PINAINTALANG 14:6 - Tanou Moonsoi Timugon

⁶ Kakito ku boo rondo' malaikat ra bokon mansiab ra masawat. Malaikat no nagibit ra Tanou Moonsoi ondo' mantilayun koson pabalaan ra ulun ru tana' ti, ioginio ra moonong papag, ragu, bansa' am pagun.

PINAINTALANG 14:6 ပူးပေါင်းရင်းမြစ်များ

KASAUKAN 1:6

Indagu boo i Aki Kapuuno', “Kasauk noyo pambakuran koson mapasuai ra timug ra ruo intok.” Baal raginio pana nasauk. Ginio noyo i Aki Kapuuno' napasauk ra pambakuran koson napatayar ra timug ondo' mokoondo' ra ragana' ru pambakuran intor ra timug ondo' mokoondo' ra rasawat no.

2 SAMUIL 23:5

Koon raginio noyo i Aki Kapuuno' mambarakat ra papag kuno, sabap ra Io nambaal ra nabantuan ondo' mantilayun raki', nabantuan ondo' kalo masulang, bantu' ondo' kalo makulau. Ginio noyo guangon ayuk ru guang kuno; ginio noyo ondo' masauk ra kamanangan kuno, am maaru' i Aki Kapuuno' manugut raginio.

MAZMUR 119:142

Katimpakan Muno mantilayun ra sabuoi-buoi no, am Ukum Muno motopot.

MAZMUR 139:24

Pangundasa' no ra guang kuno ru mokoondo' kia kalaatan ru inan kuno, am kitango' aku ra ralan mantilayun.

MAZMUR 145:13

Pamarintaan Muno mantilayun, am Okou noyo raja' ra sabuoi-buoi no. Tuhan mampagagaya' ra ulun Nano am manugut ra bantu' Nano; makaasi' Io ra atan ayuk pana baalon Nano.

JISAYA 40:8

Sakot masauk kumolop am bunga' pana lumonot, kaa' ragu ri Aki kapuuno' takau mantilayun ra sabuoi-buoi no.”

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JISAYA 51:6

Tingaano' noyo limbowon am indukui' noyo tana'; limbowon lumiot koson ra lisun am tana' maapu' koson ra bayang lairon, ngaangai' namagun no matoi koson ra namuk. Kaa' pamayagan ra pinataak Kuno mantilayun ra sabuoi-buoi no, am namanangan Kuno marayus-rayus.

JISAYA 51:8

Mapuso ilo am matatak, koson ra konoon inakan ru kilau am konoon bulu kambing inakan ru anai. Kaa' pamayagan ra pinataak Kuno mantilayun ra sabuoi-buoi no, namanangan Kuno saboi ra papag am papag.”

JISAYA 6:2

Ilo ondo' maayag ondo' masimbula' koson ra apui minigor ra libung Nano: moonong ilo mokoondo' onom kawo. Moonong ilo no ruo kawo pakayon no koson pananaub ra bulos, ruo kawo poyo pananaub ra inan, am ruo poyo pakayon mansiab,

YEHEZKIEL 1:14

Ilo ondo' maayag no mansiab ra giu' am giti maribok koson ra ganit.

DANIL 4:1

Nangator Raja' Nibukadnijar ra papatanawan ragitio ra ulun intor ra ngaangai' bansa' am ragu ra titikop ru tana' ti: “Kaansayan!

DANIL 9:21

Liliwa' aku makiasi', i Gabriil ondo' nakito kuno ralalom ru pinaintalang kuno ondo' ragili, nansiab minongoi raki'. Paat raginio noyo inaru' koson mampataak ra taak simbalui ra mamai' ti.

MATIUS 10:27

Atan ondo' rinagu Kuno ramuyun ra molondom, musiti' no raguon min poyo sagulio' ra orou matawang. Atan ondo' norongog min ra kinonos ayuk, pabalaa' min noyo ra ati-ati ayuk.

MARKUS 16:15

Indagu Io risilo, “Ugar kano ra titikop ru tana' ti, balai' min moonong ulun ra Tanou Moonsoi.

ROMA 16:25

Omporo' noyo i Aki Kapuuno'! Makakuasa' Io mampaikang ra pangintapatan mino sumugut ra Tanou Moonsoi intor ri Jisus Kristus ondo' pinabala' kuno ramuyun. Ginio potonowon kuno sumugut ra ondo' pinaintalang noyo ri Aki Kapuuno' raki', ioginio katapatan ondo' kalo igondo' pinabala' intor ra galing i.

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

2 TISALONIKA 2:16

Gama' ru Tuhan takau, i Jisus Kristus galama', am i Aki Kapuuno', Ama' takau, ondo' nonogom ritakau am ondo' ralalom ru kataawan Nano nangani' ritakau ra guang mataan am ra kalansanan moonsoi,

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

1 PITRUS 1:25

kaa' bala' ru Tuhan kalo makulau am mantilayun.” Bala' ragitio noyo Tanou Moonsoi ondo' pinasaboi mai ramuyun.

PINAINTALANG 10:11

Binalaan aku poyo, “Pabalaa' noyo saguli' tanou intor ri Aki Kapuuno' ti ra ngaangai' pagun, bansa', ragu am raja'.”

PINAINTALANG 10:7

Paat ra malaikat katulu' no manamput ra bujung, pasaukon ri Aki Kapuuno' inatangan ondo' sinibuni Nano, ondo' pinabala' noyo ra galing i ra nabi-nabi, ioginio ulipon-ulipon Nano.”

PINAINTALANG 13:7

Iowon io mantula' ra ulun ri Aki Kapuuno' am niayuk mangala risilo. Am inanian io ra kuasa' mamarinta ra ngaangai' papag, ragu, bansa' am pagun.

PINAINTALANG 3:10

Sabap ra kaimbalaan, bagu alungin takamin ra kapaganan maayo ondo' matong mangkinam ra ngaangai' ulun ru tana' ti.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.

PINAINTALANG 8:13

Kakito am korongog ku boo sanginan kanui nansiab ra masawat, kono, “Aibui boo ngaangai' ulun ru tana' ti paat ra morongog nilo bolos ru bujung ondo' samputin ru talu malaikat ra bokon ra maagu no.”