PINAINTALANG 17:11 - Tanou Moonsoi Timugon

¹¹ Bibiag masigo ondo' galing i naayag kaa' raino kalo boo, io no raja' kabalu' ondo' sotopot no sangulun intor ra tulu' ngaulun raja' i, am io ti pusoon.

PINAINTALANG 17:11 ပူးပေါင်းရင်းမြစ်များ

PINAINTALANG 13:10

Osoi ayuk inaru' noyo rokopon, maaru' marakop. Osoi ayuk inaru' potoyon ra ilang, maaru' matoi ra ilang. Ginio sabap ra ulun ri Aki Kapuuno' musiti' tumaan ra kaimbalaan am gumagaya'.”

PINAINTALANG 13:12

Ngaangai' kuasa' ru bibiag masigo kasaa' no pinaugar no ra saang nano. Ngaangai' minayan ra tana' ti jajalin no sumamba ra bibiag masigo kasaa' no, ondo' pilat makapatoi i kaa' napali' noyo.

PINAINTALANG 13:3

Rondo' intor ra tulu' ulu no makito koson mokoondo' pilat maayo ondo' makapatoi, kaa' pilat no napali' noyo. Ngaangai' ulun ru tana' ti nangimuag ra bibiag masigo no, am baya' ilo boo riso.

PINAINTALANG 17:8

Bibiag masigo ondo' nakito muni, naayag ra galing i, kaa' raino kalo boo. Kalo boo mabuoi am mingkual io intor ra intok ru ulun namagatoi no am pusoon. Ulun-ulun ru tana' no ondo' inggalan nilo kalo tinulisan ra kitab ru Ulun Mokoowot ra Kaayagan Motopot ra kalo poyo tana' ti biningkal, makatigog ilo makakito ra bibiag masigo no. Bibiag masigo no naayag ra galing i; raino kalo boo, kaa' sumalula' io poyo saguli'.