PINAINTALANG 18:5 - Tanou Moonsoi Timugon

⁵ Sabap ra tula nilo natuntur noyo suku' ra limbowon, am kalaatan nilo makara' ri Aki Kapuuno'.

PINAINTALANG 18:5 ပူးပေါင်းရင်းမြစ်များ

2 TUNUNG RU BANSA' ISRAIL 28:9

Sangulun nabi ru Tuhan ininggalanan ri Odid minayan giu' ra bandar Samaria. Nakauma' io ra saujor ru Israil ondo' siminaguli' nagibit ra ulun rinakop intor ra Jiuda. Paat ra saujor-saujor sumubol ra bandar, kon ri Odid risilo, “Tuhan, i Aki Kapuuno' ru kinamatuaan min, siminangit ra mamagun ru Jiuda. Ginio boo ra nompoloso io ramuyun nangala risilo. Kaa' nokorongog Io noyo ra mapara' laat min namatoi risilo.

IJRA 9:6

Indagu aku, “Iou i Aki Kapuuno' kuno, mauyu' aku kaga' tumungar ra saang Muno. Tula mai nansusunu' giu' ra rasawat ru ulu saboi ra limbowon.

JIRIMIA 51:9

Ulun bansa' ra bokon ondo' minayan ra giu' no minindagu, ‘Nangkinam akai nangindangan ra Babilonia, kaa' nakatawos. Iruani' Babilonia am ibok no muli'. Nangukum noyo i Aki Kapuuno' ra Babilonia ra maagat am mamuso riso ra lingonon.’ ”

JUNUS 1:2

Indagu Io, “Ongoi no ra Niniwi, bandar maayo no, mompololob ra mamagun no, sabap ra nakapandai Aku ra mamagun no malaat kaga'.”

PINAINTALANG 16:19

Intor raginio, bandar ondo' maayo no napitalu, am nalunsai niayuk bandar ru ngaangai' pagun ra tana' ti. Kakara' boo ri Aki Kapuuno' bandar Babil ondo' maayo no am painumo' No io ra ruu' ru anggur intor ra sangkir Nano – ioginio wain ru sangit am ukum Nano ondo' makalalaa'.