Kalayam Nano makabinusasal koson ra gangsa' manguliat ra Io luuon am bolos Nano koson ra kinapuor ru bosoi maayo.

PINAINTALANG 1:8

“Aku noyo talimpuun am Aku noyo pupus,” ragu ru Tuhan, i Aki Kapuuno' Ondo' Maayo Kaga' Kuasa', ondo' soroi raino, galing i am pupus no pana.

PINAINTALANG 12:10

Korongog ku boo bolos mapuor giu' ra suruga' minindagu, “Raino noyo i Aki Kapuuno' mamayag ra ulun Nano. Raino i Aki Kapuuno' mampakito ra kuasa' Nano koson ra raja'. Raino Mamamayag ondo' sinusub Nano mampakito niayuk ra kuasa' maayo Nano. Sabap ra io ondo' orou-rondom nanguu' ra pabukat-pabukat takau ra saang ri Aki Kapuuno', pinatiran noyo intor ra suruga'.

PINAINTALANG 14:2

Giu' boo ra limbowon korongog ku bolos koson ra kinapuor ru bosoi maayo am koson ra timpalak mapuor. Bolos nano morongog koson ra bolos ru jitor paat ra kulion.

PINAINTALANG 19:1

Kopongo raginio, morongog ku koson ra bolos mapuor ru ulun masuang giu' ra suruga' minindagu ra, “Koompor noyo i Aki Kapuuno'. Io ayuk Mamamayag takau. Io ayuk matulai am Io no makakuasa'.

PINAINTALANG 19:4

Karuo ngoopor am apat ngaulun tingganai am kaapat baal maayag no igulatur am samba ilo ri Aki Kapuuno' ondo' nanturung ra takhta no. Konilo, “Amin. Koompor noyo i Aki Kapuuno'.”

PINAINTALANG 21:22

Kalo nakito ku Baloi Tuhan giu' ra bandar no, sabap ra Tuhan galama' soroi ra giu', i Aki Kapuuno' Maayo Kaga' Kuasa' am Anak Domba no.

PINAINTALANG 4:5

Intor ra takhta no makabinusasal ru ganit am mokobolos ra tingkalur am timpalak mapuor. Am giu' ra saang no mokoondo' tulu' titiu simininda. Ginio noyo tulu' Ambiluo ri Aki Kapuuno' no.

PINAINTALANG 6:1

Kakito ku boo Anak Domba no namalungkab ra segel kasaa' intor ra tulu' segel no. Korongog ku boo sangulun intor ra kaapat ilo ondo' maayag no, ondo' bolos nano koson ra timpalak, minindagu, “Ibok!”

PINAINTALANG 8:5

Kopongo raginio alapo' boo ru malaikat no pambulian ra kaminyan no; suangi' no ra baa ru apui ondo' inalap intor ra panalaban no am papatiro' no ra tana' ti. Am mokoondo' boo bolos ru timpalak, nabaya' ra ganit am tana' ti mogonggon.