PINAINTALANG 19:1 - Tanou Moonsoi Timugon

¹ Kopongo raginio, morongog ku koson ra bolos mapuor ru ulun masuang giu' ra suruga' minindagu ra, “Koompor noyo i Aki Kapuuno'. Io ayuk Mamamayag takau. Io ayuk matulai am Io no makakuasa'.

PINAINTALANG 19:1 ပူးပေါင်းရင်းမြစ်များ

1 TUNUNG RU BANSA' ISRAIL 29:11

Okou maayo kaga' am makakuasa'. Matulai Kou, masawat kaga' am maayo kaga'! Ngaangai' giu' ra limbowon am ra tana' ti longgom Muno. Okou no raja' ra maayo kaga', panguasa' ra ngaangai' no.

MAZMUR 104:35

Polosoon noyo ulun makatula luuson intor ra tana' ti, polosoon noyo ulun malaat maluus. Omporo' noyo Tuhan, alii ra salibuor kuno! Omporo' noyo Tuhan!

MAZMUR 106:1

Omporo' noyo Tuhan! Paringkuanang no ra Tuhan, sabap ra Io moonsoi; togom Nano mantilayun.

MAZMUR 111:1

Omporo' noyo Tuhan! Nakai' guang kuno maringkuanang ra Tuhan ralalom pantitimungan ru ulun Nano.

MAZMUR 115:18

Kaa' itakau ondo' maayag maringkuanang Riso, raino am sabuoi-buoi no. Omporo' noyo Tuhan!

MAZMUR 146:1

Omporo' noyo Tuhan! Omporo' noyo Tuhan, alii ra salibuor kuno!

MAZMUR 148:1

Omporo' noyo Tuhan! Omporo' noyo Tuhan, akau ngaangai' suang ru suruga', akau ondo' minayan ra intok masawat.

MAZMUR 149:1

Omporo' noyo Tuhan! Rimbayi' Tuhan no ra rimbai nakabagu; omporo' Iono ralalom pantitimungan ru ulun Nano ondo' gumagaya'!

MAZMUR 150:1

Omporo' noyo Tuhan! Omporo' noyo i Aki Kapuuno' ra Baloi Nano! Omporo' noyo kaikangan Nano giu' ra limbowon Nano!

MAZMUR 3:8

Bayago' aku no, iou Tuhan, i Aki Kapuuno' kuno, ukumi' noyo am ngaangai' ru pantula' kuno sauko' ra lamumu'.

MAZMUR 62:11

Pai' lansani' ampos ru mangimbolo'; pai' pangimansan ra kandoi mantakou ayuk, kabalu' pana kinalangkayaan mino rumuang, pai' lansani' ginio.

JIRIMIA 51:48

Ngaangai' no ra tana' ti am giu' ra limbowon magilakup paat ra pagun ru Babilonia maratu' ra kalindu' ru bansa' intor ra ralayo ondo' matong koson mamuso riso.

JUNUS 2:9

Kaa' marimbai aku ra rimbai pangamparan Rirun am pataakon ku taak simbalui kuno Rirun. Suguton ku ngaangai' bantu' kuno. Okou no Tuhan ondo' mamayag.”

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 12:10

Korongog ku boo bolos mapuor giu' ra suruga' minindagu, “Raino noyo i Aki Kapuuno' mamayag ra ulun Nano. Raino i Aki Kapuuno' mampakito ra kuasa' Nano koson ra raja'. Raino Mamamayag ondo' sinusub Nano mampakito niayuk ra kuasa' maayo Nano. Sabap ra io ondo' orou-rondom nanguu' ra pabukat-pabukat takau ra saang ri Aki Kapuuno', pinatiran noyo intor ra suruga'.

PINAINTALANG 19:6

Korongog ku boo koson ra bolos ru ulun masuang; koson ra kinapuor ru bosoi maayo am koson ra timpalak mapuor. Norongog ku ilo minindagu ra, “Koompor noyo i Aki Kapuuno'. Sabap ra Tuhan takau i Aki Kapuuno' Maayo Kaga' Kuasa' no mamarinta.