PINAINTALANG 19:2 - Tanou Moonsoi Timugon

² Motopot am mabanis pangukuman Nano. Nakapangukum Io no ra ruandu' mantatalan ra inan nano ondo' nampakalayau ra ulun ru tana' ti ra pansasawaan nano. Nakapangukum Io noyo riso sabap ra namatoi io ra ulipon ri Aki Kapuuno'.”

PINAINTALANG 19:2 ပူးပေါင်းရင်းမြစ်များ

2 RAJA'-RAJA' 9:7

Potoyon mu sasambaloi ru tuan muno, anak ri Agab no, maa' raginio makapangukum Aku ri Ijibil ondo' namatoi ra nabi-nabi Kuli am ulipon-ulipon Ku ra bokon i.

MAZMUR 19:9

Ukum ru Tuhan no motopot, mapabansuk ra guang. Panusuban ru Tuhan no matimpok, manaak ra pangaratian ra ulun.

JISAYA 25:1

Tuhan, Okou noyo i Aki Kapuuno' kuno; mangurumat aku Rirun am mongompor ra inggalan Muno. Nambaal Kou ra kandoi-kandoi makaimuag kaga'; inatang Mu noyo intor poyo ra galing i; am pinaugar mu ralalom gogot ru guang.

DANIL 7:26

Makama pangakiman ru suruga' pana mansusunur am mampagaau boo ra kuasa' nano, am niayuk mamuso raginio saboi malingon kapuso.

SAGULION 32:35

Mansuli' Tuhan am mangukum risilo; masaboi paat no ra ilo maratu' am mapuso, orou katutukan nilo mataki' makasaboi.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

SAGULION 32:43

“Akau bansa' ngaangai', omporo' noyo ulun ru Tuhan. Mangukum Tuhan ra ngaangai' ulun ondo' mamatoi ra ulun Nano; mansuli' Io ra pantula' Nano, am mangampun ra tula ru ulun Nano.”

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.

PINAINTALANG 18:3

Sabap ra ngaangai' bansa' am raja'-raja' ru tana' ti nansasawa' ilo ra mamagun ru bandar i, koson ra ulun mangagauk ra wain. Intor raginio ulun-ulun mantatalan nano lumangkaya'.”

PINAINTALANG 6:10

Giminolok ilo ra mapuor, “O Tuhan Maayo Kaga' Kuasa', mapasau am motopot! Kula' poyo buoi no bagu akimin Mu ulun ru tana' ti am mangukum risilo sabap ra namatoi ramon?”