PINAINTALANG 14:10 - Tanou Moonsoi Timugon

¹⁰ Ginio pinawar No noyo ra sangkir ru sangit Nano am sanganu pana kalo tigowon No! Ngaangai' ondo' manginum no imboloon ralalom ru apui am balirang giu' ra saang ru malaikat-malaikat mapasau no am ra Anak Domba no.

PINAINTALANG 14:10 ပူးပေါင်းရင်းမြစ်များ

KASAUKAN 19:24

Pulalii' ru Tuhan napatuun ra rasam makabalirang ondo' makaapui ra bandar Sodom am Gomora.

AYUP 18:15

Raino osoi pana makaayan ra ralalom ru kim nilo, mopongo taukin ra bilirang koson mangiru' ra maruol!

AYUP 21:20

Polosoon noyo ulun ondo' makasala mansaan ra ukuman nilo; polosoon noyo ilo makaliman ra sangit ru Io Ondo' Maayo Kaga' Kuasa'.

MAZMUR 11:6

Ulun malaat ukumin No ra lumaag, mabaya' ra baa makasimbula', bilirang am angin ra makaumpo.

MAZMUR 37:34

Lansan noyo ra Tuhan am gagayaa' noyo panusuban Nano; pataakon No pagun ti rirun koson mangurumat rirun, am makito mu ulun malaat inggalarin.

MAZMUR 52:6

Masaga' kou mapakaruol ra guang ru ulun ra ragu-ragu. Okou mamparuung!

MAZMUR 60:3

Iou Aki Kapuuno', inimpayan Mu akai am kinala Mu akai; siminangit Kou kaga' ramon, kaa' raino saguli' no ramon!

MAZMUR 73:10

saboi ulun ri Aki Kapuuno' pana mangkirongog risilo am mangintopot ra atan ondo' rinagu nilo.

MAZMUR 75:8

i Aki Kapuuno' noyo galama' masauk ra akim, mokoondo' inukum am mokoondo' pinalabus.

MAZMUR 91:8

Pulolowon mu libung muno am makito mu ulun malaat ukumin.

JISAYA 29:9

Simbaalo' paliso muno koson ra sasambungon am bolou! Migagauk kou kaa' kalo nanginum kou ra wain. Ugar noyo kasumpil-kasumpil, kaa' kalo nanginum kou ra wain!

JISAYA 30:33

Intor poyo ra galing i tinampos noyo apui ra maayo koson monolob ra raja' ru Asyur. Intok no malandom am mapila' am niayuk makasuang ra luton ondo' pariuntur. Tuhan monolob ra luton no mamakai ra angin ru paminawo Nano.

JISAYA 34:9

Sungoi-sungoi giu' ra Idom makulau masauk ra tiir am tana' no masauk ra bilirang. Titikop ru pagun no mosolob koson ra tiir.

JISAYA 51:17

Luat noyo, okou Jirusalim, luat noyo! Ukuman ondo' pinatasan ru Tuhan sabap ra sangit Nano nailian mu noyo saboi nalupus.

JIRIMIA 25:27

Tuhan pana mindagu boo raki', “Balai' ngaangai' ulun no ra Aku, Tuhan Ondo' Maayo Kaga' Kuasa', i Aki Kapuuno' ru Israil, nanusub risilo manginum suku' magauk am mampalua'. Maratu' ilo am kalo boo makatirong saguli' sabap ra pangayawan ondo' porotongon Kuno risilo.

JIRIMIA 49:12

Ulun ondo' sotopot no kalo ukumin pana natiu' ra ukuman. Indoson min kia ra makalabus kau intor ra ukuman? Maaru' ukumin kau!

JIRIMIA 51:57

Mangkinibit Aku ra panguasa'-panguasa' mangagauk – ulun nano ondo' mapintar, tingganai-tingganai nano am saujor-saujor nano. Mombolong ilo am kalo boo tumirong-tirong. Aku, Raja' nakaindagu noyo; Aku noyo Tuhan Ondo' Maayo Kaga' Kuasa'.

SULABOI 4:21

Pakakurit no, akau mamagun ru Idom am Us, pakaansuk no, buoi ra akau lakat poyo pakuriton. Akau pana lumpaan ru karaat, am magibaang sabap nagauk kau.

YEHEZKIEL 20:48

Ngaangai' ru ulun makapandai ra Aku, Tuhan nansikit ra apui no, am apui no kalo maalap ra lasa'.”

YEHEZKIEL 38:22

Ukumin Ku boo io ra maruol tumapik am pasasaron raraa'. Rasam maawas, rasam batu, apui am bilirang makalumpa' riso am saujor nano, am niayuk bansa'-bansa' ondo' maya' riso.

ABAKUK 2:16

Raino nasaboi paat min koson tauyuon am sala' ka urumaton. Pangurumatan ramuyun makulau masauk ra pagasaban. Jajalin kau ru Tuhan manginum intor ra sangkir ondo' suang no ukuman; manginum kau am mangkasiling.

