PINAINTALANG 17:8 - Tanou Moonsoi Timugon

⁸ Bibiag masigo ondo' nakito muni, naayag ra galing i, kaa' raino kalo boo. Kalo boo mabuoi am mingkual io intor ra intok ru ulun namagatoi no am pusoon. Ulun-ulun ru tana' no ondo' inggalan nilo kalo tinulisan ra kitab ru Ulun Mokoowot ra Kaayagan Motopot ra kalo poyo tana' ti biningkal, makatigog ilo makakito ra bibiag masigo no. Bibiag masigo no naayag ra galing i; raino kalo boo, kaa' sumalula' io poyo saguli'.

PINAINTALANG 17:8 ပူးပေါင်းရင်းမြစ်များ

MAZMUR 69:28

Patuliso' noyo ngaangai' tula nilono; pai' ilo ampuno'.

DANIL 11:45

Raja' ru Siria mambaal ra kim ru raja' ondo' maayo giu' ra lolot ru raat am gunung intok ru Baloi ru Tuhan. Kaa' raja' ru Siria matoi, am kolondo' sangulun pana mangindangan riso.”

DANIL 7:11

Liliwa' ra aku magilong, lakat aku poyo mokorongog ra bolos ru sangau boborok no mindagu ra lumimbau. Tatanga' ra aku magilong, bibiag kaapat no pinatoi, am baangkai nano pinatiran ra ralalom ru apui saboi napuso.

DANIL 7:26

Makama pangakiman ru suruga' pana mansusunur am mampagaau boo ra kuasa' nano, am niayuk mamuso raginio saboi malingon kapuso.

DANIL 7:3

Pulusat ru apat ngainan bibiag raksasa intor ra raat. Moonong rondo' ra bibiag no nansasala' baal no.

DANIL 7:7

Tatanga' aku magilong, bibiag kaapat poyo siminalula'. Bibiag no maikang kaga', masangit am makalalaa'. Ripon basi' nano ondo' maayo, bibiag no manutuk ra ondo' akanon nano, am kikinjangin no. Nansuai ra bibiag-bibiag ra kalo poyo ginio, bibiag no mokoondo' mopor sangau.

MATIUS 25:34

Raja' ti boo mindagu ra ulun ra pamiris Nano: ‘Akau ondo' binarakat ru Ama' Kuno, ayan kano ra pamarintaan ondo' inaru' ramuyun intor ra tana' ti biningkal.

LUKAS 10:20

Kaa' kabalu' pana koson raginio, pai' kau pakaansuk sabap ra riwato-riwato gumagaya' ramuyun, kaa' pakaansuk kano sabap ra inggalan mino tinulisan noyo ra suruga'.”

LUKAS 8:31

Gumogot toojo riwato-riwato no ri Jisus koson kalo pagiruon ilo giu' ra intok ru ulun namagatoi.

JUANIS 17:24

“Ama', masaga' Aku ilo ondo' pinataak Muli Raki', mabaya' Raki' ra ati ayuk intok Kuno. Maa' raginio makatutun ilo ra Okou mampatulai Raki', sabap ra motogom Kou no Raki' ra tana' ti kalo poyo biningkal.

RINALATAN 15:18

Ginio noyo ragu ru Tuhan, ondo' pinabala' No intor ra galing i.’ ”

IPISUS 1:4

Io kalo poyo nabingkal tana' ti, pinili' takano kalalair ri Aki Kapuuno' ralalom ri Jisus Kristus. Maa' raginio mapasau takau ra pagilangan Nano am kolondo' boo makapanguu' ritakau.

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.

1 PITRUS 1:20

I Kristus ti pinili' noyo ri Aki Kapuuno' ra tana' ti kalo poyo biningkal, kaa' raino boo ra io mamaar noyo Orou Pupus, pinaintalang Io noyo ramuyun.

PINAINTALANG 11:7

Pakapambala' ilo ra tanou no, bibiag masigo ondo' mingkual intor ra intok ru ulun namagatoi no tumula' risilo. Mangala am mamatoi io risilo.

PINAINTALANG 17:11

Bibiag masigo ondo' galing i naayag kaa' raino kalo boo, io no raja' kabalu' ondo' sotopot no sangulun intor ra tulu' ngaulun raja' i, am io ti pusoon.

PINAINTALANG 17:2

Ngaangai' raja' am ulun ru tana' ti nansasawa' ilo ra mamagun ru bandar i, koson ra ulun mangagauk ra wain.”

PINAINTALANG 20:10

Tingganai ru riwato boo ondo' namparuung risilo no pinatiran ra tasik ru apui ondo' naratok ra balirang mapaang. Gili, gitio noyo namatiran ra bibiag masigo am migiangku ra nabi no am imboloon ilo orou-rondom ra sabuoi-buoi no.

PINAINTALANG 20:12

Nakito ku ulun namagatoi, langkaya' am musikin, minigor ra saang ru takhta no. Ukabo' boo kitab-kitab. Rondo' poyo inukab, ioginio kitab ru Ulun Mokoowot ra Kaayagan Motopot. Inukuman boo ulun namagatoi no maya' ra binaal nilono koson natulisan ra kitab.

PINAINTALANG 20:15

Osoi ayuk ondo' inggalan nano kalo tinulisan ra ralalom ru kitab ru Ulun Mokoowot ra Kaayagan Motopot, patirin io ra tasik ru apui.

PINAINTALANG 3:10

Sabap ra kaimbalaan, bagu alungin takamin ra kapaganan maayo ondo' matong mangkinam ra ngaangai' ulun ru tana' ti.

PINAINTALANG 3:5

“Osoi ayuk mangala ra kuasa' ru kalaatan pambayangon Ku ilo ra mapulak, am kalo luluon Ku inggalan nilono intor ra kitab ru Ulun Mokoowot ra Kaayagan Motopot. Giu' ra saang ri Ama' Kuno am ra malaikat-malaikat Nano, iowon Ku ilo ti maamaya' Kuno.