PINAINTALANG 18:7 - Tanou Moonsoi Timugon

⁷ Imboloo' ilo saboi mangiluk guang nilo, saboi kangilukan nilo mogondo' ayuk ra kauligan am kalangkayaan nilai. Sabap ra masalok ilo mangkara': ‘Akai ti maayag koson ra raja'. Pai' ru makaliman akai ra guang mangiluk.’

PINAINTALANG 18:7 ပူးပေါင်းရင်းမြစ်များ

ESTER 6:10

Kopongo raginio indagu raja' ri Gaman, “Ribaki' noyo! Alapo' bayang am kuda kuno, am anii' ngaangai' pangurumatan no ri Mordikai ulun ru Jaudi no. Baalo' noyo riso ngaangai' ondo' inatang muno, ra kalo mangiruru' rondo' pana. Tatanga' io manturung giu' ra saang ru kulobon garabang istana.”

MAZMUR 10:6

Mindagu ilo ralalom ru guang, “Kalo lumuku akai; kalo mokoowot akai ra kapaganan.”

MAZMUR 45:9

Bayang muno mokoowou ra mur, gaharu am cendana; pamiujik ru istana gading mapabansuk rirun.

JIRIMIA 13:18

Indagu Tuhan raki', “Susubo' raja' am ina' nano tumuun intor ra panturungan nilo, sabap ra karaun nilo ra moonsoi naratu' noyo intor ra ulu.

SULABOI 1:1

Mapara' boo siluk ru Jirusalim, ondo' ragili nososok ra mamagun! Ragili bandar no urumaton giu' ra titikop ru tana', kaa' raino koson ra ruandu' napuor. Bandar ondo' matulai kaga' ra tana' ti nasauk noyo ra ulipon.

YEHEZKIEL 23:34

Inumon mu ginio saboi makai'; am babakon mu sangkir no am pilaton kubab muno ra poto ru sangkir no. Aku, Tuhan Raja' nakaindagu noyo.”

OBAJA 1:3

Rinuung kau ru limbau mino. Pusor bandar min noyo kubu ru batu ondo' mapiot; intok ayanan min giu' ra tampak ru gunung ondo' masawat. Ginio sabap ra akau mangkara', ‘Osoi kia ondo' masaga' mamparatu' ramon?’

JIPANYA 2:15

Ginio noyo ondo' masauk ra bandar ondo' noloos maansukan am ondo' mangkara' ra inan nano makakaansayan. Mamagun nano mangkara' ra bandar nilo noyo bandar ondo' maayo kaga' ra tana' ti. Mapara' siluk no ru libung no, kolondo' ulun minayan ra intok no ondo' ayuk am bibiag ru kataunan ondo' makabunsut ra giu' no! Moonong ulun ondo' mansail giu' ra bandar no magasab riso am makaliman ra malaa'.

1 TIMOTIUS 5:11

Kaa' napuor ondo' lakat ayuk poyo mamulok, pai' iowo' ilo mangapu ra tayar ru indangan; sabap ra amon ru makaguang ilo poyo mangindalaki kalo boo mangandoi ilo ayuk ri Kristus,

PINAINTALANG 18:3

Sabap ra ngaangai' bansa' am raja'-raja' ru tana' ti nansasawa' ilo ra mamagun ru bandar i, koson ra ulun mangagauk ra wain. Intor raginio ulun-ulun mantatalan nano lumangkaya'.”

PINAINTALANG 18:9

Raja'-raja' ru tana' ondo' nansasawa' am liminangkaya' intor risilo, mantatangi' ilo ra bandar no paat makito nilo lisun ru apui ondo' mangumpo no.