PINAINTALANG 17:16 - Tanou Moonsoi Timugon

¹⁶ Mopor sangau am poyo bibiag masigo ondo' nakito muno masisang ilo ra ruandu' ondo' mantatalan ra inan nano. Gaawon nilo atan ondo' soroi riso no am iruanin nilo io ra magibaang. Akanon nilo umas nano am umpoon io ra apui.

PINAINTALANG 17:16 ပူးပေါင်းရင်းမြစ်များ

AYUP 31:31

Ngaangai' ulun ondo' mangandoi ra tayar kuno makapandai ra ulun ondo' kalo nauligan kuno, paakanon ku giu' ra baloi kuno.

MAZMUR 27:2

Bulintok ra ulun malaat mongoi bulunsar kinam pampatoi raki', makasaru ilo am maratu'.

DANIL 7:5

Bibiag karuo no baal nano koson ra baawang am minigor ra rasawat ru kalayam ra bakulung nano. Bibiag no tatanga' mongokot ra talu bungul ru tiagang. Korongog boo bolos ondo' mindagu, “Akan no ra kual maya' ra suang ru kasagaan muno!”

IMAMAT 21:9

Amon ru anak ruandu' ru sangulun imam masauk ra ruandu' mantalan ra inan, magasab io ra ama' nano; musiti' ruandu' no solobon saboi matoi.

PINAINTALANG 12:3

Giu' boo ra limbowon no makito rondo' poyo tatandu' makaimuag. Mokoondo' sanginan tambuakal malia' ondo' maayo kaga', makaulu tulu' am makasangau mopor. Rorondo' ra ulu nano makakaraun.

PINAINTALANG 16:12

Pasasaro' boo ru malaikat koonom no suang ru sangkir nano ra sungoi Iprat ondo' maayo no. Ginio ra sungoi no liminasak saboi nasauk ra intok pansailan ru raja'-raja' ondo' intor ra sirangon no.

PINAINTALANG 17:10

Limo intor ra tulu' ngaulun raja' no minatoi noyo; sangulun no lakat ayuk poyo mamarinta am sangulun kalo poyo sumalula'. Ondo' sumalula' no sangkinolor ayuk io mamarinta.

PINAINTALANG 18:19

Patauko' nilo boo kaau ra ulu nilai koson tatandu' ra ilo ti mangulir, pantangi' am pompogolok ilo, “Aibui, bandar ondo' nauligan toojo ru ulun. Akai tatangan ra kapal-kapal liminangkaya' intor ra kalangkayaan ru bandar ni. Kaa' ralalom sanjam ayuk matatakan mamagun ru bandar no ra ngaangai'.”

PINAINTALANG 18:8

Sabap raginio, ralalom songorou ayuk matiu' ilo ra sauk malaat: maruol, guang mangiluk am bitilan. Bandar nilo umpoon ra apui, sabap ra i Aki Kapuuno', Tuhan ondo' Maayo Kaga' Kuasa', mangukum risilo.”

PINAINTALANG 19:18

Ioginio baangkai ru raja', tingganai ru saujor am saujor; ondo' nanangkuda mabaya' ra kuda-kuda; baangkai ru ngaangai' ulun ru tana', langkaya' am musikin, ulipon am kalo inulipon!”