PINAINTALANG 14:11 - Tanou Moonsoi Timugon

¹¹ Mantilayun buun ru lisun ru apui ondo' mangimbolo' ra ulun-ulun no. Ilo ondo' sumamba ra bibiag masigo no am sinungkalalaing nano, am ondo' tinatatanduan ra inggalan ru bibiag masigo no, imboloon ilo orou-rondom ra kalo lalanggain!”

PINAINTALANG 14:11 ပူးပေါင်းရင်းမြစ်များ

KASAUKAN 19:28

Impalo' no tampilon ra bandar Sodom am Gomora am niayuk titikop ru limayak no. Makito no binuun ru lisun intor ra tana' no koson ra lisun intor ra rapuan maayo kaga'.

MAZMUR 10:16

Tuhan raja' ra mantilayun, am ulun ondo' kalo makaulig Riso mapuso io intor ra pagun Nano.

MAZMUR 145:1

Rimbai pangamparan ri Daut. Anggakon Tokou, iou Aki Kapuuno' am Raja' kuno; am mongompor aku Rirun ra sabuoi-buoi no.

KAINGKUALAN 15:18

Okou, iou Tuhan masauk ra raja' ra sabuoi-buoi no.”

JISAYA 33:14

Namagun ra Sion ondo' makatula monontol malaa'. Konilo, “Ukuman intor ri Aki Kapuuno' koson ra apui ondo' monolob ra sabuoi-buoi no. Mokoondo' kia osoi mabayag intor ra apui no?”

JISAYA 34:10

Orou rondom simbula' ru apui no kalo malasa' am lisun no mambuun ra sabuoi-buoi no. Pagun no pinoloso tinatang ra naliung-liung am mapua' saboi ra papag ka papag, am kolondo' sangulun pana mansail riso.

JISAYA 34:8

Ginio noyo bulintok no Tuhan mamayag ra Sion am mansuli' ra pantula'-pantula' ru Sion.

JISAYA 57:20

Kaa' ulun malaat koson ra raat ondo' makakinulun am kalo igondo' kaliuk; aug no magibit ra ginsamol am losok.

DANIL 3:6

Osoi ayuk ondo' kalo migulatur am sumamba riso indibakin papatiron ra ralalom ru rapuan ondo' bibilak.”

JOIL 2:30

“Mangani' Aku ra tatandu' ra orou raginio, giu' ra limbowon am ra tana' ti; mokoondo' malayak ra raraa', apui am lisun ra makapal.

MATIUS 11:28

“Ratong kano Raki' akau ngaangai' ondo' naagui sabap ra naagatan; patanguson takamin.

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MATIUS 25:46

Akau ti ukumin ra ukum mantilayun, kaa' ulun motopot mokoowot ra kaayagan mantilayun.”

SAGULION 28:65

Ra gino ngai' ru bansa'-bansa', kalo makaalap kau ra kamiaan am kolondo' intok ondo' maalap min kasabit ra akau tatangan; Tuhan mangkinibit ramuyun magalabo, malawo guang am malaa'.

IBRANI 1:8

Kaa' intor ra Anak no mindagu Io koson ragitio, “Takhta Muno, i Aki Kapuuno', mantilayun ra sabuoi-buoi no. Am Okou mamarinta ra ulun Muno mabaya' ra katimpakan.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 13:12

Ngaangai' kuasa' ru bibiag masigo kasaa' no pinaugar no ra saang nano. Ngaangai' minayan ra tana' ti jajalin no sumamba ra bibiag masigo kasaa' no, ondo' pilat makapatoi i kaa' napali' noyo.

PINAINTALANG 13:15

Bibiag masigo karuo no inanian ra kuasa' mamayag ra sinungkalalaing no, saboi sinungkalalaing no makaindagu am makapamatoi ra ngaangai' ondo' kalo masaga' sumamba riso.

PINAINTALANG 13:17

Kolondo' sangulun pana makapambali kapoam makapantalan amon ru kolondo' ilo ra tatandu' ti, ioginio inggalan ru bibiag masigo no galama' kapoam numbur ondo' magabig ra inggalan nano.

PINAINTALANG 14:9

Kopongo malaikat karuo no sunu' malaikat katalu ondo' minindagu ra bolos mosongou, “Osoi ayuk sumamba ra bibiag masigo no mabaya' ra sinungkalalaing nano am tinatanduan ra rabas kapoam kalindu' nano; ilo no ukumin toojo ri Aki Kapuuno' – mogondo' ra ulun jajalin gauko' ra wain mabisa'.

PINAINTALANG 18:18

Paat ra nakito nilo lisun ru apui ondo' monolob ra bandar no, golok ilo, konilo, “Kolondo' bandar ra bokon koson ra bandar ondo' maayo ti!”

PINAINTALANG 18:9

Raja'-raja' ru tana' ondo' nansasawa' am liminangkaya' intor risilo, mantatangi' ilo ra bandar no paat makito nilo lisun ru apui ondo' mangumpo no.

PINAINTALANG 19:3

Ginio ra golok poyo ulun masuang no, “Koompor noyo i Aki Kapuuno'. Lisun ru apui ondo' nangumpo ra bandar no bubuun ra mantilayun.”

PINAINTALANG 20:10

Tingganai ru riwato boo ondo' namparuung risilo no pinatiran ra tasik ru apui ondo' naratok ra balirang mapaang. Gili, gitio noyo namatiran ra bibiag masigo am migiangku ra nabi no am imboloon ilo orou-rondom ra sabuoi-buoi no.

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.

PINAINTALANG 7:12

konilo, “Amin! Koompor noyo kapintaran, paringkuanangan, urumat, kuasa' am ikang Muno, i Aki Kapuuno' takau ra sabuoi-buoi no! Amin!”