PINAINTALANG 18:3 - Tanou Moonsoi Timugon

³ Sabap ra ngaangai' bansa' am raja'-raja' ru tana' ti nansasawa' ilo ra mamagun ru bandar i, koson ra ulun mangagauk ra wain. Intor raginio ulun-ulun mantatalan nano lumangkaya'.”

PINAINTALANG 18:3 ပူးပေါင်းရင်းမြစ်များ

JISAYA 47:15

Ginio ayuk pakuan ra ulun mangingilong no ramuyun; intor poyo ra kinamuloko' muno makipinson kono riso. Ilo ngaangai' no magiru' am manatang rirun, Kolondo' sangulun pana namagun no koson mamayag rirun.”

JIRIMIA 51:34

Raja' ru Babilonia nongolot-ngolot noyo ra Jirusalim am inakan-akan no. Sinaliir no bandar no koson ra ulun nanaliir ra rarapu'. Koson ra tambuakal, tinolon no bandar no. Inalap no atan ayuk kasagaan nano, am ondo' bokon no patirin no.

JIRIMIA 51:7

Ragili Babilonia koson ra sangkir mas ra kalindu' Kuno, am mangkinibit ra ngaangai' bansa' ra tana' ti magauk. Bansa'-bansa' nanginum ra wain saboi ilo mantuyang.

SULABOI 4:5

Ulun ondo' ragili mangakan ra akanon maamis kaga', raino matoi ra maitilan giu' ra ralan; ilo ondo' ragili langkaya', raino mangiul ra ginsamol maguyum ra akanon.

NAGUM 3:4

Niniwi mantalan ra inan no aniin ra ukuman. Kinantalur nano mamunduk kaga' ra guang. Masuang bansa' nasinggayawan riso, am nampasauk risilo ra ulipon nano.

LUKAS 7:25

Atan inongoi min ilai' ra giu'? Sangulun nambayang ra moonsoi kia? Ulun ondo' mambayang koson raginio am langkaya' kaga' mayan ayuk ra istana!

1 TIMOTIUS 5:11

Kaa' napuor ondo' lakat ayuk poyo mamulok, pai' iowo' ilo mangapu ra tayar ru indangan; sabap ra amon ru makaguang ilo poyo mangindalaki kalo boo mangandoi ilo ayuk ri Kristus,

PINAINTALANG 14:8

Kopongo malaikat kasaa' no sunu' poyo malaikat karuo ondo' minindagu, “Nalunsai io noyo! Bandar Babil ondo' maayo no nalunsai noyo! Mamagun nano mangkimait ra ngaangai' bansa' ra pansasawaan nilo, mogondo' ra ulun jajalin gauko' ra wain.”

PINAINTALANG 17:2

Ngaangai' raja' am ulun ru tana' ti nansasawa' ilo ra mamagun ru bandar i, koson ra ulun mangagauk ra wain.”

PINAINTALANG 18:19

Patauko' nilo boo kaau ra ulu nilai koson tatandu' ra ilo ti mangulir, pantangi' am pompogolok ilo, “Aibui, bandar ondo' nauligan toojo ru ulun. Akai tatangan ra kapal-kapal liminangkaya' intor ra kalangkayaan ru bandar ni. Kaa' ralalom sanjam ayuk matatakan mamagun ru bandar no ra ngaangai'.”

PINAINTALANG 18:23

Kalo boo makito sinda ru pilasut ra intok muno am kalo niayuk morongog bolos ru ungkuyon am ruandu' uoton ra giu' no. Ulun-ulun mantatalan ru bandar nauligan toojo ru ulun ra tana' ti; am intor ra kapandayan malaat ru mamagun no ngaangai' bansa' ra tana' ti rinuung.”

PINAINTALANG 18:7

Imboloo' ilo saboi mangiluk guang nilo, saboi kangilukan nilo mogondo' ayuk ra kauligan am kalangkayaan nilai. Sabap ra masalok ilo mangkara': ‘Akai ti maayag koson ra raja'. Pai' ru makaliman akai ra guang mangiluk.’

PINAINTALANG 18:9

Raja'-raja' ru tana' ondo' nansasawa' am liminangkaya' intor risilo, mantatangi' ilo ra bandar no paat makito nilo lisun ru apui ondo' mangumpo no.