PINAINTALANG 18:23 - Tanou Moonsoi Timugon

²³ Kalo boo makito sinda ru pilasut ra intok muno am kalo niayuk morongog bolos ru ungkuyon am ruandu' uoton ra giu' no. Ulun-ulun mantatalan ru bandar nauligan toojo ru ulun ra tana' ti; am intor ra kapandayan malaat ru mamagun no ngaangai' bansa' ra tana' ti rinuung.”

PINAINTALANG 18:23 ပူးပေါင်းရင်းမြစ်များ

2 RAJA'-RAJA' 9:22

Pangkuot Raja' Joram ra Raja' Jigu, “Okou matong ti koson ra rangan kia?” Kon ru Raja' Jigu, “Sala' ka lair koson ra rangan buoi ragiti lakat poyo masauk ragiti ilimu' sihir am sumamba ra sinungkalalaing ondo' pinuunan ri Ijibil, ina' muno raja'?”

AYUP 21:17

Igondo' kia kaayagan ru ulun malaat linasaan koson ra lampung? Igondo' kia nalumpa' ilo ru karaat? Igondo' kia i Aki Kapuuno' sangit risilo saboi mangukum Io risilo?

AMSAL 24:20

Ulun malaat kolondo' orou matong am kolondo' kalansanan.

JISAYA 23:8

Osoi kia nangatang ra baal koson ragitio ra Tirus, bandar ra maayo no? Sala' kia ka ulun-ulun mangindapu' no ulun bangsawan ondo' urumaton toojo ra tana' ti?

JISAYA 47:9

Kaa' sangkuliop ayuk, ralalom songorou, karuruo baal raginio masauk. Inda' pana mamakai kou ra guguno am kuasa' ru sihir muno, mailusan kou ra ralaki am anak-anak muno.

JIRIMIA 16:9

Rongogo' noyo ragu intor Raki', Tuhan Ondo' Maayo Kaga' Kuasa', i Aki Kapuuno' ru Israil. Bolos maansukan am maansayan am niayuk nginonsol ru pangiantakan paguguatan langgain Ku. Baal raginio makito ru ulun ondo' maayag ra bulintok muti.

JIRIMIA 25:10

Langgain Ku lakup maansukan am pangiantakan ru paguguatan nilo. Kolondo' ilo ra umau koson ra pilasut, am gandum nilo makai'.

JIRIMIA 7:34

Pagun ti masauk ra intok kolondo' atan pana tutuu'. Bolos maansukan am maansayan, am niayuk maansukan ra paguguatan giu' ra bandar-bandar Jiuda am giu' ra ralan-ralan ru Jirusalim langgain Ku.

NAGUM 3:4

Niniwi mantalan ra inan no aniin ra ukuman. Kinantalur nano mamunduk kaga' ra guang. Masuang bansa' nasinggayawan riso, am nampasauk risilo ra ulipon nano.

RINALATAN 8:11

Ginio ra rongogon nilo io, sabap ra nabuoi noyo kapandayan nali namunduk ra guang nilai.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

PINAINTALANG 17:2

Ngaangai' raja' am ulun ru tana' ti nansasawa' ilo ra mamagun ru bandar i, koson ra ulun mangagauk ra wain.”

PINAINTALANG 17:5

Rabas nano tinulisan ra inggalan ondo' arati' nano kalo mapandayan ru ulun: Inggalan no am, “I Babil ondo' maayo, ina' ru ngaangai' mantatalan ra inan am ulun homoseks am lesbian.”

PINAINTALANG 18:22

Bolos ru jitor, rimbai, tulali am bujung kalo boo rongogon ra intok no. Kolondo' boo sangulun mangandoi ra giu' no am bolos ru batu kinsaran pana kalo boo rongogon.

PINAINTALANG 18:3

Sabap ra ngaangai' bansa' am raja'-raja' ru tana' ti nansasawa' ilo ra mamagun ru bandar i, koson ra ulun mangagauk ra wain. Intor raginio ulun-ulun mantatalan nano lumangkaya'.”

PINAINTALANG 18:9

Raja'-raja' ru tana' ondo' nansasawa' am liminangkaya' intor risilo, mantatangi' ilo ra bandar no paat makito nilo lisun ru apui ondo' mangumpo no.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.

PINAINTALANG 6:15

Ngaangai' boo ru ulun, raja' ru tana' ti, pamarinta, tingganai ru saujor, ulun langkaya' am ulun makakuasa', ulipon kapoam ulun kalo inulipon, mansibuni ilo ti ra luang batu am ra sisipan ru batu giu' ra gunung.

PINAINTALANG 9:21

Ilo kalo niayuk lumonggo' mamatoi, mangimaya' ra kapandayan ru sihir, mansasawa' am mantatakou.