PINAINTALANG 17:4 - Tanou Moonsoi Timugon

⁴ Ruandu' no nambayang ra matanggilung am kasumba' am nanantakin ra mas, parmata am sisigot mutiara. Nampaguut io ra sangkir mas ondo' napanu' ra baal makauyuyu' am majamol, ioginio ampos intor ra pansasawaan nano.

PINAINTALANG 17:4 ပူးပေါင်းရင်းမြစ်များ

1 RAJA'-RAJA' 14:24

Giu' ra intok-intok no nambaal ilo ra mantalan ra inan koson sumamba ra dewa. Mokoondo' poyo ungkuyon am ruandu' ondo' mangandoi ra intok-intok raginio koson ra mantalan ra inan. Mamagun ru Jiuda nambaal ra baal makauyuyu' ondo' binaal ru bansa'-bansa' ondo' pinagiru' ru Tuhan ragili, paat ra ulun ru Israil mayan ra pagun no.

2 RAJA'-RAJA' 21:2

Makatula Raja' Manasi ra Tuhan. Minaya' io nambaal ra baal malaat ondo' binaal ru bansa'-bansa' ondo' pinagiru' ru Tuhan paat ra ulun Nano namagun ra pagun no.

IJRA 9:11

ondo' tinaakan ramon ondo' pinabala' galing ra ulipon Muno, nabi-nabi. Nambala' ilo ramon ra tana' ondo' ayanin mai no najamalan noyo, sabap ra mamagun nano nampajamol noyo ra ngaangai' no ra binaal ondo' majamol am malaat.

JISAYA 66:3

Ulun raginio mambaal maya' ra kasagaan ru guang nilo. Pangkaraan nilo manimbalui ra sapi' gawayan nogondo' ayuk ra mampatoi ra ulun koson pataakon koson ra taak simbalui, mapataak ra anak domba kapoam mamandak ra liog ru uku', mapataak ra gandum kapoam raraa' ru bauwi; monolob ra kaminyan kapoam makiasi' ra sinungkalalaing. Masaga' ilo sumamba maya' ra ralan majamol kaga'.

JIRIMIA 51:7

Ragili Babilonia koson ra sangkir mas ra kalindu' Kuno, am mangkinibit ra ngaangai' bansa' ra tana' ti magauk. Bansa'-bansa' nanginum ra wain saboi ilo mantuyang.

SULABOI 1:9

Jamol nano nakito kaga' kaa' kalo lioon no. Nalunsayan nano makalalaa', kolondo' osoi pana makabansuk ra guang nano. Pantula' nano namanang am nantangi' io makimasi' intor ra Tuhan.

YEHEZKIEL 20:30

Ginio ra posoboyo' noyo atan ondo' paraguon Kuno, Tuhan Raja' ra ulun ru Israil: Kua kia musiti' kau makatula koson ra kinamatuaan min, am nangilou ra sinungkalalaing nilo?

YEHEZKIEL 24:11

Iruani' boo pagangan gangsa' ondo' kolondo' suang giu' ra rasawat ru apui saboi malia' kaga'. Mopongo togol nano mosolob, pagangan no mapasau saguli' sumugut ra kaulayan ru ugama.

YEHEZKIEL 24:13

Okou Jirusalim, jinamol kou ru binaal muno ra mantalan ra inan. Kabalu' pana kuminam Aku mampapasau rirun, kaa' magulayun kou majamol. Kalo mapasau kou saguli' saboi ra okou makaliman ra ngaangai' kinoporos ru sangit Kuno.

YEHEZKIEL 28:13

Minayan kou giu' ra taman Idin, taman ri Aki Kapuuno'. Bayang muno binungaan ra ngaangai' salinut ru batu mologo: dalima', intan, topaj, biril, sardis, jaspir, nilam, jamrud am garnit. Mokoondo' kou niayuk ra limpor mas ondo' binaal ra tayar muno paat ra okou inangun.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

DANIL 11:38

Kaa' sumamba raja' no ra dewa ondo' manindung ra kubu-kubu. Nampataak raja' no ra mas, pirok, intan am taak-taak ra bokon ondo' mologo ra dewa ondo' kalo igondo' sinamba ru kinamatuaan nano.

GOSIA 9:10

Indagu Tuhan, “Paat ra Aku kasaa' nakatuum ra Israil, naansukan Aku koson ra ulun nakatuum ra kawa' ru anggur giu' ra tana' kaagisan. Paat ra Aku kasaa' nakakito ra kinamatuaan min, naansayan guang Kuno koson ra ulun nakakito ra kawa' ru ara ondo' kasaa' naansak bulintok pangkawaan. Kaa' paat ilo nakasaboi giu' ra Gunung Pior, timinalimpuun ilo siminamba ra Baal, saboi ilo majamol koson ra sinungkalalaing ondo' tagamin nilo.

SAGULION 29:17

Nakito min sinungkalalaing nilo ra majamol, ondo' binaal intor ra tataun, batu, pirok am mas.

PINAINTALANG 14:8

Kopongo malaikat kasaa' no sunu' poyo malaikat karuo ondo' minindagu, “Nalunsai io noyo! Bandar Babil ondo' maayo no nalunsai noyo! Mamagun nano mangkimait ra ngaangai' bansa' ra pansasawaan nilo, mogondo' ra ulun jajalin gauko' ra wain.”

PINAINTALANG 18:12

Kolondo' boo mambali ra mas, pirok, parmata am sisigot mutiara nilono; niayuk konoon linon, konoon matanggilung, sutra' am konoon kasumba'; ngaangai' bansa' ru tataun maamis owou, kuliamos binaal intor ra ripon ru gaja am intor ra tataun ondo' mongologo; kuliamos binaal intor ra gangsa', basi' am pualam;

PINAINTALANG 18:16

Konilo, “Aibui, bandar ondo' nauligan toojo ru ulun. Buoi ti mamagun no mambayang ra konoon linon kopoyo, konoon matanggilung am konoon kasumba'; am manakin ra mas, parmata am sisigot mutiara.

PINAINTALANG 19:2

Motopot am mabanis pangukuman Nano. Nakapangukum Io no ra ruandu' mantatalan ra inan nano ondo' nampakalayau ra ulun ru tana' ti ra pansasawaan nano. Nakapangukum Io noyo riso sabap ra namatoi io ra ulipon ri Aki Kapuuno'.”

PINAINTALANG 21:21

Mopor am ruo umpasan no, ioginio mopor am ruo mutiara. Moonong umpasan no binaal intor ra rondo' mutiara. Ralan ru bandar no binaal intor ra mas kopoyo, maniol koson ra galas.

PINAINTALANG 9:21

Ilo kalo niayuk lumonggo' mamatoi, mangimaya' ra kapandayan ru sihir, mansasawa' am mantatakou.