PINAINTALANG 18:11 - Tanou Moonsoi Timugon

¹¹ Ulun-ulun mantatalan mantangi' am mangiluk guang sabap ra bandar i, sabap ra kolondo' boo mambali ra kuliamos talanon nilono.

PINAINTALANG 18:11 ပူးပေါင်းရင်းမြစ်များ

AMSAL 3:14

Ampos nano maayo poyo ka pirok, am logo nano nakasail poyo ra mas.

JISAYA 13:19

Kula' suang ru pamarintaan, Babilonia niayuk maantak am masauk ra kaansukan ru ulun nano. Kaa' Aku, Tuhan, mamuso ra bandar Babil koson ra Aku namuso ra Sodom am Gomora!

JISAYA 47:15

Ginio ayuk pakuan ra ulun mangingilong no ramuyun; intor poyo ra kinamuloko' muno makipinson kono riso. Ilo ngaangai' no magiru' am manatang rirun, Kolondo' sangulun pana namagun no koson mamayag rirun.”

YEHEZKIEL 27:9

Ulun manukang ra tataun ondo' nambaal ra kapal muno ulun manukang ondo' mapandai kaga' intor ra Gibal. Ulun masundoi ra raat intor ra moonong kapal matong mongoi ra kadai-kadai muno koson mantalan.

JIPANYA 1:11

Panulaboi kano am pantangi' kano paat min morongog ngaangai' no, akau mamagun ru bandar giu' ra tampilon ragana', sabap ra ngaangai' ulun mantalan minatoi noyo.

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.

MATIUS 22:5

Kaa' tambului ra binalaan ti kalo nampalio. Mongoi ilo boo pangandoi ra umo am mokoondo' niayuk mongoi ra kadai nilo galama';

JUANIS 2:16

Indagu Io ra mantatalan ra susuit asang no, “Paingkualo' noyo ngaangai' kuliamos min ti. Pai' min sauko' Baloi ru Ama' Kutu ra pasar!”

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

PINAINTALANG 18:15

Ulun-ulun mantatalan ondo' nakalangkaya' sabap ra nantalan ra ralalom bandar raginio, migor ilo intor ra maalur, sabap ra malaa' ilo maingkinibitan ra kalunsayan nano. Mantatangi' am mangulir ilo.

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.

PINAINTALANG 18:23

Kalo boo makito sinda ru pilasut ra intok muno am kalo niayuk morongog bolos ru ungkuyon am ruandu' uoton ra giu' no. Ulun-ulun mantatalan ru bandar nauligan toojo ru ulun ra tana' ti; am intor ra kapandayan malaat ru mamagun no ngaangai' bansa' ra tana' ti rinuung.”

PINAINTALANG 18:3

Sabap ra ngaangai' bansa' am raja'-raja' ru tana' ti nansasawa' ilo ra mamagun ru bandar i, koson ra ulun mangagauk ra wain. Intor raginio ulun-ulun mantatalan nano lumangkaya'.”

PINAINTALANG 18:9

Raja'-raja' ru tana' ondo' nansasawa' am liminangkaya' intor risilo, mantatangi' ilo ra bandar no paat makito nilo lisun ru apui ondo' mangumpo no.