PINAINTALANG 18:2 - Tanou Moonsoi Timugon

² Pambala' io boo ra bolos mosongou, “Nalunsai noyo! Bandar Babil ondo' maayo nalunsai noyo! Raino nasauk io ra inayanan ru riwato, ambiluo malaat am ngaangai' susuit malaat ondo' kasisangin ru ulun.

PINAINTALANG 18:2 ပူးပေါင်းရင်းမြစ်များ

JISAYA 14:23

Kulawon Ku Babil masauk ra tana' malinjong, am karuui mayan ra giu' no. Pusoon Ku Babil. Aku, Tuhan Ondo' Maayo Kaga' Kuasa' minindagu noyo.”

JIRIMIA 25:30

Okou Jirimia, ngaangai' ondo' raguon Kuno rirun, musiti' mu potonowon. Musiti' mu raguin ilo, ‘Mansangal Tuhan intor ra suruga'; maningkalur Io intor ra inayanan Nano ondo' matulai. Gogolon io manggal ra ulun Nano; mompogolok Io koson ra ulun ondo' mamaga' ra kawa' ru anggur. Moonong ulun ra tana' ti mokorongog Riso,

JIRIMIA 51:37

Pagun no masauk ra tuntur ru nalunsai ondo' ayanin ru bibiag masigo. Baal no makalalaa'; kalo ayanin ru ulun giu' no, am ngaangai' ulun malaa' magilong raginio.

JIRIMIA 51:8

Pulali' ru Babilonia naratu' am napuso! Pangulir no sabap ra naratuan nano! Babaso' noyo pilat-pilat nano, am maaru' lair ru mababas Babilonia.

JOIL 3:16

Bolos ru Tuhan mansangal intor ra Bulur Sion; maningkalur Io intor ra Jirusalim; limbowon am tana' ti malunggun, kaa' manindung Io ra ulun Nano.

JIPANYA 2:14

Giu' no bibiag tinambiag am ngaangai' salinut ru bibiag magupu'. Susuit puok manabunsut giu' ra intok nalunsai no am manimpakaak intor ra gigimpalan. Susuit bangkaak manimpakaak giu' ra lugu' ru kulobon. Tataun sidar ra baloi-baloi ru bandar no koyoon iruo'.

PINAINTALANG 1:15

Kalayam Nano makabinusasal koson ra gangsa' manguliat ra Io luuon am bolos Nano koson ra kinapuor ru bosoi maayo.

PINAINTALANG 10:3

Golok io ra bolos mosongou, koson ra kukula' ngainan singa' nansangal. Pokopompogolok io, taam tulu' timpalak no ra mapuor.

PINAINTALANG 11:8

Baangkai nilono makalampik ra ralan ru bandar maayo, ioginio nanalipan ra Tuhan nilono. Pagabigan ra bandar raginio Sodom kapoam Misir.

PINAINTALANG 14:15

Rondo' malaikat boo ra bokon miningkual intor ra Baloi Tuhan. Giminolok io ra mapuor ra Io ondo' nanturung ra rasawat ru gaun no, kono, “Ulun ru tana' ti sama' noyo ukumin. Patantabo' noyo raino, sabap ra nasuku' noyo orou pangkumasan!”

PINAINTALANG 14:8

Kopongo malaikat kasaa' no sunu' poyo malaikat karuo ondo' minindagu, “Nalunsai io noyo! Bandar Babil ondo' maayo no nalunsai noyo! Mamagun nano mangkimait ra ngaangai' bansa' ra pansasawaan nilo, mogondo' ra ulun jajalin gauko' ra wain.”

PINAINTALANG 16:13

Kakito ku boo talu riwato ondo' koson ra antit. Miningkual ilo intor ra kabang ru tambuakal no, intor ra kabang ru bibiag masigo am intor ra kabang ru migiangku ra nabi no.

PINAINTALANG 16:19

Intor raginio, bandar ondo' maayo no napitalu, am nalunsai niayuk bandar ru ngaangai' pagun ra tana' ti. Kakara' boo ri Aki Kapuuno' bandar Babil ondo' maayo no am painumo' No io ra ruu' ru anggur intor ra sangkir Nano – ioginio wain ru sangit am ukum Nano ondo' makalalaa'.

PINAINTALANG 17:18

Ruandu' ondo' nakito muno ioginio bandar maayo, io no raja' ondo' mamarinta ra raja'-raja' ru tana' ti.”

PINAINTALANG 17:5

Rabas nano tinulisan ra inggalan ondo' arati' nano kalo mapandayan ru ulun: Inggalan no am, “I Babil ondo' maayo, ina' ru ngaangai' mantatalan ra inan am ulun homoseks am lesbian.”

PINAINTALANG 18:10

Migor ilo ra maalur sabap ra malaa' ilo maingkinibitan ra kaimbalaan no, konilo, “Aibui, bandar ondo' nauligan toojo ru ulun. Aibui, bandar Babil ondo' maayo. Ralalom sanjam ayuk pangukuman rirun!”

PINAINTALANG 18:21

Rondo' malaikat ra maikang no boo nangkayang ra rondo' batu kinsaran maayo am patiri' no ra raat am indagu, “Koson noyo ragitio baal ru bandar Babil ondo' maayo, lunsayon saboi mapuso am kalo boo makito io.

PINAINTALANG 5:2

Kakito ku boo sangulun malaikat maikang ondo' napabala' ra mosongou, kono, “Osoi kia iowon mampalungkab ra segel ti am niayuk mamingkal ra naskhah rinulun ti?”