PINAINTALANG 16:18 - Tanou Moonsoi Timugon

¹⁸ Nampaganit, nanimpalak am tana' ti muyog ra makalalaa'. Intor ra talimpuun ru ulun ti sinauk, kalo igondo' tana' ti muyog koson raginio. Gitio ayuk poyo kainsaa' ru tana' ti muyog ra makalalaa' kaga'.

PINAINTALANG 16:18 ပူးပေါင်းရင်းမြစ်များ

JISAYA 29:6

Tuhan Ondo' Maayo Kaga' Kuasa' mapalabus rirun am ra bagiu' am tana' mogonggon ondo' makalalaa'. Porotongon No bagiu' am apui ondo' masimbula'.

DANIL 12:1

Malaikat ondo' nambayang ra linon no mindagu, “Paat raginio, malaikat maayo, iono i Maikol manindung ra bansa' muno sumalula'. Bulintok raginio mokoondo' ra kapaganan ondo' maagat kaga' intor ra bansa'-bansa' soroi. Paat raginio, ngaangai' ulun intor ra bansa' muno ondo' inggalan nano tinulisan ra ralalom ru kitab ri Aki Kapuuno' bayagon.

MATIUS 24:21

Sabap ra kalaatan ru paat raginio kalo igondo' nasauk intor ra tana' ti biningkal saboi raino am kalo boo masauk saguli'.

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.

PINAINTALANG 11:19

Kaukab Baloi ri Aki Kapuuno' no giu' ra suruga' am Kaban Nabantuan i pana makito ra ralalom no. Nampaganit boo, nanimpalak, tana' ti mogonggon am riminasam ais batu ra maawas.

PINAINTALANG 4:5

Intor ra takhta no makabinusasal ru ganit am mokobolos ra tingkalur am timpalak mapuor. Am giu' ra saang no mokoondo' tulu' titiu simininda. Ginio noyo tulu' Ambiluo ri Aki Kapuuno' no.

PINAINTALANG 6:12

Kakito ku boo Anak Domba no nampalungkab ra segel koonom no. Ginio ra mogonggon boo tana' ti ra makalalaa' am mato ru orou liminitom koson ra konoon maitom am bulan liminia' koson ra raraa'.

PINAINTALANG 8:5

Kopongo raginio alapo' boo ru malaikat no pambulian ra kaminyan no; suangi' no ra baa ru apui ondo' inalap intor ra panalaban no am papatiro' no ra tana' ti. Am mokoondo' boo bolos ru timpalak, nabaya' ra ganit am tana' ti mogonggon.