PINAINTALANG 18:13 - Tanou Moonsoi Timugon

¹³ am kaningau, apa' pampagamis ra akanon, salong, mur am kaminyan; wain am umau; tapung am gandum; sapi' am domba, kuda am kurita', am ulun pana tinalan, ioginio ulipon.

PINAINTALANG 18:13 ပူးပေါင်းရင်းမြစ်များ

YEHEZKIEL 27:13

Mantalan kou giu' ra Junani, Tubal am Misik, am nokoowot ra ulipon am kuliamos gangsa' koson ra pangalig ra kuliamos muno.

AMOS 2:6

Indagu Tuhan, “Ulun ru Israil ruruli' noyo makatula, sabap raginio maaru' ukumin Ku ilo. Nantalan ilo ra ulun mabanis guang koson ra ulipon; ulun mabanis guang ondo' kalo makabayar ra utang nilo. Koson raginio niayuk ondo' binaal nilo ra ulun musikin ondo' kalo makabayar ra utang, kabalu' pana utang no koson ra logo ru satuop salipar.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

NIGIMIA 5:8

am indagu aku, “Mingkotog akai toojo mamuli' ra ulun ru Jaudi ondo' nantalan kalalaat ra inan nilo ra ulun bansa' ra bokon. Kaa' raino akau pinai boo ondo' mampajajal risilo mantalan ra inan nilo ramuyun, alika akau niayuk ulun ru Jaudi!” Tingganai-tingganai no nongkokoror ayuk, am kalo timinaam ra atan pana.

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

SAGULION 24:7

Osoi ondo' mantakou ra ulun ra gino ngai' ulun ru Israil, am napasauk ra ulun no ra ulipon nano, kapoam nantalan riso koson ra ulipon, ulun mantakou ra ulun no musiti' ukumin ra matoi. Koson raginio noyo ra akau namuso ra kalaatan raginio.

KAINGKUALAN 21:16

“Osoi mantakou ra ulun, ra tinalan noyo kapoam lakat poyo soroi ra baloi nano, musiti' ulun nantakou no ukumin ra matoi.

1 TIMOTIUS 1:10

Am niayuk ulun mansawa' am lumapau, ulun homoseksual, ilo ondo' mantakou ra ulun, ulun ra maabau-abau, sasi' ra kalo motopot am poyo osoi ayuk ondo' manggal ra pangilaan motopot,

AMOS 8:6

Talanon takau gandum ondo' naapu' ra logo masawat. Uyumon takau sangulun musikin ondo' kalo makatanggang mambayar ra utang, kabalu' pana utang no koson ra logo ru satuop salipar ayuk, am balion takau ulun no koson ra ulipon.”

AMOS 6:6

Manginum kau ra wain intor ra mangkuk ondo' tinotop suangi', am nagumau kau ra umau maamis owou ondo' moonsoi kaga', kaa' kalo nanulaboi kau ra naratuan ru Israil.

RIMBAI PANGAMPARAN 5:5

Aku pana siminukal mongoi pangukab ra kulobon koson mampasubol ra ambai kuno. Mur nomosok intor ra kalindu' am bubua' ru kalindu' kuno namasa' ra pangukaban ra kulobon.

AMSAL 7:17

Kinupilan ku kaalangan no ra owou maamis ru mur, gaharu am kaningau.

2 TUNUNG RU BANSA' ISRAIL 9:9

Raja' ruandu' ru pagun Syiba nampataak ra taak-taak ondo' inibit nano ra Raja' Salomo, iono nasailan intor ra 4,000 ngakilogram mas, am apa' pampagamis ra akanon am niayuk intan ondo' masuang kaga'. Kalo igogondo' Raja' Salomo nangapu ra apa' pampagamis ra akanon ondo' moonsoi kaga' no koson ra ondo' tinaak ru raja' ruandu' ru pagun Syiba. (

1 RAJA'-RAJA' 10:25

Moonong ulun ondo' manambului ra Raja' Salomo magibit ra tangguang riso – kuliamos intor ra pirok am mas, bayang, kinandoi, apa' pampagamis ra akanon, kuda am niayuk baghal. Baal ragitio narayus kasauk ra bilor malupus bilor.

1 RAJA'-RAJA' 10:10

Raja' ruandu' ru pagun ru Syiba nampataak ra tangguang-tangguang ondo' inibit nano ra Raja' Salomo, iono mas nasailan 4,000 ngakilogram, apa' pampagamis ra akanon am niayuk batu parmata ondo' masuang kaga'. Tutuu' pampagamis ra akanon ondo' pinataak ru raja' ruandu' no ra Raja' Salomo iono ondo' masuang kaga' ondo' igondo' naapu ru Raja' Salomo. (

SAGULION 28:68

Atarin kau saguli' ru Tuhan ra Misir paayaan ra kapal, kabalu' pana minindagu Io ra kalo boo mongoi ra giu'. Giu' no kuminam kau mantalan ra inan koson ra ulipon ra pantula', kaa' kolondo' sangulun pana ondo' masaga' mambali ramuyun.”

RIMBAI PANGAMPARAN 1:3

Maamis kaga' owou muno, inggalan muno koson ra umau maamis owou ondo' pinabuur. Ginio ra ralaa-ralaa malaai rirun.

1 TUNUNG RU BANSA' ISRAIL 5:21

Ginaau nilo 50,000 ngainan unta, 250,000 ngainan domba am 2,000 ngainan kaladai intor ra pantula' am namparakop ra 100,000 ngaulun.

RIMBAI PANGAMPARAN 3:6

Atan kia minatong intor ra tana' kaagisan, koson ra kuliampun ru lisun? Maamis owou nano koson ra kaminyan am mur ondo' tinalan ru mantatalan.

PINAINTALANG 18:14

Ulun-ulun mantatalan mindagu ra mamagun no, “Ngaangai' kuliamos ondo' ginogot mino naliom boo am kalangkayaan am kauligan mino matatak. Kalo boo matuum min ginio.”

PINAINTALANG 18:15

Ulun-ulun mantatalan ondo' nakalangkaya' sabap ra nantalan ra ralalom bandar raginio, migor ilo intor ra maalur, sabap ra malaa' ilo maingkinibitan ra kalunsayan nano. Mantatangi' am mangulir ilo.