PINAINTALANG 17:17 - Tanou Moonsoi Timugon

¹⁷ Sabap ri Aki Kapuuno' nakapangulau noyo ra guang nilono mampaugar ra kasagaan Nano. Pogogondoon ri Aki Kapuuno' guang nilono koson mampataak ra kuasa' nilono ra bibiag masigo no, ondo' mamarinta saboi masauk atan ondo' pinabala' ri Aki Kapuuno' i.

PINAINTALANG 17:17 ပူးပေါင်းရင်းမြစ်များ

IJRA 7:27

Kopongo raginio indagu i Ijra, “Koompor noyo Tuhan, i Aki Kapuuno' ru kinamatuaan takau! Binuir no guang ru raja' saboi kinara' no timpokon Baloi ru Tuhan giu' ra Jirusalim.

MAZMUR 105:25

Tuhan noyo nangkinibit ra ulun ru Misir masisang ra ulun Nano, bansa' ru Misir namparuung ra ulipon-ulipon Nano.

AMSAL 19:21

Masuang atangon ru ulun, kaa' kasagaan ru Tuhan ayuk masauk.

AMSAL 21:1

Pangkaraan ru raja' Tuhan noyo manguasa' koson ra Io nangaru' ra tulukan ru sungoi.

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JIRIMIA 32:40

Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

DANIL 12:7

Kakato' ru malaikat no karuo-ruo kalindu' nano ra tampilon ru limbowon, am pagibot ra ralalom inggalan ri Aki Kapuuno' ondo' mantilayun. Nokorongog aku ra io mindagu, “Talu ngambilor am maintanga'! Mopongo pangimbalaan ra ulun ri Aki Kapuuno' pupusin, am kasaukan-kasaukan ondo' makaimuag no pana pupusin.”

LUKAS 22:22

Anak ru Ulun matoi koson ra inaru' ri Aki Kapuuno'; kaa' aibui boo ra usung ru ulun ondo' mampataak Riso!”

LUKAS 22:3

I Judas, ondo' sabiton ri Iskariot, sinubol ru Tingganai ru riwato. I Judas ti sangulun intor ra mopor am ruo ngaulun maamaya' ri Jisus.

LUKAS 22:37

Balain takamin, ondo' tinulisan noyo ra Buuk Kitab, ‘Kinara' Io koson ra sangulun malaat,’ maaru' masauk Raki', am sotopot no masauk noyo ra raino ti.”

JUANIS 10:35

Nakapandai takau no ra ragu ru Buuk Kitab kalo malulu'. I Aki Kapuuno' galama' nampiau risilo ra tuhan, ioginio ulun-ulun ondo' nampasukuan ra ragu Nano.

JUANIS 13:18

Sala' ka akau ngaangai' kon Kuli. Nakapandai Aku osoi pinili' Kuli. Kaa' ragu ru Buuk Kitab ragitio suguton noyo, ‘Ulun ondo' gumulung Raki' mangakan, tumula' io Raki'.’

JUANIS 13:2

Nagagakan i Jisus am maamaya' Nano, am Tingganai ru riwato no minindagu ra guang ri Judas, anak ri Simon Iskariot, koson mampataak ri Jisus ra pantula' Nano.

JUANIS 19:24

Pagindagu ilo ra sangulun am bokon, “Pai' takau rilako' sukub ti. Moonsoi magugundi' takau koson mangaru' osoi makaalap.” Gitio masauk koson nasugut ondo' tinulisan ra Buuk Kitab; “Bayang Kuno tatayaron nilo, am magugundi' ilo mangalap ra sukub Kuno.” Ginio totopot binaal ru saujor-saujor no koson raginio.

JUANIS 19:28

Napandayan ri Jisus ra raino ngaangai' nopongo noyo, am maa' raginio masugut ondo' tinulisan ra Buuk Kitab, indagu Io, “Pinaason Aku.”

2 KORINTUS 8:16

Paringkuanangan mai ri Aki Kapuuno' ondo' nangani' ri Titus ra kapiratan masaga' mangindangan ramuyun mogondo' ramon.

PINAINTALANG 10:7

Paat ra malaikat katulu' no manamput ra bujung, pasaukon ri Aki Kapuuno' inatangan ondo' sinibuni Nano, ondo' pinabala' noyo ra galing i ra nabi-nabi, ioginio ulipon-ulipon Nano.”

PINAINTALANG 15:1

Giu' ra limbowon no makito ku boo rondo' poyo tatandu' ondo' makaimuag am maayo. Mokoondo' tulu' malaikat nabaya' ra tulu' sauk malaat ra pupus. Gitio noyo pamupusan ri Aki Kapuuno' mapaingkual ra sangit am ukum Nano.

PINAINTALANG 17:13

Pogogondoon ru mopor ngaulun raja' ti guang nilono; ngaangai' ikang am kuasa' nilono pataakin ra bibiag masigo no.

PINAINTALANG 19:9

Indagu boo malaikat no raki', “Tulisi' noyo gitio: Pakaansuk noyo ilo ondo' piniau ra bunsag paguatan ru Anak Domba no.” Tungguli' poyo ru malaikat no, “Gitio noyo pambalaan motopot intor ri Aki Kapuuno'.”

PINAINTALANG 6:11

Moonong risilo ti inanian ra sukub ra mapulak. Sinusub ilo boo tumangus ra kula' buoi poyo saboi suang ru rangan mangngandoi am pabukat nilono ondo' potoyon koson risilo no, ukopon galing.