PINAINTALANG 17:14 - Tanou Moonsoi Timugon

¹⁴ Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 17:14 ပူးပေါင်းရင်းမြစ်များ

MAZMUR 110:5

Soroi Tuhan ra tampilon pamiris muno koson mangindangan rirun; bulintok ra Io sumangit, raja'-raja' kalaan No.

JIRIMIA 1:15

sabap ra mampiau Aku ra ngaangai' bansa' giu' ra tampilon ralayo matong. Raja'-raja' nilo manirong ra panturungan ru raja' giu' ra kulobon-kulobon garabang ru Jirusalim am giu' ra liliut ru timbok no, am niayuk giu' ra liliut ru bandar-bandar ra bokon giu' ra Jiuda.

JIRIMIA 50:44

“Koson ra singa' miningkual intor ra kataunan gimbaan giu' ra kiing ru Sungoi Jordan, am nagaloi ra padang masakot ondo' masansam, koon raginio niayuk ra Aku, Tuhan, matong am mangkinibit ra ulun ru Babilonia magiru' ra mamulali' intor ra bandar nilo. Tingganai ondo' pilion Kuno pana ondo' mamarinta boo ra pagun no. Osoi kia ondo' mokogondo' Raki'? Osoi kia ondo' baani manggal Raki'? Panguasa' ra ati kia ondo' makakau' manggal Raki'?

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 2:47

Kon ru raja', “Sotopot no i Aki Kapuuno' muno matulai ra gino ngai' ru dewa; Io no Tuhan ru ngaangai' raja', am nanulu' Io ra ngaangai' ondo' nakasibuni. Nakapandai aku ra baal raginio sabap ra makapambala' kou ra sinail ondo' nakasibuni no.”

DANIL 7:21

Tatanga' ra aku magilong, sangau boborok no nampapatoi ra ulun ri Aki Kapuuno' am nangala risilo.

JAKARIA 2:8

Osoi ayuk ondo' mamulunsar ramuyun, mamulunsar ra katagaman ru guang Kuno.” Ginio ra Tuhan Ondo' Maayo Kaga' Kuasa' nanusub raki' mampasaboi ra tanou ti ra bansa'-bansa' ondo' nantakou ra ulun Nano,

MATIUS 22:14

Pupusi' boo ri Jisus abig raginio, indagu Io, “Masuang piawon, kaa' kalo masuang pilion.”

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

ROMA 1:6

Akau pana ondo' soroi ra Roma piniau niayuk ri Aki Kapuuno' masauk ra ulun mangintopot ri Jisus Kristus.

ROMA 8:30

Koson niayuk risilo ondo' inaru' noyo ri Aki Kapuuno' kalalair, ilo niayuk piawon No. Ilo ondo' piniau ri Aki Kapuuno', ilo niayuk pobonsoyon saguli' poyo Riso. Ilo ondo' pinobonsoi saguli' ri Aki Kapuuno' no, ilo niayuk katulayon No.

ROMA 8:37

Kaa' ralalom ru ngaangai' baal raginio kamanangan moowot takano maayo, sabap ra motogom i Kristus ritakau.

1 KORINTUS 15:24

Mopongo raginio, masauk pamupusan ru tana' ti. Paat raginio i Kristus mamuso ra ngaangai' ondo' maningganai, ondo' manguasa' am ondo' mamarinta ra tana' ti; am kuasa' Nano galama' koson ra raja' pataakon No ri Aki Kapuuno', Ama' takau.

SAGULION 10:17

Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.

1 TIMOTIUS 6:15

Ratangan Nano aruon ri Aki Kapuuno' galama', ondo' rorondo' ayuk Mangunguasa' ru ngaangai', Matulai Io, Raja' ru ngaangai' raja' am Tuhan ru ngaangai' tuan.

2 TIMOTIUS 2:4

Sangulun saujor kalo sumiang io mambaal ra kaatangan nano galama' paat ra lakat poyo mangandoi ra saujor, sabap ra masaga' io mapabansuk ra tingganai nano.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

PINAINTALANG 11:7

Pakapambala' ilo ra tanou no, bibiag masigo ondo' mingkual intor ra intok ru ulun namagatoi no tumula' risilo. Mangala am mamatoi io risilo.

PINAINTALANG 16:14

Sotopot no, ilo ti riwato ondo' mambaal ra kaimuagan. Katalu-talu riwato no mongoi panimung ra ngaangai' raja' ru tana' ti koson mangayou paat ra Orou maayo ri Aki Kapuuno' ondo' Maayo Kaga' Kuasa'.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

PINAINTALANG 2:13

Makapandai Aku ati inayanan mino. Ioginio giu' ra panguasaan ru Tingganai ru riwato no. Nangintopot kau toojo Raki' am kalo inali' min Aku kabalu' pana i Antipas, sasi' Kuno ondo' malansanan, pinatoi ra saang min, giu' ra nanguasaan ru Tingganai ru riwato i.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.