PINAINTALANG 16:11 - Tanou Moonsoi Timugon

¹¹ Intor raginio magugulas ilo boo ri Aki Kapuuno' ondo' mayan ra suruga' sabap ra maruol am talipos nilono. Kaa' kalo tumalikur ilo intor ra baal malaat nilono.

PINAINTALANG 16:11 ပူးပေါင်းရင်းမြစ်များ

2 TUNUNG RU BANSA' ISRAIL 28:22

Ralalom ru baal ondo' mapagon kaga' no, Raja' Agas giminaai piboo makatula ra Tuhan.

2 TUNUNG RU BANSA' ISRAIL 36:23

“Gitio noyo ragu ru Raja' Koris, raja' ru Pirsia. Tuhan, i Aki Kapuuno' panguasa' giu' ra suruga', nampasauk raki' ra raja' ru titikop ru tana' ti. Nangani' Io raki' ra kandoi koson mambaal rondo' baloi Riso giu' ra Jirusalim, giu' ra wilayah ru Jiuda. Ginio ra, akau ngaangai' ondo' nasauk ra ulun ri Aki Kapuuno' musiti' sumaguli' ra giu'. Gama' ru Tuhan, i Aki Kapuuno' min mabaya' ramuyun.”

IJRA 1:2

“Koon ragitio susuban ru Raja' Koris, raja' ru Pirsia: Tuhan, i Aki Kapuuno' panguasa' giu' ra suruga', nampasauk noyo raki' ra raja' ru titikop ru tana' ti. Nangani' Io raki' ra kandoi koson mambaal ra Baloi tayar Nano giu' ra Jirusalim, giu' ra pagun ru Jiuda.

IJRA 6:10

Ngaangai' ti musiti' paugaron maa' raginio makapampataak ilo ra taak simbalui ondo' iniou ri Aki Kapuuno' panguasa' giu' ra suruga', am maa' raginio makiasi' ilo Riso koson makibarakat ra tayar kuno am anak-anak ungkuyon kuno.

IJRA 7:12

“Intor ra Raja' Artasasta posoboyon ra Imam Ijra, ondo' mapandai kaga' ra Ukum ri Aki Kapuuno' panguasa' giu' ra suruga'.

IJRA 7:21

“Manusub aku maa' raginio atan ayuk ondo' kinitaak ru Imam Ijra, ondo' mapandai kaga' ra Ukum ri Aki Kapuuno' panguasa' giu' ra suruga', musiti' pataakin ra mataki' ru ngaangai' pagawai kausinan giu' ra wilayah Iprat Kalasaan.

IJRA 7:23

Ilalain ra mampaugar ra ngaangai' ondo' musiti' pinabaalan ri Aki Kapuuno' giu' ra suruga' ra tayar ru Baloi Nano, maa' raginio kalo sumangit Io raki' kapoam ra ulun ondo' mamarinta malupus aku.

NIGIMIA 1:4

Pokorongog aku ra ngaangai' no, panturung aku am pantangi'. Kukula' ngoorou buoi ra aku nanulaboi am kalo nangakan ra atan pana. Pakiasi' aku ri Aki Kapuuno',

NIGIMIA 2:4

Pangkuot raja', “Amon ru ginio poyo, atan kia gogoton muno?” Ralalom ru guang kuno makiasi' ri Aki Kapuuno' mangunguasa' giu' ra suruga',

MAZMUR 136:26

Paringkuanang no ri Aki Kapuuno' mangunguasa' ra suruga'; togom Nano mantilayun.

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

JUNUS 1:9

Taam i Junus, “Ulun aku ru Ibrani. Sumamba aku ra Tuhan, i Aki Kapuuno' giu' ra suruga', ondo' nambaal ra raat am lantur.”

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.

PINAINTALANG 16:2

Ugar malaikat kasaa' no am pasasaro' no suang ru sangkir nano ra tana' ti. Salula' boo talipos ondo' makalalaa' am maruol kaga' ra inan ru ngaangai' ulun ondo' tinatanduan ra saap ru bibiag masigo no am ilo ondo' siminamba ra sinungkalalaing nano.

PINAINTALANG 16:21

Intor ra limbowon no riminatu' ra ulun rasam batu ra maayo ondo' rorondo' makabagat limo ngoopor ngakilo no. Ginio boo ra magulas ilo ri Aki Kapuuno' sabap ra baal ru rasam batu no makalalaa'.

PINAINTALANG 16:9

Maumpo ulun ra kinalasu' no am magulas ilo ra inggalan ri Aki Kapuuno', ondo' manguasa' ra ngaangai' karaat. Kaa' ilo ti kalo tumalikur intor ra tula nilo am kalo masaga' mongompor ra kuasa' ri Aki Kapuuno'.

PINAINTALANG 2:21

Nangani' Aku noyo riso ra kaluagan tumalikur intor ra tula nano, kaa' marara' io tumalikur intor ra pansasawaan nano.