PINAINTALANG 18:12 - Tanou Moonsoi Timugon

¹² Kolondo' boo mambali ra mas, pirok, parmata am sisigot mutiara nilono; niayuk konoon linon, konoon matanggilung, sutra' am konoon kasumba'; ngaangai' bansa' ru tataun maamis owou, kuliamos binaal intor ra ripon ru gaja am intor ra tataun ondo' mongologo; kuliamos binaal intor ra gangsa', basi' am pualam;

PINAINTALANG 18:12 ပူးပေါင်းရင်းမြစ်များ

2 TUNUNG RU BANSA' ISRAIL 2:8

Nakapandai aku ra mokoondo' kou ra ulun mantagar ra tataun ondo' mapandai; ginio ra atari' akai ra tataun sidar, tataun sipris am tataun cendana intor ra Libanon. Nakatampos aku no mangator ra mangngandoi kuno koson mangindangan ra mangngandoi muno koson

NAGUM 2:9

Gaawo' noyo pirok! Gaawo' noyo mas! Nososok bandar ra masuang rapu'!

PINAINTALANG 17:3

Ambiluo ri Aki Kapuuno' no boo nanguasa' raki' am ibito' aku ru sangulun malaikat ra intok masiluk. Giu' no makito ku sangulun ruandu' nanturung ra rasawat ru sanginan bibiag masigo malia' ondo' natitip niayuk ra tinulisan ra inggalan magulas ri Aki Kapuuno'. Bibiag masigo no makaulu tulu' am makasangau mopor.

PINAINTALANG 17:4

Ruandu' no nambayang ra matanggilung am kasumba' am nanantakin ra mas, parmata am sisigot mutiara. Nampaguut io ra sangkir mas ondo' napanu' ra baal makauyuyu' am majamol, ioginio ampos intor ra pansasawaan nano.

PINAINTALANG 18:15

Ulun-ulun mantatalan ondo' nakalangkaya' sabap ra nantalan ra ralalom bandar raginio, migor ilo intor ra maalur, sabap ra malaa' ilo maingkinibitan ra kalunsayan nano. Mantatangi' am mangulir ilo.