PINAINTALANG 14:14 - Tanou Moonsoi Timugon

¹⁴ Aku pana nagilong am makakito ra gaun mapulak am mokoondo' ondo' nanturung rasawat ru gaun no makito koson ra ulun. Nangkaraun Io ra karaun mas am nampaguut Io ra tantab malarom.

PINAINTALANG 14:14 ပူးပေါင်းရင်းမြစ်များ

MAZMUR 21:3

Sinugut Mu atan ondo' gogoton nano; iniou Mu atan ondo' kinitaak nali.

MAZMUR 97:2

Linibungan Io ru gaun am kalandaman; namarintaan Nano sumugut ra ukum am katimpakan.

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

YEHEZKIEL 1:26

Giu' ra tampak ru bakuran no poyo mokoondo' rondo' ondo' maimpal koson ra kurisi' turungan ondo' binaal intor ra batu nilam. Rondo' ondo' koson ra ulun manturung giu' ra rasawat ru kurisi' turungan no.

DANIL 7:13

Ralalom ru pinaintalang raki' paat rondom raginio, nakito ku rondo' koson ra ulun. Minatong io linibungan ru gaun, am mininggaar Riso ondo' maayag ra mantilayun, am pinauma' Riso.

MATIUS 13:30

Polosoon ayuk alab no tumuu' saboi mangkumos. Aku pana mindagu boo ra ulun-ulun ondo' mangkumos no: Bubulo' min galing alab no am bongkoso' min, am pasuboon boo ra apui. Mopongo raginio bagu luluro' min gandum am paulion ra gudang.’ ”

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MARKUS 4:29

Paat ra kawa' nano maansak, indibakin tantabo' ru ulun no, sabap ra nasuku' noyo pangkumasan.”

LUKAS 21:27

Bagu no makito Anak ru Ulun matong ra gaun nabaya' ra kuasa' am katulayan maayo Nano.

IBRANI 2:9

Kaa' makito takau i Jisus, ondo' pinainggana' kuasa' Nano intor ra kuasa' ru malaikat ra kukula' ayuk buoi. Maa' boo raginio ralalom ru kataawan ri Aki Kapuuno' matoi Io ra kaatangan ru ngaangai' ulun. Raino makatutun takau ra Io inanian ra kuasa' am urumat sabap ra naimbolo' Io noyo saboi minatoi.

PINAINTALANG 1:13

Tatanga' no mokoondo' minigor koson ra ulun. Nambayang Io ra sukub maawar polos ra kalayam am kubab Nano inangkupan ra mas.

PINAINTALANG 1:7

Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.

PINAINTALANG 10:1

Kakito ku boo rondo' poyo malaikat maikang tumuun intor ra suruga'. Kinulumput io ru gaun no am liminiput bulintung no ra ulu nano. Bulos nano makabinusasal koson ra mato ru orou am kalayam nano koson ra sinimbula' ru apui.

PINAINTALANG 11:17

Konilo, “O Tuhan, i Aki Kapuuno' Maayo Kaga' Kuasa', ondo' raino am galing i pana soroi! Maringkuanang akai Rirun sabap ra nampaintalang Kono ra kuasa' maayo Muno, am tumalimpuun noyo mamarinta!

PINAINTALANG 19:12

Mato Nano mapaang koson ra apui am nangkaraun Io ra masuang karaun. Tinulisan Io ra rondo' inggalan ondo' Io galama' ayuk nakapandai ra arati' no.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

PINAINTALANG 6:2

Ilai' ku boo sanginan kuda mapulak am ondo' siminakoi no nampaguut ra panah am io ti inanian ra rondo' karaun. Minugar io koson ra sangulun ondo' nangala noyo ra pantula' nano.