PINAINTALANG 18:19 - Tanou Moonsoi Timugon

¹⁹ Patauko' nilo boo kaau ra ulu nilai koson tatandu' ra ilo ti mangulir, pantangi' am pompogolok ilo, “Aibui, bandar ondo' nauligan toojo ru ulun. Akai tatangan ra kapal-kapal liminangkaya' intor ra kalangkayaan ru bandar ni. Kaa' ralalom sanjam ayuk matatakan mamagun ru bandar no ra ngaangai'.”

PINAINTALANG 18:19 ပူးပေါင်းရင်းမြစ်များ

2 SAMUIL 13:19

Patauko' ri Tamar kaau ra rasawat ru ulu nano, namparilak ra bayang nano, am ugar liliwa' nanili ra bulos nano ra karuruo kalindu' am niayuk pantangi' ra mangiluk.

NIGIMIA 9:1

Paat ra orou karuo ngoopor am apat ra sila' raginio niayuk, ulun ru Israil timinimung. Nampali ilo koson mampakito ra pansagulian ilo ra tula nilo. Timinuliar ilo intor ra ngaangai' ulun bansa' ra bokon. Nambayang ilo ra konoon karung am ulu tinaukan ra kaau koson tatandu' mangiluk guang. Kopongo raginio bigor ilo am nangiou ra ngaangai' tula nilo am tula ru kinamatuaan nilo.

AYUP 2:12

Paat ra ilo lakat poyo intor ra maalur, nakakito ilo ri Ayup, kaa' kalo nakaulig riso. Pakaliman ilo ra ulun no i Ayup, nantangi' ilo ra bolos matangil. Rinilak nilo bayang sabap ra mangiluk guang, am nampatauk ra kaau ra rasawat am ra ulu nilo.

JISAYA 13:19

Kula' suang ru pamarintaan, Babilonia niayuk maantak am masauk ra kaansukan ru ulun nano. Kaa' Aku, Tuhan, mamuso ra bandar Babil koson ra Aku namuso ra Sodom am Gomora!

SULABOI 2:10

Ulun matutuo giu' ra Jirusalim nanturung mongkoror ra tana', kaau pinatauk ra ulu am nambayang ra konoon karung. Ralaa-ralaa nampakuku' ra ulu saboi ra tana'.

YEHEZKIEL 27:30

Manulaboi ilo rirun ra malumpus, pinatauk nilo kaau ra ulu am liminuir ra ralalom ru kaau sabap ra mangiluk guang.

JOSUA 7:6

Rinilak ri Josua am tingganai-tingganai ru Israil bayang sabap ra mangiluk guang, am kubu ra saang ru Kaban Nabantuan ru Tuhan saboi palunggai'. Pinatauk nilo niayuk kaau ra rasawat ru ulu koson mapakito ra kangilukan nilo.

PINAINTALANG 17:16

Mopor sangau am poyo bibiag masigo ondo' nakito muno masisang ilo ra ruandu' ondo' mantatalan ra inan nano. Gaawon nilo atan ondo' soroi riso no am iruanin nilo io ra magibaang. Akanon nilo umas nano am umpoon io ra apui.

PINAINTALANG 18:10

Migor ilo ra maalur sabap ra malaa' ilo maingkinibitan ra kaimbalaan no, konilo, “Aibui, bandar ondo' nauligan toojo ru ulun. Aibui, bandar Babil ondo' maayo. Ralalom sanjam ayuk pangukuman rirun!”

PINAINTALANG 18:3

Sabap ra ngaangai' bansa' am raja'-raja' ru tana' ti nansasawa' ilo ra mamagun ru bandar i, koson ra ulun mangagauk ra wain. Intor raginio ulun-ulun mantatalan nano lumangkaya'.”

PINAINTALANG 18:8

Sabap raginio, ralalom songorou ayuk matiu' ilo ra sauk malaat: maruol, guang mangiluk am bitilan. Bandar nilo umpoon ra apui, sabap ra i Aki Kapuuno', Tuhan ondo' Maayo Kaga' Kuasa', mangukum risilo.”

1 SAMUIL 4:12

Sangulun intor ra bansa' ru Binjamin nagiru' intor ra intok pangayawan no am ongoi ra Silo. Nakasaboi io ra Silo ra orou raginio niayuk. Rinilak-rilak no noyo bayang nano am pinatauk tana' ra ulu koson ra tatandu' mangiluk guang.