PINAINTALANG 14:5 - Tanou Moonsoi Timugon

⁵ Ilo ti kalo igondo' pagabau am kolondo' sala.

PINAINTALANG 14:5 ပူးပေါင်းရင်းမြစ်များ

MAZMUR 32:2

Pakaansuk noyo ulun ondo' kalo inuwan ru Tuhan sabap ra kalaatan nilono, am ondo' kalo masaga' mamparuung.

MAZMUR 34:13

Masaga' kau kia sumia' ra bayag? Masaga' kau kia makaumur ra maawar am bayag ra maansukan?

MAZMUR 55:11

Orou rondom lumiput ilo ra bandar, mambaal ra kalaatan am pagagabuan.

AMSAL 8:8

Ngaangai' ondo' raguon kuno motopot, kolondo' rondo' pana mampalayau kapoam nasala.

RIMBAI PANGAMPARAN 4:7

Mapara' piboo kinantalur muno, alii ra kalumpusan kuno, kolondo' pipilat muno.

JISAYA 53:9

Linobong io pinabaya' ra ulun malaat; Lobong nano nakaunor ra ulun langkaya', kabalu' pana kalo igondo' io pambaal ra kalaatan, am kalo igondo' pamparuung.”

DANIL 6:4

Makito boo ra kandoi ri Danil moonsoi poyo intor ra ulun magalung kapoam gabenor ra bokon no. Sabap ra maturasik kaga' i Danil, moogot raja' mampasauk riso ra panguasa' ru titikop pamarintaan.

GOSIA 10:2

Guang nilo natikop ra ruung am raino ilo musiti' maimbolo' kinibit ru tula nilo. Lunsayon ri Aki Kapuuno' altar-altar nilo am mampagaba' ra batu-batu sambaan nilo.

JIPANYA 3:13

Ulun ru Israil ondo' maayag kalo lumaat ra osoi pana; kalo magabau ilo am kalo mamparuung. Lumangkaya' ilo am makakaansayan; kalo malaa' ilo ra osoi pana.”

MALIAKI 2:6

Mangila' ilo ra atan ondo' motopot am sala' ka ondo' sala. Lumampit ilo Raki'; sala' ka ayuk mambaal ilo ra kasagaan Kuno, kaa' ilo niayuk mangindangan ra masuang ulun maa' raginio lumonggo' mambaal ra malaat.

MATIUS 12:34

Akau ulun malaat. Ginio poyo, ati kulaan kau makaindagu ra baal ondo' moonsoi? Sabap ra atan ondo' soroi ralalom ru guang, ginio noyo raguon ru kabang.

LUKAS 23:4

Indagu i Pilatus ra tingganai imam Jaudi am ulun masuang no, “Kolondo' sala ru ulun ti naalap ku koson mangukum Riso.”

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

IPISUS 5:27

Koson raginio noyo, ralalom pagilangan ri Kristus, ilo moonsoi, mapasau am niayuk matanda', am kolondo' boo malaat risilo.

KOLOSI 1:22

Kaa' raino, ralalom pinatayan ru Anak Nano, i Aki Kapuuno' nopobonsoi ramuyun saguli' Riso. Ginio noyo ralan ra akau maapu No koson ra ulun ondo' mapasau guang, kolondo' kasalaan am ondo' motopot.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

1 PITRUS 1:19

kaa' ondo' mologo toojo no, ioginio raraa' ri Kristus. Io sinauk ra rondo' taak, mogondo' ra anak domba simbaluyon ondo' kolondo' noyo kalaatan kapoam sala.

1 PITRUS 2:22

Kalo noyo igondo' Io makatula am kolondo' sangulun pana nakaili' nokorongog ra magabau Io.

1 PITRUS 3:10

Koson tinulisan ra Buuk Kitab; “Osoi ayuk masaga' ra kaansayan am maguyum ayuk ra katasuan ra orou-koorou, moonsoi ru palanggain kabang nano ra kalo mindagu ra malaat am poyo abau.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,