PINAINTALANG 15:1 - Tanou Moonsoi Timugon

¹ Giu' ra limbowon no makito ku boo rondo' poyo tatandu' ondo' makaimuag am maayo. Mokoondo' tulu' malaikat nabaya' ra tulu' sauk malaat ra pupus. Gitio noyo pamupusan ri Aki Kapuuno' mapaingkual ra sangit am ukum Nano.

PINAINTALANG 15:1 ပူးပေါင်းရင်းမြစ်များ

DANIL 6:27

Manusub aku maa' raginio ngaangai' ulun ra titikop ru pamarintaan kuno mangurumat am malaa' ri Aki Kapuuno' ondo' sambaan ri Danil. Io noyo i Aki Kapuuno' ondo' naayag, Io mamarinta ra sabuoi-buoi no. Pamarintaan Nano totopot kalo mapuso, am kuasa' Nano kolondo' pupus.

IMAMAT 26:21

Amon ru lakat kau niayuk manggal Raki' am kalo gumagaya' Raki', ruangin Ku ukuman no intulu' ruli' poyo.

PINAINTALANG 10:3

Golok io ra bolos mosongou, koson ra kukula' ngainan singa' nansangal. Pokopompogolok io, taam tulu' timpalak no ra mapuor.

PINAINTALANG 11:14

Sauk malaat karuo nakasail noyo. Kaa' ilai' min! Sauk malaat katalu no sumunu' noyo.

PINAINTALANG 14:10

Ginio pinawar No noyo ra sangkir ru sangit Nano am sanganu pana kalo tigowon No! Ngaangai' ondo' manginum no imboloon ralalom ru apui am balirang giu' ra saang ru malaikat-malaikat mapasau no am ra Anak Domba no.

PINAINTALANG 14:19

Patantabo' boo ru malaikat no tantab nano ra tana' am katantab boo kawa' ru anggur no. Kawa' ru anggur no pinatiran no ra intok pamagaan ru anggur ondo' maayo, ioginio sangit am ukum ri Aki Kapuuno'.

PINAINTALANG 16:1

Pokorongog aku boo ra bolos mosongou intor ra Baloi Tuhan minindagu ra tulu' malaikat no, “Ugar no am pasasaro' suang ru sangkir ru sangit am ukum ri Aki Kapuuno' no ra tana'!”

PINAINTALANG 17:1

Kopongo raginio, sangulun intor ra katulu' malaikat no ondo' nampaguut ra tulu' sangkir no, uma' raki' am indagu, “Ibok, tuluin tokou ati koson ruandu' mantatalan ra inan ondo' kauligan kaga' no ukumin. Ioginio, bandar maayo no ondo' binaal mamaar ra sungoi ondo' masuang kaga'.

PINAINTALANG 19:15

Intor ra kabang Nano miningkual rondo' ilang malarom ondo' mampakaala ra bansa'-bansa'. Parintaan No ilo ra kalo makaasi' mogondo' ra kawa' ru anggur kikinjangin ra intok pamagaan, ioginio sangit am ukum ri Aki Kapuuno' Maayo Kaga' Kuasa'.

PINAINTALANG 21:9

Rondo' intor ra katulu' malaikat no ondo' nampaguut ra tulu' sangkir makasuang ra tulu' kapaganan malaat ra pupus no, ratong raki' am indagu, “Ibok. Tuluin tokou ra ruandu' uoton no, ioginio andu' ru Anak Domba.”

PINAINTALANG 8:13

Kakito am korongog ku boo sanginan kanui nansiab ra masawat, kono, “Aibui boo ngaangai' ulun ru tana' ti paat ra morongog nilo bolos ru bujung ondo' samputin ru talu malaikat ra bokon ra maagu no.”

PINAINTALANG 8:2

Kakito ku boo katulu'-tulu' malaikat ondo' minigor ra saang ri Aki Kapuuno' no am inanian ilo sigagama' ra bujung.

PINAINTALANG 8:6

Tulu' malaikat no pana ondo' nampaguut ra tulu' bujung no nakatampos noyo manamput ra bujung.

PINAINTALANG 9:20

Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.