PINAINTALANG 18:10 - Tanou Moonsoi Timugon

¹⁰ Migor ilo ra maalur sabap ra malaa' ilo maingkinibitan ra kaimbalaan no, konilo, “Aibui, bandar ondo' nauligan toojo ru ulun. Aibui, bandar Babil ondo' maayo. Ralalom sanjam ayuk pangukuman rirun!”

PINAINTALANG 18:10 ပူးပေါင်းရင်းမြစ်များ

JISAYA 21:9

Pulusat ru ulun kiminura' ra kuda sikaruo. Mantatamung raginio napabala', “Babil napuut noyo! Ngaangai' sinungkalalaing ondo' sambaan nilo tinutuk nakuliagai ra tana'.”

JISAYA 47:9

Kaa' sangkuliop ayuk, ralalom songorou, karuruo baal raginio masauk. Inda' pana mamakai kou ra guguno am kuasa' ru sihir muno, mailusan kou ra ralaki am anak-anak muno.

JIRIMIA 30:7

Orou makalalaa' masaboi, orou ondo' kolondo' pogondo' no. Tayar ru ulun Kuno, ginio noyo orou ondo' mampakalaa' risilo, kaa' bayagon ilo.”

YEHEZKIEL 32:9

Masuang bansa' malaa' paat potonowon Ku tanou intor ra kapusaan muno ra pagun-pagun ondo' kalo nauligan muno.

JOIL 1:15

Orou ru Tuhan mamaar noyo, paat ra Ondo' Maayo Kaga' Kuasa', mamparatong ra katutukan. Mapara' boo makalalaa' orou raginio!

AMOS 5:16

Ginio ra Tuhan Raja' Ondo' Maayo Kaga' Kuasa' mindagu, “Giu' ra ralan-ralan ru bandar, ulun manulaboi am mantangi' sabap mangiluk guang. Mulu' piboo ra ulun-ulun magitanom pana piawon koson maya' manulaboi mababaya' ra ulun ondo' ginajian koson manulaboi ra ulun minatoi.

UNTABAN 16:34

Ngaangai' ulun ru Israil ondo' soroi ra giu' no nagiru' paat nokorongog ra golok nilo. Ngaangai' ulun ru Israil no pana giminolok, “Pagiru'! Magu' itakau niayuk tolonon ru tana' ti!”

PINAINTALANG 11:8

Baangkai nilono makalampik ra ralan ru bandar maayo, ioginio nanalipan ra Tuhan nilono. Pagabigan ra bandar raginio Sodom kapoam Misir.

PINAINTALANG 14:8

Kopongo malaikat kasaa' no sunu' poyo malaikat karuo ondo' minindagu, “Nalunsai io noyo! Bandar Babil ondo' maayo no nalunsai noyo! Mamagun nano mangkimait ra ngaangai' bansa' ra pansasawaan nilo, mogondo' ra ulun jajalin gauko' ra wain.”

PINAINTALANG 16:19

Intor raginio, bandar ondo' maayo no napitalu, am nalunsai niayuk bandar ru ngaangai' pagun ra tana' ti. Kakara' boo ri Aki Kapuuno' bandar Babil ondo' maayo no am painumo' No io ra ruu' ru anggur intor ra sangkir Nano – ioginio wain ru sangit am ukum Nano ondo' makalalaa'.

PINAINTALANG 17:12

Mopor sangau ondo' nakito mu ioginio mopor ngaulun raja' ondo' kalo poyo nakatalimpuun mamarinta. Kaa' aniin ilo ra kuasa' mamarinta koson ra raja' mabaya' ra bibiag masigo no buoi sanjam.

PINAINTALANG 18:18

Paat ra nakito nilo lisun ru apui ondo' monolob ra bandar no, golok ilo, konilo, “Kolondo' bandar ra bokon koson ra bandar ondo' maayo ti!”

PINAINTALANG 18:19

Patauko' nilo boo kaau ra ulu nilai koson tatandu' ra ilo ti mangulir, pantangi' am pompogolok ilo, “Aibui, bandar ondo' nauligan toojo ru ulun. Akai tatangan ra kapal-kapal liminangkaya' intor ra kalangkayaan ru bandar ni. Kaa' ralalom sanjam ayuk matatakan mamagun ru bandar no ra ngaangai'.”

PINAINTALANG 18:21

Rondo' malaikat ra maikang no boo nangkayang ra rondo' batu kinsaran maayo am patiri' no ra raat am indagu, “Koson noyo ragitio baal ru bandar Babil ondo' maayo, lunsayon saboi mapuso am kalo boo makito io.

PINAINTALANG 18:8

Sabap raginio, ralalom songorou ayuk matiu' ilo ra sauk malaat: maruol, guang mangiluk am bitilan. Bandar nilo umpoon ra apui, sabap ra i Aki Kapuuno', Tuhan ondo' Maayo Kaga' Kuasa', mangukum risilo.”