PINAINTALANG 14:2 - Tanou Moonsoi Timugon

² Giu' boo ra limbowon korongog ku bolos koson ra kinapuor ru bosoi maayo am koson ra timpalak mapuor. Bolos nano morongog koson ra bolos ru jitor paat ra kulion.

PINAINTALANG 14:2 ပူးပေါင်းရင်းမြစ်များ

2 SAMUIL 6:5

Raja' Daut am ngaangai' ulun ru Israil minugar ra saang ru Kaban Nabantuan liliwa' lumigo' am marimbai ra nakai' ikang nilo koson mangurumat ra Tuhan. Nangkuli ilo ra jitor, gambus, rabana, kilintung am simbal.

2 TUNUNG RU BANSA' ISRAIL 20:28

Paat ra ilo nakasaboi giu' ra bandar, minongoi ilo ra Baloi ru Tuhan, am sinumbaya' ra jitor am bujung.

MAZMUR 147:7

Rimbayi' min Tuhan no ra rimbai pangamparan, am kayusi' min i Aki Kapuuno' takano ra jitor.

MAZMUR 149:3

Omporo' noyo inggalan Nano ralalom ru ligo'; omporo' noyo inggalan Nano ondo' kayusin ra jitor am asasin ra tamburing.

MAZMUR 33:2

Paringkuanang kano ra Tuhan no sumbayaan ra jitor, paririmbai kano ondo' sumbayaan ru jitor.

MAZMUR 43:4

Aku pana mongoi ra altar Muno, iou Aki Kapuuno', sabap ra Okou noyo puun ru kaansukan kuno; marimbai aku am mangkayus ra jitor, koson mongompor Rirun, iou Aki Kapuuno', i Aki Kapuuno' kuno!

MAZMUR 57:8

Iou Aki Kapuuno', mintopot aku toojo Rirun, rimbayin am omporon Tokou!

MAZMUR 92:3

mapabala' ra togom Muno ra moonong susuab ti, am gagaya' Muno ra moonong rondom ti,

MAZMUR 93:4

Kaa' Tuhan noyo maayo kaga' kuasa' ra suruga', matulai poyo ka kinulun ru raat, am maikang poyo ka kinulun ru raat.

MAZMUR 98:5

Rimbayi' noyo Tuhan ra pangamparan, ondo' sumbayaan ru jitor.

KAINGKUALAN 19:16

Paat ra orou ra katalu, ra iosusuab, makatimpalak am makaganit ra rasawat ru gunung. Makito gaun makapal ra giu' no, am maining bolos ru bujung ondo' mosongou kaga'. Moonong ulun ra pangkiman no nonontol ra malaa'.

KAINGKUALAN 20:18

Pakaining ulun ru Israil ra bolos ru tingkalur am bujung, am niayuk nakakito ra ganit am gunung makalisun, nonontol ilo nangalaa' am mininggalur intor ra giu' no.

JISAYA 17:13

Bansa'-bansa' jumalai koson ra kinulun maayo, kaa' i Aki Kapuuno' nongompong risilo, am nagiru' ilo mininggalur. Inanjung ilo koson ra apol giu' ra pipilon ru bulur ondo' masiob ru angin, am koson ra kaau ondo' masiob ru bagiu'.

YEHEZKIEL 43:2

Giu' no nakakito aku ra sinda manguliat minatong intor ra sirangon, ondo' tatandu' ratangan ri Aki Kapuuno' ru Israil. Bolos ri Aki Kapuuno' matangil koson ra ngoos ru kinulun ru raat, am tana' ti matawang sabap ra sinda ru ratangan ri Aki Kapuuno'.

JAKARIA 9:14

Mintalang Tuhan ra ulun Nano; palabuson no anak panah koson ra ganit. Tuhan Raja' manamput ra tarumpit koson ra tatandu' mapaugar ra pamulunsaran, jumalai Io intor ra rabugus giu' ra tatanga' ru bagiu'.

1 KORINTUS 13:1

Kabalu' pana mapandai aku mindagu ra nansalinut ragu ru ulun, am niayuk ragu ru malaikat, kaa' amon kalo motogom aku ra ulun bokon, ragu kuno nogondo' ayuk ra bolos ru agung kapoam lunsing ondo' makausoso.

PINAINTALANG 1:10

Paat ra orou sumambayang ra Tuhan, Ambiluo ri Aki Kapuuno' nanguasa' raki'. Pokorongog aku boo ra rondo' bolos ondo' mosongou kaga', koson ra bolos ru bujung ra bakulung kuni.

PINAINTALANG 1:15

Kalayam Nano makabinusasal koson ra gangsa' manguliat ra Io luuon am bolos Nano koson ra kinapuor ru bosoi maayo.

PINAINTALANG 11:12

Korongog boo ru karuo ngaulun nabi no bolos mapuor intor ra suruga' minindagu risilo, “Ibok no, pagaloi ragiti!” Liliwa' pantula' nilono magilong, kulumputo' ruo ngaulun nabi no ru gaun mongoi ra suruga'.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 15:2

Kopongo raginio, kakito ku poyo rondo' baal koson ra raat asilan naratok ra apui. Nakito ku niayuk ilo ondo' nangala ra bibiag masigo, sinungkalalaing nano am ra ulun ondo' inggalan nano tinatanduan ra numbur. Minigor ilo ra kiing ru raat asilan liliwa' nampaguut ra jitor ondo' pinataak ri Aki Kapuuno' risilo.

PINAINTALANG 18:22

Bolos ru jitor, rimbai, tulali am bujung kalo boo rongogon ra intok no. Kolondo' boo sangulun mangandoi ra giu' no am bolos ru batu kinsaran pana kalo boo rongogon.

PINAINTALANG 5:8

Paat raginio niayuk apat ilo ondo' maayag no am ruo ngoopor am apat ngaulun tingganai no igulatur ra saang ru Anak Domba no. Moonong tingganai no nampaguut ra rondo' jitor am rondo' sangkir mas ondo' makasuang ra kaminyan, ioginio pakiasian ru ulun ri Aki Kapuuno'.

PINAINTALANG 6:1

Kakito ku boo Anak Domba no namalungkab ra segel kasaa' intor ra tulu' segel no. Korongog ku boo sangulun intor ra kaapat ilo ondo' maayag no, ondo' bolos nano koson ra timpalak, minindagu, “Ibok!”

PINAINTALANG 8:7

Malaikat kasaa' no nanamput ra bujung nano. Ratu' boo ais batu am apui nararatok ra raraa' ra tana' ti, koson ra rasam maawas. Sampitalu ru tana' ti, tataun am ngaangai' makaraun masansam nongosolob.