MATIUS 20:22

Indagu i Jisus risilo, “Akau kalo nakapandai ra atan kinitaak mino. Makakau' kau kia manginum ra sangkir kaimbalaan ondo' maaru' inumon Ku?” Taam ilo, “Makakau' akai.”

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MATIUS 26:39

Ugar i Jisus inggalur koborok risilo am kubu ra tana' am pakiasi', “O Ama', amon ru maalap ayuk painggaluro' sangkir kaimbalaan ti intor Raki'! Kaa' pai' gagayaa' kitaakon Kuti, kaa' maya' ra kasagaan Muno Ama'.”

MARKUS 8:38

Sabap ra osoi ayuk mauyu' mangiou Raki' am pangilaan Kuno ra tatanga' ru ulun ondo' kalo boo mangintopot am makatula ti, Anak ru Ulun pana mauyu' mangiou ra ulun raginio paat ra Io matong ralalom katulayan ru Ama' Nano, sumbayaan ru malaikat-malaikat ondo' matulai.”

MARKUS 9:44

Giu' no ulor kalo matoi-atoi am apui kalo malaalasa'.]

RINALATAN 10:22

Taam ilo, “Tingganai Konilius nanusub ramon mongoi ragiti. Io ti sangulun moonsoi ondo' sumamba ri Aki Kapuuno' am niayuk ngaangai' ulun ru Jaudi mangurumat riso. Sangulun malaikat ru Tuhan nanusub riso mompoongoi rirun ra baloi nano koson mangkirongog ra atan raguon muno.”

SAGULION 29:23

Umo mino masauk ra mapua' am kolondo' onong sabap ra natauban ru bilirang am usi'. Kalo matanaman tana' raginio, am kalo tuwin ru sakot giu' no. Masauk tana' mino koson ra bandar Sodom, Gomora, Adma am Jiboim ondo' pinuso ru Tuhan paat Io siminangit kaga'.

2 TISALONIKA 1:7

Am poyo mangani' Io ra katasuan ramuyun ondo' raino ti imboloon, mogondo' niayuk ramon. Gitio saukon Nano paat ra Tuhan Jisus mintalang intor ra suruga' mabaya' ra malaikat mangaikang Nano,

JUDAS 1:7

Karaa' min niayuk mamagun ru bandar Sodom, Gomora am bandar ra naginggaar, ilo pana mogondo' ra malaikat ra raitii' ni. Nambaal ilo ra pansasawaan am baal makauyuyu'. Inukum ilo ra apui mantilayun koson ra rondo' pangkaraan ru ngaangai' ulun.

PINAINTALANG 15:7

Rondo' boo intor ra apat baal ru ilo ondo' maayag no nangani' ra tulu' malaikat no ra tulu' sangkir mas ondo' nototop ra sangit am ukum ri Aki Kapuuno' ondo' maayag ra matilayun.

PINAINTALANG 16:19

Intor raginio, bandar ondo' maayo no napitalu, am nalunsai niayuk bandar ru ngaangai' pagun ra tana' ti. Kakara' boo ri Aki Kapuuno' bandar Babil ondo' maayo no am painumo' No io ra ruu' ru anggur intor ra sangkir Nano – ioginio wain ru sangit am ukum Nano ondo' makalalaa'.

PINAINTALANG 18:3

Sabap ra ngaangai' bansa' am raja'-raja' ru tana' ti nansasawa' ilo ra mamagun ru bandar i, koson ra ulun mangagauk ra wain. Intor raginio ulun-ulun mantatalan nano lumangkaya'.”

PINAINTALANG 18:6

Baalo' noyo risilo maya' ra binaal nilo ramuyun; balasi' noyo ra suang mainduaan ra ngaangai' binaal nilo. Suangi' noyo sangkir nilo ra inumon ondo' mainduaan bisa' intor ra inumon ondo' pinasulung nilo ramuyun.

PINAINTALANG 19:15

Intor ra kabang Nano miningkual rondo' ilang malarom ondo' mampakaala ra bansa'-bansa'. Parintaan No ilo ra kalo makaasi' mogondo' ra kawa' ru anggur kikinjangin ra intok pamagaan, ioginio sangit am ukum ri Aki Kapuuno' Maayo Kaga' Kuasa'.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

PINAINTALANG 20:10

Tingganai ru riwato boo ondo' namparuung risilo no pinatiran ra tasik ru apui ondo' naratok ra balirang mapaang. Gili, gitio noyo namatiran ra bibiag masigo am migiangku ra nabi no am imboloon ilo orou-rondom ra sabuoi-buoi no.

PINAINTALANG 20:14

Patayan am Nabalu pinatiran ra tasik ru apui. (Tasik ru apui ti ioginio kapatayan ra kainduo.)

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”